James 5:9 - Yak'usda Ooghuni

⁹ Sulhutsinke lhchꞌa neꞌdoohtniꞌ junih, doo ka si nohkꞌéholtsꞌit. Nulhꞌen Yakꞌusda, nahiyilh-un, ꞌen dati usyin ꞌet huwa.

James 5:9 Iomraidhean Croise

Genesis 4:7

Soo ꞌantꞌen, ꞌaw lakw ꞌuyoo neba lheꞌhootazooꞌ? ꞋEt ꞌaw soo lheꞌzintꞌen de, ꞌutꞌen untsiꞌ-i dati ꞌusꞌai whe ꞌuntꞌoh. ꞋInkꞌez nkaꞌ ninzun whe ꞌuntꞌoh, ꞌet hoontsꞌi whuchꞌa whumoodih ꞌonleꞌ.”

Matthew 24:33

Nohni cha ndohwhi whunulhꞌen de, ꞌawet tꞌewhunóhzin, nilhdukw suliꞌ. ꞋAntsꞌi dati zih leꞌ hoontꞌoh.

Mark 13:29

ꞋEt nohni cha whunulhꞌen de, néꞌwhutitꞌen-un whunulhꞌen de, ꞌet la whuz unꞌa tꞌeoonóhzin ꞌawet nilhdukw, datih whuzih ꞌuhoontꞌoh.

Mark 6:19

ꞋEt huwa ooꞌat Herodias John dune too be ꞌulhꞌen-un yutsꞌu dutni ꞌinkꞌez yuzoolhghelh hukwaꞌ ninzun. ꞋEt hoontsꞌi duki, Herod, ꞌen gha ꞌaw yuzoolhghelh ꞌaítꞌoh.

1 Corinthians 10:11

ꞋEt ndi ꞌi tsꞌiyawh buba ꞌet ndúhooja ꞌi tsꞌiyawh ooghá tꞌetsꞌonozin ha ndóohooja, ꞌinkꞌez neba ꞌukꞌeyanguz whe wheni ꞌuneúlhni. Wheni ꞌutsꞌintꞌoh ndi yun kꞌut uzdilhtsꞌi-un hukwꞌunꞌa, wheni neba ꞌawet whula toh suliꞌ.

1 Corinthians 4:5

ꞋEt huwa ndet dzin whusaootiltsꞌulh whutsꞌun, ꞌaw hoonliyaz buba nahoohyeh-un hooloh. NeMoodihti whusatiyalh whutsꞌun huba sulhꞌi whe tsalhgus yo tsꞌe nunuꞌiꞌ-i, ꞌi tsꞌiyawh tsꞌet ha naítilelh. ꞋInkꞌez dune budzi yo tsꞌe ꞌuhuninzun-un, tsꞌiyawh tsꞌiyanne bunalhtsꞌet ha óotilelh. ꞋEt Yakꞌusda ꞌilhone hinli whe hoonzoo whe bubulh whudutalhtiꞌ.

2 Corinthians 9:7

ꞋIlhone hinli whe dudzi be hukwaꞌ huninzun huwa hítaꞌalh, ꞌet ꞌultsuk-i huwa hóoꞌalh. ꞋAw dantsiꞌ be iloh kꞌus whuz hinilhtꞌi huwa iloh. Mbe la hoontꞌiꞌ whe huwa ꞌáꞌaih-un, ꞌen Yakꞌusda yukꞌensiꞌ ꞌet huwa.

Galatians 5:14

Moses be ꞌudustlꞌus ꞌet whunílhcho ꞌilho khuni be lhaooduja, ꞌet ndutni, “Ntsꞌenꞌa la nyunchꞌoh kꞌenainsiꞌ, whuz unꞌa nyulh dune cha bukꞌeoonsiꞌ,” ni.

Galatians 5:26

Khun te wheꞌ dudolhtiꞌ junih, tsꞌúhoskeꞌ junih, ꞌinkꞌez ꞌuyoonne chꞌeꞌ haꞌ ꞌuznoozin junih.

James 4:11

Sulhutsinke lhdulhyoh yaoolhduk junih! Mbe dulhutsin dulhyoh yalhduk-un ꞌinkꞌez yuba nahizya de, ꞌen Yakꞌusda dughuni netlꞌa ídanꞌai-i, ꞌi yudulhyoh yalhduk whe ꞌutni. ꞋI ba nus unzoo naꞌdunúdzun. ꞋEt ndintꞌen de, ꞌaw Yakꞌusda khuni netlꞌa ídanꞌai-i, ꞌaw kwꞌunulheꞌzintꞌen, ꞌantsꞌi Yakꞌusda kꞌunꞌa nahiyilh-un ꞌintꞌoh naꞌduníndzun.

James 4:12

ꞋAw ꞌilhoghun za ꞌuntꞌoh ndi khuni netlꞌa ídanꞌai-un. ꞋAw ꞌilhoghun za dune ulhyis-un kꞌus kwuncho yo tsꞌe butilhꞌalh. ꞋEt huwa mbe inli naꞌduninzun whe ꞌuyoonne ba nahanyelh?

James 5:10

Sulhutsinke ndunne nus hooꞌenne, ndunne neMoodihti booziꞌ be yailhdukne, ꞌenne dude ꞌutꞌen kꞌoh huwa dzoh nuhúde inleꞌ. ꞋEt hoontsꞌi neMoodihti datinelh, ꞌet huba hilhꞌi. ꞋEnne bugha hodoolhꞌeh!

James 5:7

ꞋInka sulhutsinke neMoodihti whusanátidalh whutsꞌun, ꞌet huba sulhꞌih. Dune ha níyeh ꞌulhꞌen-un, ndi haínulhyeh-i, ꞌi soo ꞌúlcho tileh whutsꞌun, saꞌ whe yuba sulhꞌi. ꞋOlulh ꞌinkꞌez dakꞌet naootilhtelh-un, ꞌet huba sulhꞌi.

1 Peter 4:5

ꞋEt nahiyilh-un ꞌawet lhaduja. Mbene la yaidlane ꞌinkꞌez khunane cha, hibut netidulh buba nahutiyeh ha. Dahitꞌen-un, ꞌet tsꞌiyawh hidutánelh.

1 Peter 4:9

Nohdzi hoontꞌiꞌ whe dune nohyoh bez tsꞌe tsꞌu daóohzooꞌ.

Revelation 3:20

Soo zulhtsꞌai, dati susyin ꞌinkꞌez dati dunuzkwꞌuz. Mbe suditsꞌo-un ꞌinkꞌez sba dáhaꞌ dantan-un, ooghu datisyalh ꞌinkꞌez bulh naꞌtistꞌulh ꞌinkꞌez didut cha sulh naꞌtitꞌulh.