James 5:7 - Yak'usda Ooghuni

⁷ ꞋInka sulhutsinke neMoodihti whusanátidalh whutsꞌun, ꞌet huba sulhꞌih. Dune ha níyeh ꞌulhꞌen-un, ndi haínulhyeh-i, ꞌi soo ꞌúlcho tileh whutsꞌun, saꞌ whe yuba sulhꞌi. ꞋOlulh ꞌinkꞌez dakꞌet naootilhtelh-un, ꞌet huba sulhꞌi.

James 5:7 Iomraidhean Croise

Matthew 16:27

Yinka Dune Yeꞌ whusatiyalh, ooBá ye diztiꞌ-i ꞌinkꞌez oolizas, bubulh, whusatiyalh whe tsꞌiyanne dahitꞌen, whuz unꞌa ꞌilhone whe buba kꞌelha whutilhtselh.

Matthew 16:28

Soo tsꞌihꞌun unꞌa nohdusni, whulohne njan núdilhyane, dahutitsah whutsꞌo Yinka Dune Yeꞌ whe lerwe unli-un, whuz unꞌa whuz de uyalh de, dahútitsa whutsꞌo huyuntilhꞌelh.”

Matthew 24:27

ꞋEt ditni kwun ndaz de ha dánat ꞌinkꞌez nooꞌ whe dánat. ꞋEt tsꞌiyanne dune yunoolhꞌen ha, ꞌet whuz unꞌa Yinka Dune Yeꞌ whusatiyalh.

Matthew 24:44

ꞋEt huwa nohni cha lhadóohtꞌeꞌ. Ntsꞌowhuya whudizulh-un, ꞌet ookwa tse lhúwhahlih-un, ꞌet Yinka Dune Yeꞌ ꞌet whusatiyalh.”

Luke 18:8

ꞋInkꞌez ꞌunohdusni, ꞌahoh buba kꞌutítnelh! ꞋEt hoontsꞌi Yinka Dune Yeꞌ ndi yun kꞌut whusanája de, soo eh dune ooba ꞌalha ꞌuhoontꞌohne naitálelh?”

Luke 21:27

ꞋOh de de, Yinka Dune Yeꞌ kwꞌus toh ye ulhtus-i be ꞌinkꞌez ootsꞌu ha yánduz-i cha, whuz unꞌa huyuntilhꞌelh whe whusatíyalh.

Luke 8:15

ꞋEt hoontsꞌi ndai la yun unzoo-i kꞌut nanánkat-i, ꞌenne huhóontꞌiꞌ whe khuni hidantsꞌo ꞌinkꞌez budzi unzoo whe huyoontun. Ntsꞌoh dahoontꞌoh hoontsꞌi ꞌilhiz huyilhchuk. ꞋEt whuz unꞌa bumaiꞌ whulaih.”

John 21:22

ꞋEt Jesus uyúlhni, “Whusanátisdalh whutsꞌun ꞌet hoonaꞌ hukwaꞌ nuszun de, nyun mba lheꞌhootꞌoh. ꞋEt nyun sunanyalh.”

John 21:23

Mbene la lhulhutsinke suliꞌne ꞌet ndi khuni Jesus ye yátilhduk-i tsꞌiyawh butoh nídilhtsꞌut, nyoon Jesus yukꞌentsiꞌ-un ꞌaw dálhtisa. ꞋEt hoontsꞌi Jesus Peter ꞌaw lhidínel ndun ꞌen ꞌaw dálhtisa. ꞋAntsꞌi yúlhni, “Whusanátisdalh whutsꞌun ꞌet ꞌen hoonaꞌ hukwaꞌ nuszun de, nyun mba lheꞌhootꞌoh?”

Romans 15:4

Ndet ꞌudaꞌ Yakꞌusda be ꞌudustlꞌus kꞌut ꞌukꞌehóoguz-un oogha whútsꞌo doolꞌeh ha ꞌukꞌéguz. ꞋEt whe ndet la Yakꞌusda netsꞌu hoozi-un ꞌi ooba tsꞌilhꞌi ꞌinkꞌez ooba tsꞌilhꞌi zaꞌ tsꞌintꞌoh.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

1 Corinthians 1:7

ꞋEt huwa ꞌaw hoonliyaz nohgha untꞌai-i ꞌaw nohba ndukw lhiloh whe neMoodihti Jesus Christ netoh be hoodutaltsilh-un, ꞌet hukwa tsꞌe hooli.

Galatians 5:5

Ndoni gha za wheni ooka tse tsꞌúhooli whe tsꞌihꞌun unꞌa whe dune tsꞌooleꞌ ha, ꞌet huba tsꞌilhꞌi ꞌet huwa.

Galatians 6:9

ꞋEt hoonzoo-un ꞌutsꞌuwhulhꞌen ꞌet huwa néznotsilh junih. ꞋEt ꞌaw whula lhtsꞌudustni de, whusahóoltsꞌut de, ꞌet de ha ꞌúznoolelh.

Colossians 1:11

Ye ulhtus-i diztiꞌ-i, tsꞌiyawh ꞌi be ꞌon nus ulhtus óohle. ꞋInkꞌez hoonáhtꞌiꞌ whe soo hoonli talhodahni ꞌinkꞌez dzoh nahdeh-un whulh nudulhya.

1 Thessalonians 1:3

Nohnatsꞌulnih-un ꞌaw ꞌetsul lheꞌtsꞌusne, be ꞌalha ꞌuhoontꞌoh-i, ꞌi ghun nohꞌeꞌutꞌen. ꞋInkꞌez be nékꞌetsꞌinsiꞌ-i be soo cho ꞌahtꞌen. ꞋInkꞌez neMoodihti Jesus Christ ꞌen ghun hukwa tse hoohli-un, ꞌaw whula lhduzahni. Yakꞌusda neBá ꞌen oonalh ꞌet ndahtꞌen.

1 Thessalonians 2:19

ꞋEt ndet ꞌuhoontꞌoh hukwa tse tsꞌuhooli, kꞌus ndai be tsꞌuhoontꞌi? Ndai la neba ꞌukꞌelha tileh-i, ꞌi be eh tsꞌoohootatꞌeꞌ? NeMoodihti Jesus Christ nkede whusanatidalh ꞌinkꞌez nohni cha tsꞌiyawh oobulh ꞌutihtꞌelh, ꞌet za ꞌuhoontꞌoh!

1 Thessalonians 3:13

ꞋEt whe neMoodihti Jesus Christ ꞌinkꞌez oochꞌeꞌ unline, ꞌenne tsꞌiyawh whusanahidil de, ꞌet de la neBá, Yakꞌusda, ꞌen nalh, ꞌaw nohdzi be ye nohkꞌehoꞌalh-i hootaloh, ꞌinkꞌez nohlubeshi cha hootaloh.

Hebrews 6:15

ꞋInkꞌez ꞌet whuz unꞌa ꞌuhooja. Yakꞌusda Abraham tsꞌu nahizyai-un saꞌ whe yubailhꞌeꞌ, ꞌet hoontsꞌi whe yutsꞌu náhizya-un ooghá whultsꞌut.

James 4:11

Sulhutsinke lhdulhyoh yaoolhduk junih! Mbe dulhutsin dulhyoh yalhduk-un ꞌinkꞌez yuba nahizya de, ꞌen Yakꞌusda dughuni netlꞌa ídanꞌai-i, ꞌi yudulhyoh yalhduk whe ꞌutni. ꞋI ba nus unzoo naꞌdunúdzun. ꞋEt ndintꞌen de, ꞌaw Yakꞌusda khuni netlꞌa ídanꞌai-i, ꞌaw kwꞌunulheꞌzintꞌen, ꞌantsꞌi Yakꞌusda kꞌunꞌa nahiyilh-un ꞌintꞌoh naꞌduníndzun.

James 5:10

Sulhutsinke ndunne nus hooꞌenne, ndunne neMoodihti booziꞌ be yailhdukne, ꞌenne dude ꞌutꞌen kꞌoh huwa dzoh nuhúde inleꞌ. ꞋEt hoontsꞌi neMoodihti datinelh, ꞌet huba hilhꞌi. ꞋEnne bugha hodoolhꞌeh!

James 5:3

Nohgold ꞌinkꞌez silver ꞌi bulh, tsꞌiyawh kꞌenáditsan. ꞋInkꞌez ndi kꞌenáditsan-un, ꞌet whe nahohootáꞌalh dantꞌohne ꞌahli. Ndi kwun gak ilhꞌí-i, ꞌet whuz unꞌa ndahtꞌen-un nintaꞌnohtálhꞌelh. ꞋUdekꞌez dzin ꞌet huba ꞌaoohli!

2 Peter 3:4

ꞋInkꞌez ꞌuhudutinelh, “ꞋAlha eh Jesus Christ nohtsꞌu nahizya doo cha whusanatidalh-un. Ndun ꞌudáhni-un, ꞌen ntsꞌé ꞌutꞌen? Netsodaꞌne tsꞌiyawh yahadla ꞌet hoontsꞌi ꞌawhuz whusanálhusdai. Ndi yun ꞌulya ꞌinkꞌez ꞌandit dzin whutsꞌun, tsꞌiyantsuk dawhútꞌen, ꞌet za nduwhútꞌen.”