James 5:16 - Yak'usda Ooghuni

¹⁶ Lhtsꞌun tankꞌus ꞌahtꞌen de, lhudóhni ꞌinkꞌez lhba tenadoohdli. ꞋEt ndahtꞌen de, ꞌet de la soo naꞌoohtneh. Tsꞌihꞌun dune, ꞌen tsꞌihꞌun unꞌa whe tenadudli de, ꞌet whuz unꞌa ootenadudli gha lhat-un hooncha túneꞌ whutitꞌen ꞌet huwa.

James 5:16 Iomraidhean Croise

Genesis 19:29

ꞋEt ꞌuhooja Yakꞌusda (Elohim) nyo keyoh gak whulhtsi hukwꞌelhꞌaz ꞌet Yakꞌusda (Elohim) Abraham nalnih ꞌinkꞌez Lot nyo hootꞌeꞌ-un keyoh gak whulhtsi ꞌuchꞌa nayulhꞌa ꞌinkꞌez ꞌutsꞌun whe yalhꞌaꞌ.

Genesis 20:17

ꞋEt Abraham Yakꞌusda (Elohim) tsꞌun tenadidli ꞌinkꞌez Yakꞌusda (Elohim) Abimelech soo naꞌyinla, yuꞌat cha ꞌinkꞌez tsꞌekoo yunat neꞌutꞌenne cha, ꞌinkꞌez bubuzkeꞌ whuzdliꞌ.

Genesis 20:7

ꞋAndit ꞌet huwa ndun tsꞌeke ootlꞌaꞌ nayilhtih, nus hooꞌen-un dune ꞌuntꞌoh, ꞌinkꞌez si mba tenadoodli ꞌinkꞌez khonaꞌ. ꞋAw ootlꞌa nalhuyilhtel de, ꞌalha dantantsah whe ꞌintꞌoh ꞌinkꞌez mbene la nchꞌeꞌ unline ꞌenne cha tsꞌiyawh.”

Genesis 32:28

ꞋEt ꞌutni, “ꞋAw nyooziꞌ ꞌon ꞌun Jacob lhunyodutasnel. Israel nyo dutanelh. Yakꞌusda (Elohim) ꞌen bulh nulhuziltiꞌ, dune cha, ꞌinkꞌez ꞌenne buchꞌaꞌ nilhde.”

Matthew 21:22

ꞋEt ndai ookaꞌ dahni tenadudli be, nohba ꞌalha ꞌuhoontꞌoh de, ꞌi tsꞌiyawh nohgha tíkulh.”

Matthew 3:6

ꞋInkꞌez dulubeshi kꞌunꞌa huhoolnuk whe ꞌukoh Jordan John ꞌen too beꞌ balhꞌen.

Mark 1:5

ꞋEt whe la tsꞌiyanne Judea whunat whutꞌenne ꞌinkꞌez Jerusalem whutꞌenne cha tehúnindil ꞌinkꞌez John dune too be ꞌulhꞌen-un huyoozílhtsꞌai. ꞋInkꞌez dulubeshi ghun huna huhoolnuk whe ꞌukoh Jordan huwhútni-un toot ꞌet John dune too béꞌ balhꞌen.

Luke 9:6

ꞋInka whenáhidil ꞌinkꞌez keyoh totsuk whutulh lhunáhusdil. Dune khuni unzoo-i be bubulh yahulhduk, ꞌinkꞌez keyoh totsuk dune soo naꞌhulhꞌen.

John 9:31

Tꞌetsꞌonínzun Yakꞌusda ꞌaw lubeshi ꞌulhꞌenne lhuboozílhtsꞌai. ꞋEt mbene la Yakꞌusda tsꞌu téniꞌ nilhdzunne, ꞌinkꞌez butsꞌu húkwaꞌ ninzun te neꞌútꞌenne, ꞌenne za uboozílhtsꞌai.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 19:18

ꞋInkꞌez mbene la dune dedúle unlíne, lhane butoh ooba ꞌalha ꞌuhoontꞌoh suliꞌ. ꞋEt whusahándil ꞌinkꞌez tsꞌiyanne nalh khuna hahoolnuk.

Acts 8:24

ꞋEt Simon, John ꞌinkꞌez Peter bulh ubúlhni, “NeMoodihti tsꞌun sba tenadahdli. ꞋEt la datisnelh sudahni-un ꞌawet ndulhohosneh.”

Romans 3:10

Daja dusni-un Yakꞌusda be ꞌudustlꞌus kꞌut cha ꞌukꞌu whusguz ꞌet ndutni, “ꞋAw ndi yun kꞌut ꞌilhoghun dune tsꞌihꞌun unꞌa ꞌuntꞌóh-un hooloh.

Romans 5:19

Adam ꞌaw khuni kꞌúnulheꞌitꞌel, ꞌet huwa ꞌen ooghaꞌ hooja tsꞌiyanne dune lubeshi ꞌulhꞌenne huzdliꞌ. ꞋEt hoontsꞌi Jesus Christ ꞌúkꞌuneꞌ ꞌustꞌen-un huwa lhane dune tsꞌihꞌun ꞌuhintꞌoh tileh.

Colossians 1:9

ꞋEt whula gha tsꞌe ꞌoh daꞌ ndet dzin whulh ꞌúzdantsꞌo, ꞌoh daꞌ whutsꞌun nohba tenazdudli-un ꞌaw ꞌetsul lheꞌtsꞌudísni. Whuz unꞌa Yakꞌusda nohba tsꞌoodulhkut whe nohtsꞌo hukwaꞌ ninzun-un, soo tsꞌihꞌun unꞌa tꞌewhunoohzeh. ꞋEt whe Ndoni ꞌen be, be whutnih-i ꞌinkꞌez be tꞌeoonudzun-i cha, ꞌi tsꞌiyawh ꞌi be dutíhbun.

1 Thessalonians 5:17

Tenadahdli-un, ꞌetsul ꞌudóhnih junih.

1 Thessalonians 5:23

ꞋEt ꞌawet Yakꞌusda, be nedzi dizghel-i negha ninꞌai-un, ꞌen nohni dichꞌoh duba ꞌudun nenóholelh-un. ꞋInkꞌez nohyustꞌe, nohzul, nohyughi, ꞌalhgoh ꞌaw hoonli whe nohkꞌé holtsꞌit-un hooloh whe neMoodihti Jesus Christ whusanatidalh whutsꞌun, ꞌet whuz unꞌa Yakꞌusda nohbaꞌ hooleh nohba hukwaꞌ nuszun.

1 Thessalonians 5:25

Neulhutsinke neba tenadahdli.

Hebrews 11:4

Abel Yakꞌusda ooba ꞌalhaꞌ yintꞌoh. ꞋI be ꞌuja dulhutsin Cain ꞌen anus unzoo-i Yakꞌusda loodel kꞌut yuba ídalhkꞌun. Ndi huwa íninꞌai-i, ꞌet Yakꞌusda hoonzoo kꞌunꞌa yughu yalhduk. Abel dazsai hukwꞌelhꞌaz hoontsꞌi ntsꞌenꞌa daja-un, ꞌet ooghun nebulh yaínduk, Yakꞌusda tsꞌihꞌun dune ꞌuntꞌoh yulhni.

Hebrews 11:7

Noah ꞌen cha Yakꞌusda ooba ꞌalhaꞌ yintꞌoh. ꞋI be ꞌawhuz lhuhoos̱ꞌen-un Yakꞌusda yúlhni, “Huwonleꞌ ꞌawet whuz de hóoltsꞌulh.” Whe nuljut ꞌinka tsꞌi cho ꞌuyínla. ꞋEt huwa Noah hiyoh dilhtsꞌine, ꞌenne tsꞌiyawh ubúlhyih. Ndi tsꞌi cho ꞌuyínla-i, ꞌi gha ndi yun kꞌut dúlcho whe dunene buba nahisda. ꞋInkꞌez be ꞌalha ꞌuhoontꞌoh-i be tsꞌihꞌun unꞌa ꞌuntꞌohne tsinli, Noah ꞌen cha whuz unꞌa Yakꞌusda ooba ꞌalhaꞌ yintꞌoh-un suliꞌ, ꞌi be tsꞌihꞌun dune inleꞌ.

Hebrews 12:13

ꞋInkꞌez nohke ba ti cha lhtsꞌe oodizꞌa nahoolhtselh. Mbene nohtoh tetsunne, ꞌenne tinchꞌu hooyaꞌ ꞌaitꞌoh, ꞌet kꞌus soo hilhtus naꞌhutitleh.

Hebrews 13:18

Neba tenadoohdli. Tsꞌihꞌun unꞌa tꞌetsꞌoninzun neyo tsꞌe oogha tꞌetsꞌoninzun-i ꞌaw hoonli-unyaz hoontsiꞌ-un whughu hooloh. Whuz unꞌa za tsꞌuhootátun hukwa ꞌuzninzun.

1 Peter 2:24

Nelubeshi didutchꞌoh duyustꞌe be tulalhgus tsꞌú yoozdla. ꞋEt huwa ꞌaw ꞌon ꞌun nelubeshi nemoodih ooleꞌ ꞌaitꞌoh. ꞋEt sih tsꞌihꞌun unꞌa tsꞌukhoonaꞌ. Ooka kꞌet ꞌet whe tsꞌiyawh soo náꞌtsꞌulya.

1 John 3:22

Di ootsꞌo óokaꞌ tsꞌutni-i, ꞌi negha íyunle, ooghuni tsꞌoontun ꞌinkꞌez hoonzoo whe oonalh neꞌtsꞌutꞌen ꞌet huwa.