James 5:12 - Yak'usda Ooghuni

¹² ꞋInkꞌez sulhutsinke ndi ꞌuhoontꞌoh-un ꞌunohdúsni, hoonliyaz dune tsꞌu nahizinya de, khun te yakꞌuz whunalh ꞌudúsni kꞌus ndi yun kꞌut whunalh ꞌudusni, kꞌus ꞌuyoo khuni be, whuz unꞌa te yatoolhdih junih. ꞋEt kꞌus, “A,” dutihnelh de, ꞌantsꞌi, “A,” doohtniꞌ. ꞋEt, “Dah,” dutihnelh de, ꞌet cha, “Dah,” doohtniꞌ! Doo ka si nohba nahoodeh.

James 5:12 Iomraidhean Croise

1 Corinthians 11:34

Mbene la ooyeꞌiltsꞌulne duyoh ꞌet ꞌuhooꞌalh. ꞋEt whe la nkede la ꞌilhunaoohdulh de, ꞌaw nohba nahoodeh ꞌaitꞌoh. ꞋInkꞌez ꞌudun cha whunohodutisꞌeh-un ndet la nohtsꞌóozusya de, ꞌet tsꞌiyawh tsꞌihꞌun unꞌa nohba neootasꞌalh.

James 1:16

Sulhutsinke ookꞌesiꞌne, nanoohtꞌah júnih!

James 1:19

ꞋEt huwa sulhutsinke ookꞌesiꞌne, ꞌilhone ꞌahli whe Yakꞌusda ooghuni soo ꞌa cho dohtsꞌo. Nánilhtsulyaz hukwꞌu nuní nulhzut whe yatulhdih. Khun te hunólhchꞌeh junih.

1 Peter 4:8

Soo ꞌukꞌenus hooncha-un ꞌuhoontꞌoh. Tube cha lhkꞌeoohsiꞌ. Ntsꞌenꞌa dune tankꞌus nunóhulhꞌen whe nohundulhda de, ꞌet hoontsꞌi whutus bukꞌeoohsiꞌ hubaꞌ hoontꞌoh.

3 John 1:2

Ookꞌesiꞌ-un nzul dáldzooꞌ la whuz unꞌa tsꞌiyaitsuk be hoonzoo ꞌoneh ꞌinkꞌez soo ꞌóntꞌeꞌ, ꞌet whuz unꞌa mba tenadusdli.