James 5:11 - Yak'usda Ooghuni

¹¹ Soo zúlhtsꞌai, ndunne howa whúlnaꞌ hoontsꞌi whulh huzyin, ꞌenne ꞌukꞌenus hoonzoo-un bubulh ꞌúhooja butsꞌutni. ꞋEt ndun Job tsꞌutni, ꞌen cha ntsꞌenꞌa dzoh nusuzut, ooba howa whúlnaꞌ hoontsꞌi whulh ínyin. ꞋInkꞌez ntsꞌenꞌa la neMoodihti tube yugha teꞌninzin, ꞌinkꞌez hukwꞌelhꞌaz hoonzoo ꞌuntꞌoh-un yutlꞌa náhonꞌai, ꞌet tsꞌiyawh whulh údahtsꞌoh.

James 5:11 Iomraidhean Croise

Matthew 10:22

ꞋInkꞌez si sooziꞌ gha tsꞌiyanne nohtsꞌo dutitni. ꞋEt hoontsꞌi mbene la ꞌudekꞌez whutsꞌun ꞌet whulh núdalyaꞌne, ꞌenne hudutijih.

Luke 1:50

ꞋInkꞌez ye teꞌninzun ꞌi mbene la ye nuljutne bukꞌidoꞌa, nus de yinka dunene.

Luke 11:10

ꞋEt mbene Yakꞌusda hoonli hitsꞌu hukwa ꞌutni de, bugha whútakulh. Mbe hoonli hukwunútane, nahuhootáꞌalh. ꞋInkꞌez mbe la dati dunulkwꞌuz-un ooba dáhaꞌ dutikwus.

Luke 6:36

ꞋInka nohBá ntsꞌenꞌa la teꞌninzun, nohni cha whuz unꞌa za teꞌnoohzin.”

Romans 2:4

Khun tilah, Yakꞌusda lheꞌwhuldzoh ntsꞌun únzoo ꞌinkꞌez ꞌaw nyulhónulhchꞌe. ꞋEt ꞌantsꞌi eh mbaꞌ hoontꞌoh? ꞋAwhuz eh tꞌewhunuzínzun Yakꞌusda ntsꞌun únzoo-i, ꞌi be nyeni nahandunonꞌah hubaꞌ hoontꞌoh?

Ephesians 1:6

ꞋI gha ye unzoo diztiꞌ-i, ꞌi uzdólhtiꞌ. ꞋEt whuz unꞌa duYeꞌ yukꞌensiꞌ-un, ꞌen ooba sooꞌ tsꞌuldzooꞌ nesulhtsi.

Ephesians 2:4

ꞋEt hoontsꞌi Yakꞌusda dalcho-i be nekꞌensiꞌ, ꞌet huwa tube cho negha teꞌninzun.

Hebrews 10:39

Ndunne mbene la Yakꞌusda ooba ꞌalhaꞌ yintꞌohne ꞌinkꞌez kꞌoh naꞌhuja de, ꞌenne ndai la Yakꞌusda bugha whútaꞌalh-un, ꞌaw huyólhchoot ꞌaitꞌoh. Wheni ꞌaw ꞌenne bukꞌunꞌa lheꞌtsꞌítꞌoh. ꞋEt kꞌus wheni Yakꞌusda ooba ꞌalhaꞌ yintꞌohne tsinli, ꞌet whe dijizne ꞌutsꞌintꞌoh.

Hebrews 3:14

ꞋEt ꞌudechoo whutsꞌun Christ ookꞌúneꞌ tsꞌutꞌen-un, ꞌet whula toh whutsꞌun whulh tsꞌuzyin de, ꞌet de za Christ ootsꞌu ditnine ꞌuztileh.

Hebrews 3:6

ꞋEt hoontsꞌi Christ, ꞌuYeꞌ kꞌunꞌa whe duBá ooyoh huwunleꞌ. ꞋEt ooka tse tsꞌúhooli-i, nedzi yoo do cho whe tsꞌodólhtiꞌ, ꞌinkꞌez ootꞌa niuznintan, ꞌinkꞌez ꞌudekꞌez dzin whutsꞌun soo cho tsꞌoontun de, ꞌet de ooyoh whutꞌi-un tsinli whe ꞌutsꞌintꞌoh.

James 1:12

Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

James 1:2

Sulhutsinke lhat-un whe lhelhtsꞌun unꞌa dzoh nahdeh de, ꞌet hoontsꞌi hoonahtꞌiꞌ whe whuz unꞌa za oohtꞌeꞌ.

1 Peter 1:13

ꞋEt huwa noheni lhadáhle. Huwahli. ꞋEt whuz unꞌa ye unzoo-i nohtsꞌu tihkulh, whula toh whutsꞌun ooka tse hóohli. Ndet dzin ꞌutinelh Jesus Christ nenalhtsꞌet be hóodutaltsilh. ꞋOh de whézdujis-un, ꞌet nohgha whútaltsꞌulh.

1 Peter 3:14

ꞋEt hoontsꞌi tsꞌihꞌun unꞌa ꞌahtꞌen hukwꞌelha, huwa dzoh nahdzut de, ꞌet ꞌukꞌenus hoonzoo-un nohgha whútaltsꞌulh. ꞋInkꞌez nohéꞌ hoonulhjoot de whénoolhjut junih, kꞌus huwu ni oolhleꞌ junih!

2 Peter 2:9

Mbene Yakꞌusda énuljutne, ꞌenne lubeshi ꞌuhulhꞌen whutsꞌó nintꞌi, ntsꞌenꞌa whuchꞌa nabutálelh-un, ꞌet neMoodihti tꞌeooninzun. ꞋInkꞌez tsꞌihꞌun lheꞌítꞌohne, ꞌenne cha ndet dzin buba nahutiyeh-un, ꞌet whutsꞌun bubeꞌ whuyah-un, ꞌet buboontun.