James 4:8 - Yak'usda Ooghuni

⁸ Yakꞌusda be nghoh nenahya de, ꞌet de Yakꞌusda didut cha nohenghoh netiyalh. Nohni nintaꞌutꞌihne, ꞌet whuchꞌa nohla tunáhgus. Nohni nawh ninidohne, nohdzi ootsun hooloh naoolhtselh.

James 4:8 Iomraidhean Croise

Genesis 18:23

ꞋInkꞌez Abraham yenghun neninya ꞌinkꞌez ꞌuyulhni, “ꞋEt whe eh ndunne tsꞌihꞌun dune hinli ꞌinkꞌez lubeshi ꞌuhulhꞌen bulh tsꞌiyawh gak butilhtselh?

Matthew 12:33

“Mai chun unzoo-i ha nálhyai de, oomaiꞌ unzoo tileh. ꞋEt mai chun ꞌutsiꞌ-i ha nálhyai de, oomaiꞌ ntsiꞌ tileh. Dantꞌoh-i duchun ꞌuntꞌoh, oomaiꞌ gha tꞌentidzeh.

Matthew 15:2

“Di ha ngha hodulꞌehne, netsodaꞌne neꞌhustꞌen hukwꞌunꞌa hukwꞌu nulheꞌhustꞌen? Ngha hodulꞌehne, ꞌaw lanalheꞌhulhde ꞌuhutiꞌulh whutso!”

Matthew 27:24

ꞋEt Pilate tꞌewhunínzun ꞌaw hoonli ꞌuhooleh ꞌaitꞌoh. ꞋIlhunaoosdilne ꞌawet lhtahotátꞌalh leꞌ hoontꞌoh. ꞋIlhozdilne bubut too be lanaꞌilde ꞌinkꞌez ubúlhni, “Ndun tsꞌihꞌun dune buzkaiꞌ ootꞌa óosnalh hukwa lheꞌnúszun. Nohnichꞌoh nohba ꞌuhoontꞌoh.”

Acts 15:9

Wheni Lizwifne tsinli ꞌinkꞌez ꞌenne ꞌudun yun kꞌut whutꞌenne hinli ꞌet hoontsꞌi ꞌaw lhelhtsꞌun unꞌa lheneꞌílhdzun. ꞋEt whe ndunne Jesus Christ buba ꞌalha ꞌuhoontꞌoh suliꞌ ꞌet huwa bulubeshi bubunayalhde.

2 Corinthians 7:1

ꞋEt huwa ookꞌesiꞌne soo zúlhtsꞌai, ndi yé netsꞌu nahizya-i, ꞌi neghun hoonli. ꞋEt huwa neyustꞌe ꞌinkꞌez neyughi ꞌi ndai lubeshi be dutsun suliꞌ, ꞌi tsꞌiyawh bunaꞌtsꞌoolhdeh. Yakꞌusda ꞌen bé uznuljut huwa ꞌet ꞌi be ndi lubeshi ooghu hooloh-un, tsꞌooleꞌ.

1 Timothy 2:8

ꞋEt huwa ndi yun kꞌut ndulcho whe dunene tenahudoodli. ꞋEt bula lubeshi ooghu hooloh whe dodolnih. ꞋAw huske bubeni toh hooloh ꞌinkꞌez buba nawh lheꞌhostꞌeꞌ whe tenahudoodli. ꞋEt whuz unꞌa buba hukwaꞌ nuszun.

Hebrews 10:22

ꞋEt huwa wheni cha soo cho neba ꞌalha ꞌootꞌeꞌ ꞌinkꞌez nedzi tsꞌihꞌun ꞌuntꞌoh whe ootsꞌúztooyaꞌ. ꞋInkꞌez duzkaiꞌ be ꞌudaꞌ nedzi tunayuzguz. ꞋI be ndet neyo tsꞌe oogha tꞌetsꞌoninzun-i whudutsun-un neba whunaꞌalhde. ꞋInkꞌez neyustꞌe too unzoo-i be tunásguz leꞌ tsꞌootꞌeꞌ.

Hebrews 7:19

ꞋEt ndai la ꞌudechoo Yakꞌusda dughuni netlꞌa ídanꞌai-i, ꞌi be ꞌaw dune soo lhadúlyane hooleꞌ ꞌaitꞌoh. ꞋEt hoontsꞌi ꞌuyoo khuni netlꞌaidiltsut, ꞌi be ꞌon nus hoonzoo-un hukwa tse tsꞌúholeꞌ. ꞋEt de ꞌon nus Yakꞌusda be nghoh ꞌuztitꞌelh.

James 1:8

Nduntꞌohne, ꞌahoolhyiz nawh ꞌuhitꞌelhne hinli.

James 3:17

ꞋEt hoontsꞌi ndus de be whutnih-i, ꞌudechoo-i netsun hooloh neilhꞌi, ꞌinkꞌez nedzi dizghel cha yulhtsi, ꞌinkꞌez nánilhtsulyaz néꞌtsꞌutꞌen. ꞋEt whe ꞌuyoonne hukwaꞌ huninzun kꞌunꞌa bugha tsꞌúwhunle. Be teꞌ nudzun-i, cha ꞌuztitꞌelh, ꞌinkꞌez ꞌuyoonne ba cha ꞌutꞌen unzoo-i ꞌutsꞌoolhꞌen. ꞋInkꞌez tsꞌiyanne lhgha za nebutsꞌoolhꞌen, ꞌinkꞌez ꞌaw nawh lheꞌtsꞌunizun whe neꞌtsꞌootꞌen.

1 Peter 1:22

Ndoni ꞌen be ndi khuni ꞌalhaꞌ ꞌuntꞌoh-i, ꞌi ookꞌuneꞌ ꞌahtꞌen, ꞌi be nohdzi ꞌaw lubeshi ooghu hooloh sulhtsi. Nohdzi ndulcho-i be ooba ꞌalha ꞌuhoontꞌohne bukꞌehsiꞌ. Nohdzi ꞌaw lhdutsun whe ꞌilhoghun ꞌahli whe soo cho lhkꞌeoohsiꞌ.

1 Peter 3:21

ꞋEt ndiz whuz unꞌa huwaꞌ tꞌetsꞌonanzin. ꞋEt njan too beꞌ tsꞌulya-un whézdujih dultꞌoh. ꞋAw neyustꞌe tsun bunaꞌtsꞌulhde, whuz unꞌa iloh. ꞋEt kꞌus Yakꞌusda tsꞌoodulhkut hoonzoo-un neyo tsꞌe oogha tꞌetsꞌoninzun-i whudoꞌaꞌ, ꞌet whuz unꞌa uzdujih. Jesus Christ dunadija-un, ꞌet huwa.

1 John 3:3

ꞋInkꞌez mbene whuz unꞌa hitsꞌun hukwa tse hooline, dutsun hooloh naꞌhudutiltselh, dantꞌoh la ootsun hooloh, whuz unꞌa.