James 4:7 - Yak'usda Ooghuni

⁷ ꞋEt huwa Yakꞌusda ootlꞌaꞌ dudulhye. Netsudule, ꞌen oodulhyoh oohyin, ꞌet de nohghu nátsetilyalh.

James 4:7 Iomraidhean Croise

Matthew 11:29

Seꞌ ꞌutꞌen-i, ꞌi ulhchoot ꞌinkꞌez nedúhtꞌaih leꞌ ꞌahleh sgha hodulhꞌeh. ꞋAw dune dachꞌe nulheꞌzustꞌen ꞌinkꞌez teꞌduduzꞌen ꞌet huwa. Nohzul nátilyis-un ooba nahóhꞌalh.

Acts 26:19

“ꞋEt huwa, Lerwe Agrippa, njan ndus de kwun diznukw-un ꞌinkꞌez whudastsꞌo-un ꞌaw whudulhyoh lheꞌúsnel.

Acts 9:6

ꞋEt dutlut ꞌinkꞌez ooba hooncha, ꞌinkꞌez ꞌutni, “SMoodihti ndet datísnelh-un stsꞌu hukwaꞌ ninzun?” ꞋInkꞌez neMoodihti uyúlhni, “Dunadindaih ꞌinkꞌez keyoh tsꞌe ínyalh. ꞋEt dune datánelh-un nyodóniꞌ,” yúlhni.

Romans 10:3

Tsꞌihꞌun unꞌa Yakꞌusda kꞌúneꞌ hutitꞌen-un ꞌet ꞌaw tꞌéhonúszun. ꞋEt ntsꞌenꞌa la dichꞌoh ꞌuhuhóonla whuz unꞌa tsꞌihꞌun unꞌa ꞌuhintꞌoh naꞌhududilꞌi. ꞋInkꞌez ndet la Yakꞌusda butsꞌu húkwaꞌ ninzun-un ꞌaw hukwꞌunꞌa lheꞌhínel.

Romans 14:11

Njan huwun Yakꞌusda be ꞌudustlꞌus ꞌukꞌehóoguz-un ꞌet ꞌutni, “NeMoodihti njan ndutni, ntsꞌenꞌa la khusna hukwꞌunꞌa, tsꞌiyanne sbut dugwutsi be hóoyin. ꞋInkꞌez tsꞌiyanne ooba ꞌálhaꞌ hotꞌeꞌ Yakꞌusda usli.”

Ephesians 4:27

Khun te netsudule hukwaꞌ ninzun tuneꞌ nohoolhꞌen junih.

Ephesians 5:21

Yakꞌusda be nulhjut whe ꞌalhgoh lhudúlhtiꞌ whe ꞌilhoh dune oolhleꞌ.

Ephesians 6:13

ꞋEt huwa lhtsꞌutigan wheni be sóo nazdutitneh ha negha íninla-i, ꞌi tsꞌiyawh be soo nadoohtneh hubaꞌ hoontꞌoh. ꞋEt whe ꞌoh de hoontsiꞌ-un whusahónzut de, ꞌaw nohchꞌa oodeh ꞌaitꞌoh. Tsꞌiyawh lhadáhja de, ꞌet de nudútalhyalh!

Hebrews 12:9

Nja ꞌon ꞌun cha nohdusni, ndi yun kꞌut nebáke ꞌenne khuni ulhtus-i be nebulh yahalhduk ꞌinkꞌez bukꞌúneꞌ tsꞌustꞌen. ꞋInkꞌez Yakꞌusda, ꞌen neyughi ooBá tsꞌutni-un, ꞌen neBá ꞌukꞌenus díztiꞌ-un ꞌuntꞌoh, ꞌen ꞌon nus ootlꞌaꞌ úzdudoolyelh ndi yun kꞌut uzdutaltsꞌilh huba.

1 Peter 2:13

ꞋInka neMoodihti, ꞌen gha dune neꞌhutitꞌen-un ꞌukꞌehonguz-un, ꞌet tsꞌiyawh whukꞌúneꞌ oohtꞌen. Dantꞌohne dune hinli ꞌet hoontsꞌi, bukꞌuneꞌ oohtꞌen. Lerwe unli-un, soo ꞌudetso whudilhdzulh-un, ookꞌuneꞌ oohtꞌen.

1 Peter 5:6

ꞋEt huwa Yakꞌusda soo cho oobut yo ꞌúdudulhdzun. ꞋEt de la whusahóoltsꞌut de nohdólhtiꞌ.