James 4:5 - Yak'usda Ooghuni

⁵ Yakꞌusda ooghuni ꞌantsꞌet lheꞌdusni whe njan ndutni “Ndoni neyudinda-un, ꞌen tube cho ꞌuyoonne neba ha lheꞌnizun.”

James 4:5 Iomraidhean Croise

Genesis 26:14

ꞋUsbai ꞌi yulh lhai suliꞌ, musdoos ꞌi cha lhai whe yutꞌi suliꞌ, ꞌinkꞌez hinat neꞌutꞌen ꞌenne cha huldlai. ꞋEt whe Philistine whutꞌenne higheꞌ oolnih huzliꞌ.

Genesis 30:1

ꞋEt ꞌawet Rachel ꞌaw Jacob tsꞌoodunne yughalhilel tꞌeoonanzin, dulhtus ꞌen hukwa yugheꞌ oolnih ꞌinkꞌez Jacob ꞌuyulhni, “Tsꞌoodunne sgha ninle kꞌus datisah!”

Genesis 37:11

ꞋInkꞌez bulhutsinke higheꞌ oolnih ꞌinkꞌez oobá ꞌen ꞌantsꞌi huwu nuninuzut za ꞌuntꞌoh.

Genesis 38:9

ꞋEt Onan tꞌeooninzun ꞌet ndun-un tsꞌoodun hotileh de, ꞌen ꞌaw didut ooyaz lhiloh. ꞋInkꞌez Er ndai yutꞌi ꞌi ꞌaw oogha ílhtaskulh. ꞋEt huwa ꞌet njan duhooja whe hukwꞌelhꞌaz dulhutsin ooꞌat tsꞌun daninya whe yuchantꞌinteꞌ. ꞋInkꞌez oochꞌa ꞌuhooja, ꞌi yun kꞌuz tsꞌe whenluz, dulhutsin yuba tsꞌoodun titꞌelh whuchꞌa.

Genesis 6:5

ꞋEt Moodihti (Yahweh) bunilhꞌen ndi yun kꞌut dune huye untsiꞌ tube ncha suliꞌ. Tsꞌiyawh ꞌahoolhyiz wheni ndune bubeni untsiꞌ, ꞌet whunilhꞌen.

Genesis 8:21

ꞋEt Moodihti (Yahweh) ndi sooltsun-i yunahoolhtsun. ꞋInkꞌez Moodihti (Yahweh) didutchꞌoh dudzi yo ꞌutni, “ꞋAw ꞌon ꞌat ndi yun dune gha ꞌaw ookꞌehoosyih ꞌaitꞌoh. Dahintꞌoh la dune budzi ntsiꞌ hintsool whutsꞌun, ꞌet hoontsꞌi ꞌaw doo cha ꞌon ꞌat khuna-i ndi yun kꞌut gak hooselh ꞌaitꞌoh.

John 10:35

Tꞌétsꞌonínzun ꞌaw Yakꞌusda dughuni kꞌuyoyis ꞌaítꞌoh, ꞌinkꞌez mbene la Yakꞌusda ooghuni ooghi díltsꞌutne, ꞌenne yakꞌusdane ubúlhni.

John 19:37

ꞋEt Yakꞌusda be ꞌudustlꞌus ꞌukꞌu nusgúz-i, ꞌi kꞌut ꞌudun ꞌet cha ꞌutni, “Mbe la huyúzgwut-un, hinoolhꞌen la,” ni.

John 7:42

Yakꞌusda ooghuni ꞌukꞌu nusguz-i, ꞌi ndutni, David yutsꞌu ha kédanzut-un, ꞌen keyoh Bethlehem huwhútni, David ookeyoh ínleꞌ, Christ whuz de ha tíyalh,” hutni.

Acts 7:9

ꞋEt doo cha nohtsodaꞌne, Joseph bulhutsinke, ꞌenne la higheꞌ oolnih ꞌinka la Egypt tsꞌe hiye ꞌónket ꞌulhna tileh ha ꞌet hoontsꞌi Yakꞌusda yulh ꞌútꞌen,

Romans 1:29

ꞋAhoolhyiz ꞌaw tsꞌihꞌun unꞌa nulheꞌhustꞌen. Lubeshi hukwaya hoonli ꞌi la ꞌuhuyulhꞌen, ꞌuyoonne chꞌeꞌ haꞌ huninzun, ꞌuyoonne hundílhdaih, ꞌuhoolnih, dune hughan, lhehúdulh, eꞌwhuhulhtsꞌit, huhuske, dudulh dune tsꞌiyawh lhghu yahulduk,

Romans 9:17

Yakꞌusda ooghuni ꞌukꞌu nusgúz-i kꞌut Pharoah njan ndúyulhni, “Njan ꞌet huwa Egypt whulerwe nyuzúsi, nyun ungha ndet la whéstus-un dune whúntistun. ꞋEt huwa sooziꞌ ndi yun kꞌut ndulcho whe tꞌentádzin,” yúlhni.

1 Corinthians 6:19

Nohyustꞌe ꞌi Ndoni oolugliz whucho ꞌuntꞌoh ꞌinkꞌez nohyudinda, ꞌaw tꞌeoonuzáhzun eh? ꞋEn ꞌuntꞌoh Yakꞌusda nohgha ininꞌai ꞌet huwa ꞌaw nohnichꞌoh chꞌeꞌ lhahloh.

2 Corinthians 6:16

Ntsꞌenꞌa suba Yakꞌusda oolugliz whucho ꞌinkꞌez ꞌukꞌeltsi bulh lhghaꞌ titꞌelh? Soo cho whunulhꞌen Yakꞌusda whe khúna-un, ꞌen oolugliz whucho ꞌahli. ꞋEt Yakꞌusda ndutni, “Budzi yo ꞌustꞌoh ꞌinkꞌez butunusya. BuYakꞌusda tisdleh ꞌinkꞌez ꞌenne sduneꞌne hutileh.”

Galatians 3:8

Yakꞌusda ooghuni nus de dawhútanelh, ꞌet whunénulhtun. Be ꞌalha ꞌuhoontꞌoh-i, ꞌi be Yakꞌusda ꞌudun yun kꞌut whutꞌenne tsꞌihꞌun ꞌuntꞌohne ubutilhtselh. ꞋEt whutso ꞌuwhutánelh-un, ꞌet Yakꞌusda Abraham njan ndúyulhni, “Nyun ngha ꞌudun yun kꞌut whutꞌenne, tsꞌiyawh dáwhuldzooꞌ-un bugha hóotaltsꞌulh.”

Titus 3:3

Wheni cha whuz unꞌa za tsꞌuwhusni ínleꞌ. Khuni kꞌunulheꞌtsꞌustꞌen. Naznutꞌah. Lhelhdun tsꞌuhóontꞌiꞌ whe hoontsiꞌ te neꞌtsꞌustꞌen. Tsꞌintsiꞌ whe ndi yun kꞌut ꞌuzdáltsꞌiꞌ, ꞌinkꞌez ꞌoonih bulh chaꞌ ꞌutsꞌantꞌeꞌ. ꞋUyoonne tsꞌuzdutni ꞌinkꞌez tsꞌiyawh lhtsꞌuzdutni.