James 4:4 - Yak'usda Ooghuni

⁴ Nohni dune ꞌinkꞌez tsꞌekoo lhulh nintaꞌahtꞌihne léꞌahtꞌoh, soo zúlhtsꞌai, ndi yun kꞌut hoontsiꞌ túneꞌ ꞌahtꞌen-un, ꞌet hoonáhtꞌiꞌ de, ꞌet de Yakꞌusda chꞌaz ditnine ꞌahli. ꞋEt huwa mbene la ndi yun kꞌut hoontsiꞌ tuneꞌ titꞌen hukwaꞌ ninzunne, ꞌenne Yakꞌusda chꞌaz ditnine naꞌhududulhtsi.

James 4:4 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Matthew 12:39

ꞋEt ꞌubulhni, “ꞋAndit whudizulhne dune hintsiꞌ, ꞌinkꞌez ꞌahoolhyiz dune tsꞌeke bulh nintaꞌhutꞌih. Hoonli hooncha tuneꞌ whutꞌen-un, ꞌet za hukwaꞌ hitisꞌen. ꞋEt hoontsꞌi huhooꞌen-un bughá holtsꞌit ꞌaitꞌoh. Nus hooꞌen-un Jonah bulh dahooja-un, ꞌet za huwhutiꞌelh.

Matthew 16:4

ꞋAndit yinka dilhtsꞌi lubeshi tsꞌu nintꞌine ꞌuhintꞌoh. ꞋAhoolhyiz dune tsꞌeke bulh nintaꞌhutitꞌelh-un, whutsꞌó nintꞌi. Hooncha huwa ꞌítꞌen-un whuntilhꞌelh hukwaꞌ hitisꞌen. ꞋEt hoontsꞌi ꞌaw hoohꞌen-un nohghá holtsꞌit ꞌaitꞌoh. Jonah bulh dáhooja inleꞌ la, ꞌet za whutihꞌelh wheꞌ hoontꞌoh!” ubúlhni, ꞌinkꞌez bughu whenája.

Matthew 6:24

“ꞋAw ꞌilhoghun dune nane moodih ba ootꞌen ꞌaitꞌoh. ꞋIlhoghun ꞌen yutsꞌu dutitni ꞌinkꞌez ꞌilhoghun yukꞌetisiꞌ. Kꞌus ꞌilhoghun yukꞌúneꞌtitꞌen ꞌinkꞌez ꞌilhoghun yuchꞌaz dútatni. ꞋAw Yakꞌusda kꞌuneꞌ ꞌintꞌen ꞌinkꞌez sooniya cha kꞌuneꞌ ꞌontꞌen ꞌaitꞌoh.”

Luke 19:27

ꞋEt ndunne schꞌaz ditnine, ska lheꞌhunízun whe bulerwe tisdleh, whusábahle ꞌinkꞌez sbut ꞌet bubahghan.’”

John 15:19

ꞋEnne buloh ꞌahli de, ꞌet daꞌ nohkꞌehootsiꞌ ooleꞌ daꞌ. ꞋEt hoontsꞌi nohni butoh ꞌutáhanóhisdla, ꞌinkꞌez ꞌaw ꞌon ꞌun buloh lháhloh, ꞌet huwa yinka whuduneꞌne nohtsꞌu hudutni.

John 17:14

Nghuni bugha ídisꞌai ꞌinkꞌez ndi yun kꞌut whuduneꞌne butsꞌu hudutni. Ntsꞌenꞌa la si ꞌaw ndi yun kꞌut whuduneꞌne bubundulh lhuztꞌoh ꞌet whuz unꞌa ꞌenne cha ꞌaw ndi yun kꞌut whuduneꞌne bubundulh lhúhiltꞌoh.

John 7:7

Ndi yun kꞌut dunene ꞌaw nohni nohtsꞌo dootni ꞌaítꞌoh, ꞌet si stsꞌu hudutni. Tankꞌus ꞌúhutꞌen-un tsꞌiyawh ꞌet huwun ꞌubudúsni, ꞌet huwa.

Romans 5:10

ꞋAwhuz Yakꞌusda oochꞌaz úzditni inleꞌ whe ooYeꞌ neba dazsai. ꞋEt huwa ꞌaw Yakꞌusda ꞌawhuz nebulh lhónulhchꞌeh. ꞋEt ꞌon ꞌun cha, Jesus ye khúna-i, ꞌi be uzdutijih ꞌet huwa.

Romans 8:7

Njan huwaꞌ dusni, mbene la ꞌahoolhyiz lubeshi ghu nuní nuzutne, ꞌenne Yakꞌusda chꞌaz ditnine hinli ꞌinkꞌez Yakꞌusda ookꞌoh tsꞌe kꞌúneꞌ hootꞌen-un whutlꞌa lhéꞌhududulhti, Yakꞌusda kꞌúneꞌ hutitꞌen ꞌaw ꞌúhóoneh ꞌaítꞌoh ꞌet huwa.

1 Corinthians 1:20

Ntsꞌe ꞌuhoontꞌoh whunihne hoonli? ꞋInkꞌez ntsꞌe ꞌuhoontꞌoh Moses be ꞌudustlꞌus ꞌukꞌu nunáguzne hoonih? ꞋInkꞌez ntsꞌe ꞌuhoontꞌoh ꞌukꞌenus whunih naꞌdunudzunne hoonli? ꞋEt ꞌalha ꞌuhoontꞌoh ndai la ndi yun kꞌut whutꞌenne ye whunih-i, ꞌi Yakꞌusda tsꞌiyawh be tsꞌuwhusnih yulhtsi? A, ꞌalha ꞌuhoontꞌoh.

1 Corinthians 1:21

ꞋEt huwa Yakꞌusda whunih whe ꞌuntꞌoh ꞌet huwa whunenulhtun, ndi yun kꞌut whutꞌenne, ndai la hiye whunih-i, ꞌi be ꞌenne ꞌaw Yakꞌusda tꞌehinuzun. ꞋEt kꞌus ndi khuni unzoo-i ooba ꞌalhaꞌ lheꞌhootꞌohne, ꞌenne buba whusni kꞌunꞌa be yatsꞌulhduk leꞌ hoontꞌoh, ꞌet hoontsꞌi ꞌi be Yakꞌusda hoontꞌiꞌ whe mbene ooba ꞌalha ꞌuhoontꞌohne, ꞌenne hubulhyih.

Galatians 1:10

Daja nuhzun? Yakꞌusda tilah kꞌus dune tilah ba whudóstiꞌ? Soo cho whunulhꞌen, dune ba ꞌuszoo naꞌduduzꞌi de, ꞌet de Christ be ꞌulhna-un tisdleh, ꞌaw oosdleꞌ ꞌaitꞌoh.

James 1:27

ꞋEt tsꞌihꞌun ꞌuhoontꞌoh, ꞌinkꞌez ꞌalha ꞌuhoontꞌoh whe Yakꞌusda neBá, ꞌen ba néꞌtsꞌutꞌen-un, ꞌet njan dúhoontꞌoh: tsꞌunohne ꞌinkꞌez tsandilhne, ꞌenne dzoh nahudeh huwa buzih nutsꞌoodilh hubaꞌ hoontꞌoh bula tsꞌootꞌen ha. ꞋInkꞌez cha ndi yun kꞌut dawhútꞌen lubeshi ꞌulꞌen, ꞌet whuchꞌa khutsꞌoodleꞌ.