James 4:3 - Yak'usda Ooghuni

³ Yakꞌusda ooka yoodulhkut ꞌet hoontsꞌi ꞌaw nohghá yoꞌalh ꞌaitꞌoh. Hoontsiꞌ hukwꞌunꞌa ooka yoodulhkut. ꞋAntsꞌi nohnihchꞌoh nohba hoonzoo hukwaꞌ nahzun te, bé neꞌtihtꞌen, ꞌet huwa ꞌaw nohghá yoꞌalh ꞌaitꞌoh.

James 4:3 Iomraidhean Croise

Matthew 20:22

ꞋEt Jesus njan ndutni, “Ndet hukwa oodilhkut-un ꞌaw tꞌeoonuzinzun. Ndi lubot ꞌawet beꞌ tisnelh-i, nohni cha beꞌ tihnelh nahzun eh? ꞋInkꞌez dune be too be ꞌulꞌen-i, ꞌi be ꞌusotilelh. Nohni cha whuz unꞌa za eh too beꞌ tilhnelh?” ꞋEt ꞌuhúyulhni, “A, ꞌet la ndutsꞌóoneh!”

Mark 10:38

ꞋEt Jesus ubúlhni, “Stsꞌu hukwaꞌ dahni ꞌaw tꞌéoonuzúhzun. Lubot be tísnelh-i soo tilah oohtnaiꞌ ꞌinkꞌez be too béꞌ uzya soo tilah too beꞌ óolhneh?”

Luke 11:10

ꞋEt mbene Yakꞌusda hoonli hitsꞌu hukwa ꞌutni de, bugha whútakulh. Mbe hoonli hukwunútane, nahuhootáꞌalh. ꞋInkꞌez mbe la dati dunulkwꞌuz-un ooba dáhaꞌ dutikwus.

Luke 15:13

ꞋEt hukwꞌelhꞌaz ꞌaw lhat dzin lhiloh, ꞌet ꞌudekꞌoh-un yugha ininlai-i, tsꞌiyawh soo neninla. ꞋInkꞌez keyoh nilhdzaꞌ tsꞌe tsꞌu whinya. ꞋEt whuz oozya whe yutꞌi-i, ꞌi tsꞌiyawh ye nzóodalꞌeꞌ ꞌinkꞌez gak yulhtsi.

Luke 15:30

ꞋEt hoontsꞌi nyeꞌ, ndai oogha íninꞌai-i, ꞌi tsꞌekoo ꞌulꞌenne bukꞌuz tsꞌiyai yulhtsi ꞌinkꞌez musdoosyaz nilhkꞌa-i ooba nasílghi!’

James 4:1

Nohni nohtoh di ha tsꞌiyawh lhdulhyoh ꞌudahnih, ꞌinkꞌez lhéhdulh? Ntsꞌez de ha hóoltsꞌut wheꞌ hoontꞌoh? Tsꞌiyanne dukꞌunꞌa za hukwaꞌ huninzun, ꞌet whuz de ha hóoltsꞌut wheꞌ hoontꞌoh.

1 John 3:22

Di ootsꞌo óokaꞌ tsꞌutni-i, ꞌi negha íyunle, ooghuni tsꞌoontun ꞌinkꞌez hoonzoo whe oonalh neꞌtsꞌutꞌen ꞌet huwa.

1 John 5:14

ꞋEt whelhtsꞌuniljut whe ootsꞌun tezdudli, ꞌet ꞌi ꞌuntꞌoh, ndet hoonli ootsꞌu hukwaꞌ tsꞌutni de, hukwaꞌ ninzun de, neditsꞌo.