James 4:1 - Yak'usda Ooghuni

¹ Nohni nohtoh di ha tsꞌiyawh lhdulhyoh ꞌudahnih, ꞌinkꞌez lhéhdulh? Ntsꞌez de ha hóoltsꞌut wheꞌ hoontꞌoh? Tsꞌiyanne dukꞌunꞌa za hukwaꞌ huninzun, ꞌet whuz de ha hóoltsꞌut wheꞌ hoontꞌoh.

James 4:1 Iomraidhean Croise

Matthew 15:19

Dune budzi bez ha yúkat, be ne-eni untsiꞌ-i, dune hutuzilhghelh, ꞌuyoon dune ooꞌat kꞌus ꞌuyoon tsꞌeke ooki bulh nintaꞌantꞌen-un, ꞌinkꞌez ꞌaw lhghulhdiltsꞌine hoontsꞌi whuz unꞌa za neꞌhutꞌen. ꞋUndunutꞌih-un, ꞌuyoonne ba whutsꞌit-un, ꞌinkꞌez Yakꞌusda chꞌaz yalhduk-un cha.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

Romans 7:23

ꞋEt hoontsꞌi ꞌutsꞌun unꞌa cha tꞌeóonúszun. ꞋEt syustꞌe seni dulhyo néꞌtitꞌen whutsꞌu níntꞌi. ꞋI be lubeshi soontun ꞌet ndustꞌoh, ꞌinkꞌez syustꞌe whuz za nintꞌi.

Romans 7:5

Niz de Moses be ꞌudustlꞌus lubeshi yechꞌa nenizyoot ꞌet hoontsꞌi nedzi hukwaꞌ ninzun kꞌunꞌa yinka uzdilhtsꞌi. Neyustꞌe lubeshi ootlꞌa tsꞌíyalhti leꞌ tsꞌinla, ꞌet ndutsꞌúja huwa kwuncho ꞌi neba kꞌelha tileh.

Romans 8:7

Njan huwaꞌ dusni, mbene la ꞌahoolhyiz lubeshi ghu nuní nuzutne, ꞌenne Yakꞌusda chꞌaz ditnine hinli ꞌinkꞌez Yakꞌusda ookꞌoh tsꞌe kꞌúneꞌ hootꞌen-un whutlꞌa lhéꞌhududulhti, Yakꞌusda kꞌúneꞌ hutitꞌen ꞌaw ꞌúhóoneh ꞌaítꞌoh ꞌet huwa.

Galatians 5:17

ꞋEt neyustꞌe Ndoni chꞌaz níntꞌi. ꞋEt doo cha Ndoni neyustꞌe chꞌaz níntꞌi. ꞋEt whe lhchꞌa húhoolꞌi. ꞋEt huwa hukwaꞌ nahzun te, neꞌoohtꞌen junih.

Colossians 3:5

ꞋEt huwa ndi yun kꞌut nohyustꞌe daootsah-un howa núlhtih. Ninta lheꞌzoohtꞌen, nintaꞌtsꞌutꞌih-un, ꞌinkꞌez whudutsun tuneꞌ oohtꞌen junih, ꞌinkꞌez nintaꞌuztitꞌelhꞌun, ꞌet hukwa lheꞌnuzooszin, hoontsiꞌ tuneꞌ utihtꞌen-un hukwaꞌ noohzin junih, ꞌinkꞌez ꞌuyoonne chꞌeꞌ haꞌ noohzin junih, ꞌet ꞌukꞌeltsi neba ꞌalhaꞌ ꞌuntꞌóh-un leꞌ hoontꞌoh.

2 Timothy 2:23

ꞋEt hoontsꞌi whusni ghuni ꞌinkꞌez khuni tꞌenusdzun-i, ꞌi hoontsꞌi be yáhalhduk, ꞌi tsꞌiyawh oochꞌoh ꞌonleꞌ. Tꞌeoonínzun ndi khuni nduntꞌoh-i, ꞌi dune huyé lhdulhyoh ꞌutni-i, ꞌi ꞌuntꞌoh.

Titus 3:3

Wheni cha whuz unꞌa za tsꞌuwhusni ínleꞌ. Khuni kꞌunulheꞌtsꞌustꞌen. Naznutꞌah. Lhelhdun tsꞌuhóontꞌiꞌ whe hoontsiꞌ te neꞌtsꞌustꞌen. Tsꞌintsiꞌ whe ndi yun kꞌut ꞌuzdáltsꞌiꞌ, ꞌinkꞌez ꞌoonih bulh chaꞌ ꞌutsꞌantꞌeꞌ. ꞋUyoonne tsꞌuzdutni ꞌinkꞌez tsꞌiyawh lhtsꞌuzdutni.

Titus 3:9

ꞋEt hoontsꞌi Moses ooghuni ꞌukꞌu neyuzguz-i ghun, whusni khuni cha, ꞌinkꞌez lhenyoone whutsodaꞌne huye yailhduk-i, ꞌi cha, ꞌinkꞌez lhdulhyoh ꞌuhudutni, ꞌet tsꞌiyawh oochꞌoh ꞌontꞌeꞌ. ꞋAw tsꞌiyanne ba lheꞌhoozooꞌ ꞌinkꞌez ꞌantsꞌi hoonli wheꞌ hoontꞌoh.

James 1:14

ꞋEt hoontsꞌi wheni ꞌilhone tsinli whe whenichꞌoh hukwaꞌ ꞌuzninzun ꞌet huwa lubeshi ꞌuztilhꞌelh-un tsꞌe whutsꞌúznintꞌi.

James 4:3

Yakꞌusda ooka yoodulhkut ꞌet hoontsꞌi ꞌaw nohghá yoꞌalh ꞌaitꞌoh. Hoontsiꞌ hukwꞌunꞌa ooka yoodulhkut. ꞋAntsꞌi nohnihchꞌoh nohba hoonzoo hukwaꞌ nahzun te, bé neꞌtihtꞌen, ꞌet huwa ꞌaw nohghá yoꞌalh ꞌaitꞌoh.

1 Peter 1:14

Tsꞌoodunne kꞌunꞌa ꞌukꞌuneꞌ ꞌutꞌenne oohleꞌ. ꞋAw niz de ha ꞌíhtꞌen, Yakꞌusda tꞌenuzahzun, ꞌet huwa hoontsiꞌ tsꞌunáhtꞌi. ꞋAw ꞌon ꞌun ndóhtꞌen junih.

1 Peter 2:11

Nohni ookꞌesiꞌne ꞌahli, ookeyoh hoolohne kꞌunꞌa, ꞌatsulyaz za ndi yun kꞌut dulhtsi. ꞋEt huwa ntsꞌe nohyustꞌe whutsꞌu nintꞌi-un, whuyit oohtꞌeꞌ, ꞌet hukwa nohtsꞌu tédusdli.

2 Peter 2:18

Mbene la ooba ꞌalha ꞌuhoontꞌohne ndunne ndi yun kꞌut tankꞌus ꞌitꞌelhne, ꞌenne buchꞌa nahusdil. Nyoonne khuni whutsꞌit-i hodulhꞌehne, ndunne ooba ꞌalha ꞌuhoontꞌohne hubuhoolhgooh hukwaꞌ buhalhꞌen. Ntsꞌenꞌa hoolhtus whe neyustꞌe lubeshi whutsꞌu nintꞌi-un, ꞌenne whutsꞌit-i khuni ncha-i be bubulh yahalhduk whe tankꞌus úbonilhtꞌi hukwaꞌ ba halhꞌen.

2 Peter 3:3

Njan ꞌet ꞌudechoo soo cho tꞌewhunoohzeh hubaꞌ hoontꞌoh. ꞋUdekꞌez dzin de, Yakꞌusda ghudlohne, ꞌenne ntsꞌenꞌa buyustꞌe whutsꞌu níntꞌi-un, ꞌet whuz unꞌa za ꞌuhutitꞌelh hukwaꞌ huninzun, ꞌenne cha nohtoh ꞌuhutitꞌelh.