James 3:9 - Yak'usda Ooghuni

⁹ Neze whe Yakꞌusda neBá tube cho ooba tsꞌodílhtiꞌ. ꞋInkꞌez ꞌet whe za nebulh dunene bubézduyaih, Yakꞌusda dukꞌunꞌa ꞌubínla, ꞌenne hoontsꞌi neghuni be ꞌet dúbutsꞌutni.

James 3:9 Iomraidhean Croise

Genesis 5:1

Ndi ꞌudustlꞌus, Adam tsꞌu haindene ghun ꞌuntꞌoh. Yakꞌusda (Elohim) ndet dzin ꞌuyinla dzin, Yakꞌusda (Elohim) ndotꞌen yulhtsi.

Genesis 9:6

Mbe dune ꞌuyoon buzkaiꞌ whulhtsi-un, ꞌuyoon dune ndun dune ꞌuja-un yuzkaiꞌ whutilhtselh wheꞌ hoontꞌoh, Yakꞌusda (Elohim) dune yulh ndultꞌoh yulhtsi ꞌet huwa.

Matthew 26:74

Peter ꞌet ndutni, “Yakꞌusda stsꞌeꞌ tilhtsus ꞌaw tsꞌihꞌun lheꞌduzusnih de, ndun dune ꞌudáhni-un, ꞌaw tꞌenuzuszun.” ꞋEt ꞌaho lugok dune ꞌudíja.

Matthew 5:44

ꞋEt hoontsꞌi nohdusni, nohchꞌaz ditnine bukꞌeoohsiꞌ. Mbene la denóhdulene, ꞌenne khuni unzoo-i be bubulh yaóolhduk. Nohtsꞌu dutnine, butsꞌun oohzooꞌ. Hoontsiꞌ nohtsꞌun neꞌhutꞌen ꞌinkꞌez dzoh nunohulhdzutne, buba tenadoohdli.

Acts 2:26

ꞋEt huwa ꞌahoolhyiz sdzi hóontꞌiꞌ, ꞌinkꞌez whuníni bulh cha yasduk, ꞌinkꞌez si ꞌatsul yinka susda. Datíssah de ꞌaw whénoozjut ꞌaítꞌoh.

Romans 3:14

ꞋAhoolhyiz buze hoontsiꞌ ꞌinkꞌez bukꞌehuhayih.

1 Corinthians 11:7

ꞋEt ꞌalhaꞌ dunene, ꞌenne Yakꞌusda kꞌeguz-i kꞌunꞌa ꞌuhintꞌoh, ꞌinkꞌez ye diztiꞌ-i kꞌunꞌa ꞌuhintꞌoh. ꞋEt huwa dutsi kꞌeꞌoolhbal ꞌaitꞌoh. ꞋEt tsꞌekoo ꞌenne dune ye diztiꞌne ꞌuhintꞌoh.

Ephesians 1:3

Yakꞌusda, Jesus Christ neMoodihti ooBá, ꞌen uzdílhtiꞌ. ꞋEn ꞌuntꞌoh Jesus Christ be yakꞌut whudiztiꞌ-un, ꞌet whunilhchoh Ndoni gha ndi negha ntꞌai.

James 1:27

ꞋEt tsꞌihꞌun ꞌuhoontꞌoh, ꞌinkꞌez ꞌalha ꞌuhoontꞌoh whe Yakꞌusda neBá, ꞌen ba néꞌtsꞌutꞌen-un, ꞌet njan dúhoontꞌoh: tsꞌunohne ꞌinkꞌez tsandilhne, ꞌenne dzoh nahudeh huwa buzih nutsꞌoodilh hubaꞌ hoontꞌoh bula tsꞌootꞌen ha. ꞋInkꞌez cha ndi yun kꞌut dawhútꞌen lubeshi ꞌulꞌen, ꞌet whuchꞌa khutsꞌoodleꞌ.

James 3:10

ꞋEt whuz unꞌa za nawh kꞌunꞌa yatsꞌulhduk. Whuloh te hoonzoo kꞌunꞌa neuzduniꞌ. ꞋInkꞌez whuloh te hoontsiꞌ whe tuneꞌ uzduniꞌ. Sulhutsinke ꞌet ꞌaw whuz unꞌa lheꞌhóstꞌeꞌ hubaꞌ hoontꞌoh.

1 Peter 1:3

Yakꞌusda, Jesus Christ neMoodihti ooBá, ꞌen uzdílhtiꞌ. Hooncha whe negha teꞌnanzin whe nanehílhnaꞌ. ꞋEt huwa hoonzoo-un hukwa tse tsꞌúholeꞌ hubaꞌ hoontꞌoh. Jesus Christ ꞌen yaidlane butoh dunadija. ꞋEt huwa wheni cha ꞌilhiz tsꞌuhutinalh-un hukwa tse tsꞌúhooli.