James 3:8 - Yak'usda Ooghuni

⁸ ꞋEt hoontsꞌi ꞌaw ꞌilhoghun netoh, khuni be yatsꞌulhduk-un, ꞌaw kꞌuneꞌ tsꞌuhoolꞌen ꞌaitꞌoh. ꞋAhoolhyiz bé hoontsiꞌ tuneꞌ uzduniꞌ-un ꞌaw ꞌetsul uzdónih ꞌaitꞌoh. Neghuni lubezo leꞌ ꞌuntꞌoh, ꞌi be ꞌuyoonne tsꞌughan leꞌ tsꞌutꞌen.

James 3:8 Iomraidhean Croise

Romans 3:13

Bughuni untsiꞌ. Dune zi ulhjut za bunawhultsun leꞌ hintꞌoh, ni whe ꞌutni bughuni untsiꞌ ni-un. Huwhutsꞌit-un za ꞌuwhuhulhꞌen. Khuni hiye yálhduk-i ꞌantsꞌi tlꞌughus lubezo ndultꞌoh. Whuz unꞌa dughuni be dune hundílhdaih.

James 3:6

Netsoola ꞌantsꞌi kwun leꞌ ꞌuntꞌoh. Ndai la khuni tsꞌihꞌun unꞌa lheꞌítꞌoh be yatsꞌulhduk-i, ꞌi be dubih. ꞋI be ndulcho neyustꞌe nintaꞌyulhꞌih. Ndi yun kꞌut neyustꞌe whutsꞌu nintꞌi-un, ꞌantsꞌi kwun kꞌunꞌa hoolhtus whulhtsih. ꞋInkꞌez netsoola ꞌi kwuncho yo whumoodih, ꞌen be dikꞌaih.

James 3:7

ꞋEt ndi yun kꞌut khuna-i didowh-i, dutꞌai cha, ndai yun kꞌut núlhꞌas-i cha, ꞌinkꞌez ndai toot hoonli, ꞌi cha, wheni ndi yun kꞌut dunene, ꞌi tsꞌiyawh kꞌuneꞌ tsꞌulꞌen.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.