James 3:7 - Yak'usda Ooghuni

⁷ ꞋEt ndi yun kꞌut khuna-i didowh-i, dutꞌai cha, ndai yun kꞌut núlhꞌas-i cha, ꞌinkꞌez ndai toot hoonli, ꞌi cha, wheni ndi yun kꞌut dunene, ꞌi tsꞌiyawh kꞌuneꞌ tsꞌulꞌen.

James 3:7 Iomraidhean Croise

Mark 5:4

Lhat whe oola ꞌinkꞌez ooke bulh huyulhghelh ꞌet hoontsꞌi ꞌoh totsuk lhuztih tlꞌool kꞌunuyúchꞌus ꞌinkꞌez lhuztih ooke be lhulhꞌoo-i, ꞌi cha yayalhꞌus. Ulhtus kꞌet ꞌaw dune hichꞌaꞌ oolhdeh ꞌaítꞌoh.

Acts 10:12

ꞋI bet khuna didowh-i, tlꞌughus, ꞌinkꞌez yinka dutꞌai cha, ꞌi tsꞌiyawh yukꞌudilhtsꞌi.

James 3:6

Netsoola ꞌantsꞌi kwun leꞌ ꞌuntꞌoh. Ndai la khuni tsꞌihꞌun unꞌa lheꞌítꞌoh be yatsꞌulhduk-i, ꞌi be dubih. ꞋI be ndulcho neyustꞌe nintaꞌyulhꞌih. Ndi yun kꞌut neyustꞌe whutsꞌu nintꞌi-un, ꞌantsꞌi kwun kꞌunꞌa hoolhtus whulhtsih. ꞋInkꞌez netsoola ꞌi kwuncho yo whumoodih, ꞌen be dikꞌaih.

James 3:8

ꞋEt hoontsꞌi ꞌaw ꞌilhoghun netoh, khuni be yatsꞌulhduk-un, ꞌaw kꞌuneꞌ tsꞌuhoolꞌen ꞌaitꞌoh. ꞋAhoolhyiz bé hoontsiꞌ tuneꞌ uzduniꞌ-un ꞌaw ꞌetsul uzdónih ꞌaitꞌoh. Neghuni lubezo leꞌ ꞌuntꞌoh, ꞌi be ꞌuyoonne tsꞌughan leꞌ tsꞌutꞌen.