James 3:6 - Yak'usda Ooghuni

⁶ Netsoola ꞌantsꞌi kwun leꞌ ꞌuntꞌoh. Ndai la khuni tsꞌihꞌun unꞌa lheꞌítꞌoh be yatsꞌulhduk-i, ꞌi be dubih. ꞋI be ndulcho neyustꞌe nintaꞌyulhꞌih. Ndi yun kꞌut neyustꞌe whutsꞌu nintꞌi-un, ꞌantsꞌi kwun kꞌunꞌa hoolhtus whulhtsih. ꞋInkꞌez netsoola ꞌi kwuncho yo whumoodih, ꞌen be dikꞌaih.

James 3:6 Iomraidhean Croise

Matthew 12:24

ꞋEt Phariseene whulh hudantsꞌo whe ꞌuhutni, “Ndun dune, ꞌen Beelzebul, ntsiꞌ-i nududehne bumoodih, ꞌen be ntsiꞌ-i nududeh-i dune tsꞌu ha nanuyukw,” hutni.

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Mark 7:15

“Ndai la dune hiyilhchúk-i ꞌaw oogha lubeshi ólhchoot ꞌaítꞌoh, ꞌet hoontsꞌi ndai dune butsꞌu haídultsꞌit-i, ꞌi gha lubeshi hilhchuk.

Luke 16:24

ꞋEt ꞌultus-un yutsꞌu huyih ꞌinkꞌez ꞌuyulhni, ‘ꞋUbá, Abraham, sgha teꞌninzeh! Lazarus ꞌen stsꞌilhꞌalh! Dzoh tsulyaz dulasga be toot nudoolga ꞌinkꞌez ꞌi be stsoola kꞌut nawhunoolhtsul! Ndi kwun be dzoh nuszut!’ yulhni.

Acts 20:30

ꞋInkꞌez ꞌilhudzin whusaóotiltsꞌulh nohtuhaíndilne dune, ꞌenne buba hodulꞌehne ubahanooꞌah whe la nohchꞌaz nahoolꞌah ꞌinkꞌez tsꞌu nebodolyelh.

Acts 5:3

ꞋEt Peter uyúlhni, “ꞋEt di ha Satan ookꞌúneꞌ tantꞌen hukwaꞌ nizun? ꞋInkꞌez lheꞌdini sooniya ooloh ílhchoot ꞌinkꞌez Ndoni tsꞌun hontsꞌit?

Acts 6:13

ꞋEt whulohne dune hiba hootsꞌit ha whusábahanla ꞌinkꞌez nahíyilhne njan dubuhútni, “Ndun dune nelugliz whucho whudiztiꞌ ꞌinkꞌez Moses huwa néulhꞌa-un ꞌahoolhyiz whuchꞌaz yálhduk.

Titus 1:11

Nduntꞌohne yahalhduk-un whuchꞌa bontayulh. Ndutꞌenne ꞌenne tankꞌus unꞌa dune huhodulhꞌeh. ꞋEt ꞌi be ꞌuyoonne dune duyoh dilhtsꞌine nintaꞌbuhulhꞌih. ꞋEnne huduzoh hukwꞌunꞌa bugháꞌ tizulh ꞌet wheni ꞌuhutni.

James 2:7

Nohooziꞌ unzoo-i, ꞌi be nohúlhni, ꞌalhaꞌ ꞌi chꞌaz yahalhduk.

James 3:7

ꞋEt ndi yun kꞌut khuna-i didowh-i, dutꞌai cha, ndai yun kꞌut núlhꞌas-i cha, ꞌinkꞌez ndai toot hoonli, ꞌi cha, wheni ndi yun kꞌut dunene, ꞌi tsꞌiyawh kꞌuneꞌ tsꞌulꞌen.

2 Peter 3:3

Njan ꞌet ꞌudechoo soo cho tꞌewhunoohzeh hubaꞌ hoontꞌoh. ꞋUdekꞌez dzin de, Yakꞌusda ghudlohne, ꞌenne ntsꞌenꞌa buyustꞌe whutsꞌu níntꞌi-un, ꞌet whuz unꞌa za ꞌuhutitꞌelh hukwaꞌ huninzun, ꞌenne cha nohtoh ꞌuhutitꞌelh.

3 John 1:10

ꞋEn khuni ookꞌewhúnduda ꞌi be ꞌantsꞌi ulgih leꞌ ꞌutni nechꞌaz yálhduk. ꞋEt huwa nohtsꞌu tísyalh de, ntsꞌoh te neꞌutꞌen-un nohnalh howu yatisduk. ꞋAw ꞌet za iloh ndutꞌen, neulhutsinke ꞌaw buka lheꞌnízun. ꞋInkꞌez mbene bukaꞌ ninzunne, ꞌenne tenazdudli bayoh ꞌet tenábulhꞌaih.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 13:14

Ndi bulh nanki khuna-iti ntsiꞌ-i, ꞌi ꞌudechoo-i khuna-iti ntsiꞌ-i nalh lhat te huwa ꞌitꞌen teneꞌ ꞌútꞌen ooghá whuntꞌai, ꞌet whe ndi yun kꞌut whutꞌenne nabunaꞌah. Nyoo khuna-iti ntsiꞌ-i saluzti be ka suliꞌ inleꞌ ꞌinkꞌez hanaꞌ ndi yun kꞌut whutꞌenne ꞌi ookꞌeyíltsi-i ꞌuhooleh ꞌubulhni.

Revelation 18:23

ꞋAw be hóotꞌen-i cha hootáloh. ꞋAw nyo dune lhghu dilhtsꞌi-un, ꞌet cha ꞌetsul ꞌuwhutanelh. Mbene la mba ꞌeꞌóoketne ndi yun kꞌut dune nchane ꞌuhantꞌeꞌ. Duyun-un kꞌunꞌa ndi yun kꞌut dune lhelhdowh didowhne nyun nabunanꞌa ꞌet huwa.

Revelation 19:20

ꞋEt ndi khuna-iti ntsiꞌ-i huyílhchoot. ꞋInkꞌez whutsꞌit whe nus hooꞌen-un, ꞌen cha huyílhchoot. ꞋEn ꞌuntꞌoh khuna-iti ntsiꞌ-i nalh huwa ꞌítꞌen te neꞌústꞌen. ꞋI be mbene khuna-iti ntsiꞌ-i oonutsi be bube hóodatꞌenne ꞌinkꞌez mbene ookꞌeyíltsi tsꞌun teniꞌ nalhdzinne, ꞌenne tsꞌiyawh nabunanꞌa. ꞋEt ndunne nahúltꞌoh hukhuna whe kwun sulphur be dízkꞌun-i bunghun dúwhulcho-un, ꞌet tsúbodano.