James 3:18 - Yak'usda Ooghuni

¹⁸ Mbene la ꞌuyoonne gha tsꞌihꞌun ꞌuhootꞌeꞌ ꞌet buba hukwaꞌ huninzun, ꞌi bube ꞌutꞌen gha tsꞌihꞌun unꞌa buba neꞌhootꞌen. ꞋEt de lhane tsꞌihꞌun unꞌa lhtsꞌun ꞌuhútitꞌelh.

James 3:18 Iomraidhean Croise

Matthew 5:9

Mbe la tsꞌihꞌun lhtsꞌun ꞌuhootꞌeꞌne, ꞌenne Yakꞌusda buzkeh ubodutánelh. ꞋEnne ꞌukꞌenus hoonzoo-un bughá whultsꞌut.

John 4:36

Mbe la whutꞌas-un, ꞌen ooba kꞌelha hoonli, ꞌinkꞌez ꞌen ꞌilhiz ooleꞌ huye khúna-i, ꞌi oogha ítaltsꞌulh. ꞋEt huwa mbe la ꞌaꞌ nule-un ꞌinkꞌez mbe la ꞌilhunayoodilhdzeh-un, nahúltꞌoh ꞌalhgoh huhontálhni.

Galatians 6:8

ꞋEt ntsꞌe la dune ooyustꞌe nintꞌi tsꞌe, ꞌet ooyustꞌe whutsꞌu nintꞌi-un, whuz unꞌa datitsah. ꞋEt hoontsꞌi mbe la Ndoni yunilhtꞌi kꞌunꞌa neꞌutꞌen-un, ꞌen Ndoni gha ꞌilhiz hutinalh.

Philippians 1:11

ꞋInkꞌez Jesus Christ ꞌen gha ꞌutꞌen tsꞌihꞌun ꞌuntꞌoh-i, ꞌet ndutihtꞌelh. ꞋEt whuz unꞌa Yakꞌusda ba tsꞌodólhtiꞌ ꞌinkꞌez ꞌon nus uzdólhtiꞌ.

Hebrews 12:11

Ntsꞌenꞌa tsꞌihꞌun unꞌa khuni ulhtus-i be nebulh yainduk whe uznizyai, whuloh te whutsꞌuzdutni, ꞌet hoontsꞌi hukwꞌelhꞌaz whuz unꞌa uznizya de, ꞌet de soo tsꞌihꞌun ꞌuntꞌohne dune ꞌuztileh whe Yakꞌusda nalh tsꞌihꞌun unꞌa lhtsꞌun ꞌuztitꞌelh.

James 1:20

Huzáhke de, Yakꞌusda ye tsꞌihꞌun unꞌa ꞌuntꞌoh-i, ꞌaw ookꞌuneꞌ oohtꞌen ꞌaitꞌoh.