James 3:16 - Yak'usda Ooghuni

¹⁶ Ntsꞌe ꞌuhoontꞌoh dune lhgheꞌ oolnih ꞌinkꞌez ꞌahoolhyiz dichꞌoh za khununi hunudzut, ꞌet whuz unꞌa tsꞌiyawh buba wheꞌ hoontꞌoh hooyoh dawhútanelh suba, ꞌinkꞌez tsꞌiyaitsuk hoontsiꞌ-un ꞌoh ꞌuwhahulhꞌen.

James 3:16 Iomraidhean Croise

Genesis 11:9

ꞋEt huwa nyo nainꞌa-i cho, ꞌi Babal huyulhni, ndai la huye yalhduk-i cha tsꞌiyawh Moodihti (Yahweh) lhelhtsꞌun unꞌa yahulhduk hubulhtsi ꞌinkꞌez ndulcho yahandil.

Genesis 38:9

ꞋEt Onan tꞌeooninzun ꞌet ndun-un tsꞌoodun hotileh de, ꞌen ꞌaw didut ooyaz lhiloh. ꞋInkꞌez Er ndai yutꞌi ꞌi ꞌaw oogha ílhtaskulh. ꞋEt huwa ꞌet njan duhooja whe hukwꞌelhꞌaz dulhutsin ooꞌat tsꞌun daninya whe yuchantꞌinteꞌ. ꞋInkꞌez oochꞌa ꞌuhooja, ꞌi yun kꞌuz tsꞌe whenluz, dulhutsin yuba tsꞌoodun titꞌelh whuchꞌa.

Mark 3:25

kꞌus ꞌilhoghun yoh whutꞌenne lhchꞌaz nehúdindil de, ꞌet yoh whutꞌenne tsꞌiyawh yahitádulh.

Acts 19:29

ꞋEt keyoh ndulcho whe huwa lhtahawhuntꞌai. ꞋEnne ꞌilhoh nudilhne, ꞌenne la Macedonia whutꞌenne, nane Gaius ꞌinkꞌez Aristarchus hubuhútni, Paul bulh naꞌásne, ubuhúzgooh ꞌinkꞌez dune nuwhúlyeh huba whuzꞌai-un tsꞌe ubuhinoh whe whuz ubuhoolhti.

Romans 2:8

ꞋEt hoontsꞌi mbene la dune kꞌúwhulhꞌaine didutchꞌoh za dukꞌoh tsꞌe neꞌhutitꞌen hukwaꞌ huninzun. ꞋInkꞌez khuni ꞌalhaꞌ ꞌuntꞌoh-i, ꞌi kꞌunulhéꞌhustꞌen, tankꞌus za ꞌuhitꞌelh. Ndunne Yakꞌusda tube huske whe buba nahutiyeh.

1 Corinthians 14:33

ꞋEt Yakꞌusda ꞌen be nédzi dizghel-i ꞌen ootsꞌun ha yúkat. ꞋEt hoontsꞌi dune ye dulhyoh ꞌuhudutni-i, ꞌaw ꞌen ootsꞌu ha lheyuskat. ꞋEt whuz unꞌa ntsꞌoh tula Yakꞌusda oochꞌeꞌne ꞌilhunahodulh-un, ꞌet nedzi dizghel-i dizꞌai.

1 Corinthians 3:3

ꞋAwhuz nohyustꞌe lubeshi tsꞌu nintꞌi. Nohni tsꞌiyawh eh tꞌeoonuhzun? Nohtoh ꞌoonih-i, ꞌi hoonih, ꞌinkꞌez lhedádulh, ꞌinkꞌez lhendowh nenahdil hukwꞌunꞌa ꞌahja. ꞋEt whuz unꞌa ndahtꞌen de, ꞌet ꞌalhaꞌ ꞌawhuz nohyustꞌe lubeshi tsꞌu nintꞌi whe ꞌahtꞌoh. Ndi yun kꞌut whutꞌenne kꞌunꞌa neꞌáhtꞌen.

2 Corinthians 12:20

ꞋEt tube whesaz whe doo cha za nohtsꞌu nátisdalh. Khun ꞌet ndusja de, ꞌet si ndiz unꞌa tilah nahósꞌalh. ꞋEt ndet la nohtsꞌo húkwaꞌ nuszun, ꞌet ꞌaw whuz unꞌa tilah lheꞌzoohne. Nohni cha stsꞌo hukwaꞌ nahzun-un, ꞌaw whuz unꞌa lheꞌustꞌoh-un tilah nahóhꞌalh. Nohghu nusya de, ꞌet ndiz unꞌa tilah oohtꞌeꞌ, tsꞌiyawh lhedáhdulh ꞌinkꞌez lhgheꞌ oolhnih. ꞋEt lhulh húnulhchꞌoh ꞌinkꞌez lhchꞌaz nedahdulh. Lahootꞌoh whe lhchꞌá nedahniꞌ. Tsꞌiyawh lhghuneꞌ dahtniꞌ. Nchane naꞌdudulhꞌi ꞌinkꞌez tsꞌiyantsuk hoontsiꞌ-un nohba lhtꞌaꞌwhúntꞌen.

Galatians 5:20

ꞋEt ꞌukꞌeltsi neba ꞌalhaꞌ ꞌuntꞌoh-un, dune dezdulih-un cha. Lhtsꞌuzdutni ꞌinkꞌez lhchꞌa tsꞌúhooli. Lhgheꞌ tsꞌoolnih, tsꞌuhuzke, nekꞌoh tsꞌe zaꞌ ꞌutsꞌitꞌelh. ꞋEt lhelhdoh ꞌutsꞌintꞌoh whe ꞌilhoh didohne, wheni tsꞌiyawh whenichꞌoh nekꞌunꞌa ꞌonghohne whubutsꞌodulhꞌeh de,

James 3:14

ꞋEt hoontsꞌi nohni ꞌukꞌenus lhgheꞌ oolhnihne ꞌahtꞌoh, ꞌinkꞌez ꞌahoolhyiz kꞌuneꞌ tihtꞌen hukwaꞌ nahzun. ꞋEt whuz unꞌa nohdzi dizꞌai de, ꞌet whe óontꞌeꞌ be howu yaoolhduk junih! Ndi khuni ꞌalhaꞌ ꞌuntꞌoh-i, khun te huwun hoohtsꞌit junih.

1 John 3:12

Ndun Cain ꞌen kꞌunꞌa iloh. ꞋEn ndun ntsiꞌ-un uniyalh-un inleꞌ ꞌinkꞌez dudulhutsin yuzilhghi. Ndet hukwa yinla yuzilhghi? Be ꞌutꞌen untsiꞌ ꞌinkꞌez bulhutsin ꞌen tsꞌihꞌun neꞌutꞌen, ꞌet hukwaꞌ yinla.