James 3:13 - Yak'usda Ooghuni

¹³ Mbe la nohtoh whunih-un dune unli ꞌinkꞌez lhat-un tꞌewhunínzun? ꞋEt nduntꞌóh-un hoonzoo kꞌunꞌa nohtoh dune ooleꞌ. Whuz unꞌa oobe ꞌutꞌen kꞌoh whunih-i be ꞌinkꞌez yo ꞌududildzun whuz unꞌa huba ꞌuhoontꞌoh.

James 3:13 Iomraidhean Croise

Matthew 11:29

Seꞌ ꞌutꞌen-i, ꞌi ulhchoot ꞌinkꞌez nedúhtꞌaih leꞌ ꞌahleh sgha hodulhꞌeh. ꞋAw dune dachꞌe nulheꞌzustꞌen ꞌinkꞌez teꞌduduzꞌen ꞌet huwa. Nohzul nátilyis-un ooba nahóhꞌalh.

Matthew 21:5

“Zion ookeyoh whuti whutꞌenne, whunulhꞌen! Nohlerwe teꞌdudilꞌen whe nohtsꞌu tiyalh. Donkey ooyaz, ꞌen yukꞌusda. ꞋEn be nohtsꞌu tiyalh.”

Matthew 5:5

Yo údudildzunne, ꞌenne ndi yun kꞌut buchꞌeꞌ whutaleh ꞌet huwa ꞌukꞌenus hoonzoo-un bugha whultsꞌut.

Matthew 7:24

“ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh.

1 Corinthians 6:5

Yooya oohleꞌ ꞌinkaꞌ nohdusni. ꞋAw lakw nohni nohtoh ꞌaw ꞌilhoghun hoontsꞌi dune whunih-un nohba nahutiyeh-un hooloh?

2 Corinthians 10:1

ꞋEt Si, Paul, nohghu tédusdli. Christ ye yo ꞌududaldzin-i, ꞌinkꞌez yé soo neꞌustꞌen-i, ꞌi beꞌ dusni. Dastꞌoh whe nohtoh susdaꞌ daꞌ, ꞌaw lhoojoh-un lhúsdloh. ꞋEt hoontsꞌi lheꞌhutni, nohchꞌoh ꞌustꞌoh te, ꞌet nohélhoosjoh.

2 Corinthians 8:24

ꞋEt ꞌinka Yakꞌusda ba ꞌilhunaoodúlhne whubunulhtun be nekꞌetsꞌinsiꞌ-i ahtꞌi, ꞌinkꞌez si nohba tsꞌodilhtiꞌ-un, ꞌet tsꞌiyawh teꞌ hontizeh.

Galatians 5:23

ꞋUyoonne ghaꞌ tsꞌoleꞌ, ꞌinkꞌez kꞌohuzdunooltꞌi. ꞋEt ndutsꞌintꞌoh de, ꞌet de ꞌaw hoonli whe nekꞌehootaltsꞌulh-un hooloh.

Galatians 6:1

Sulhutsinke nohni Ndoni kꞌuneꞌ ꞌutꞌenne ꞌahtꞌoh, ꞌinkꞌez mbe la nohtoh lubeshi be ulhgooh-un, ꞌen nalhchoot. Nánilhtsul tsꞌihꞌun nenánulhtih. Nohnichꞌoh naꞌdunulhꞌen, doo ka sih nohni cha tankꞌus nóohtꞌi.

Galatians 6:4

ꞋEt ꞌilhoghun ꞌahli whe dude ꞌutꞌen kꞌoh soo cho honoolhꞌen. ꞋEt ꞌutꞌen unzoo-i ꞌinla de, ꞌet la didutchꞌoh duba hótꞌeꞌ, ꞌinkꞌez ꞌaw ꞌuyoonne ba iloh.

Ephesians 4:2

ꞋAhoolhyiz yo ꞌúdudulhdzun, ꞌinkꞌez nanilhtsulyaz néꞌlhoolhꞌen. Dzoh nahdeh-un whutsꞌu doohtni junih. Lhkꞌehsiꞌ whe ꞌilhoh dune oohleꞌ.

Philippians 1:27

Ntsꞌoh dahooja hoontsꞌi, Christ ooghuni unzoo-i, nohba hukwaꞌ ninzun hukwꞌunꞌa za yun ka dúlhtsꞌi. Khun nohbulh ꞌustꞌoh de, kꞌus nohchꞌoh ꞌustꞌoh de, tsꞌiyantsuk whe nohbulh údutastsꞌo nohyughi ꞌinkꞌez nohzul bulh ꞌilho za ꞌuntꞌoh. ꞋEt whuz unꞌa za Jesus ba oohyin. Ndi khuni unzoo-i, ꞌet ꞌi be be ꞌalha ꞌuhoontꞌoh-i tsꞌutꞌih, ꞌet ꞌi be ꞌalhgoh ꞌantsꞌi ꞌilho za léꞌahtꞌoh ꞌet ꞌi be hukwaꞌ ꞌahtꞌen.

Colossians 3:12

Yakꞌusda ꞌutahanóhanla ꞌet whe oochꞌeꞌ ꞌahli, ꞌinkꞌez nohkꞌensiꞌ. ꞋEt huwa ndiz unꞌa oohtꞌeꞌ. ꞋUyoonne gha teꞌnoohzin, ꞌuyoonne tsꞌun oohzooꞌ, yo ꞌududólhdzin, ꞌinkꞌez ꞌuyoonne nanilhtsulyaz neꞌboolhꞌen. ꞋInkꞌez tsꞌiyantsuk saꞌ whe dzoh nutihzut-un whulh oohyin.

1 Timothy 4:12

Chilh inli hoontsꞌi ꞌuyoonne ba ꞌantsꞌi ꞌonleꞌ junih. Kꞌus ooba ꞌalha ꞌuhoontꞌohne, nyun nyuhunilhꞌen de, ꞌet huwa huhodoolꞌeh. Ndai khuni be yailhduk-i, ꞌi be ntsꞌenꞌa la ndi yun kꞌut sinda, ntsꞌenꞌa la ꞌuyoonne kꞌeinsiꞌ, nyughi be cha, mba ꞌalha ꞌuhoontꞌoh-i, ꞌi cha, ꞌinkꞌez ntsꞌenꞌa la lubeshi chꞌaz ꞌun duniltꞌi cha. ꞋEt ꞌohwhi be sih ooba ꞌalha ꞌuhoontꞌohne whubunolhtun.

1 Timothy 6:11

ꞋEt hoontsꞌi Timothy Yakꞌusda ooduneꞌ inli. Nyun ndowhi, ꞌi oochꞌa tilgaih, ꞌinkꞌez be tsꞌihꞌun ꞌuhoontꞌoh-i, be Yakꞌusda kꞌuneꞌ whutꞌen-i, be ꞌalha ꞌuhoontꞌoh-i, be nekꞌetsꞌinsiꞌ-i cha, be whulh tsꞌuzyin-un cha, ꞌinkꞌez be yo ꞌuzdudildzun-i cha, ndi ꞌi tsꞌiyawh whunanyalh hukwa ꞌintꞌen.

2 Timothy 2:25

Yo ꞌúdudildzun ꞌinkꞌez buchꞌaz ditnine tsꞌihꞌun bubulh nenáhohoꞌalh. ꞋEt tilah Yakꞌusda dudeni nahundunizdla uboolhtselh. ꞋEt de sih khuni ꞌalhaꞌ ꞌuntꞌoh-i tꞌehinoozeh.

Titus 3:2

ꞋUyoonne hoontsiꞌ kꞌunꞌa bughu yahoolhduk junih, ꞌinkꞌez ꞌaw lhdulhyoh ꞌuhudootniꞌ junih. Kꞌus tsꞌiyanne nalhtsulyaz néꞌboohoolhꞌen ꞌinkꞌez ꞌuyoonne tsꞌun yo ꞌúhududoldzin.

Hebrews 13:5

Ndi yun dulhtsꞌi-un huwahli. Ndai ꞌandit ahtꞌi-i, ꞌon nus ꞌuyoo ka daoohtni junih. ꞋEt huwa neMoodihti njan ndutni, “ꞋAw nohghu toosyaꞌ ꞌaitꞌoh, ꞌinkꞌez nohla doosnih ꞌaitꞌoh.”

James 1:21

ꞋEt ꞌinka tsꞌiyai whudutsun kꞌunꞌa neꞌahtꞌen, ꞌinkꞌez lhat-un whe tankꞌus unꞌa ꞌahtꞌen-un, ꞌet ꞌi tsꞌiyawh whula doohtnih. ꞋInkꞌez Yakꞌusda ooghuni nohyudánde-i, ꞌi nohdzi yo úlhdzun whe ólhchoot. Ndi khuni ꞌi be za nohtilhyih.

James 2:18

ꞋEt hoontsꞌi ꞌilhoghun tilah ndiz unꞌa njan dusúdoniꞌ, “Nyun be ꞌalha ꞌuhoontꞌoh-i ꞌintꞌi, ꞌinkꞌez si ꞌutꞌen ꞌustꞌi. Nye ꞌutꞌen ooyit be, be mba ꞌalha ꞌuhoontꞌoh-i whusunilhtun, ꞌet de si cha seꞌ ꞌutꞌen be, ꞌi be sba ꞌalha ꞌuhoontꞌoh-un whunyunoostun.”

James 3:1

Sulhutsinke nohtoh khun te stalhane dune hodulhꞌehne oohleꞌ hukwaꞌoohtꞌen junih. Wheni dunne hodulhꞌehne, ꞌon nus hooncha whe neba nahutideh ꞌet huwa.

James 3:17

ꞋEt hoontsꞌi ndus de be whutnih-i, ꞌudechoo-i netsun hooloh neilhꞌi, ꞌinkꞌez nedzi dizghel cha yulhtsi, ꞌinkꞌez nánilhtsulyaz néꞌtsꞌutꞌen. ꞋEt whe ꞌuyoonne hukwaꞌ huninzun kꞌunꞌa bugha tsꞌúwhunle. Be teꞌ nudzun-i, cha ꞌuztitꞌelh, ꞌinkꞌez ꞌuyoonne ba cha ꞌutꞌen unzoo-i ꞌutsꞌoolhꞌen. ꞋInkꞌez tsꞌiyanne lhgha za nebutsꞌoolhꞌen, ꞌinkꞌez ꞌaw nawh lheꞌtsꞌunizun whe neꞌtsꞌootꞌen.

1 Peter 1:15

ꞋEt hoontsꞌi mbe la dutihjih ha nohkaꞌ daniꞌ-un, ꞌen lubeshi ooghu hooloh, nohni cha ndahtꞌen-un la ꞌen ookꞌunꞌa za toohdilh.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.

1 Peter 2:9

ꞋEt hoontsꞌi nohni dune ꞌutꞌahályane ꞌahli. Yakꞌusda lerwe oolubretne ꞌahli. Yakꞌusda oochꞌeꞌne ꞌahtꞌoh. Nohni ooduneꞌ ꞌuntꞌohne ꞌahli. ꞋOnghohne, ꞌenne tsꞌihꞌun unꞌa daldzooꞌ whe ꞌuntꞌoh, tsꞌiyawh budutáhnelh ha. ꞋAwhuz tsalhgus yo dulhtsꞌi whe ꞌanih nohdániꞌ, ootsꞌu toohdilh ha. Oogha ꞌítꞌen-i be hootꞌen-i ꞌet ꞌuhoontꞌoh.

1 Peter 3:4

ꞋEt hoontsꞌi nohdzi yo dáhoontꞌoh la, nohyo tsꞌe tꞌewhudusnih ꞌinkꞌez soo neꞌahtꞌen, ꞌet ꞌi be soo nadahtꞌih leꞌ hoontꞌoh. ꞋOhwhi Yakꞌusda oonalh whudíztiꞌ wheꞌ hoontꞌoh.