James 3:10 - Yak'usda Ooghuni

¹⁰ ꞋEt whuz unꞌa za nawh kꞌunꞌa yatsꞌulhduk. Whuloh te hoonzoo kꞌunꞌa neuzduniꞌ. ꞋInkꞌez whuloh te hoontsiꞌ whe tuneꞌ uzduniꞌ. Sulhutsinke ꞌet ꞌaw whuz unꞌa lheꞌhóstꞌeꞌ hubaꞌ hoontꞌoh.

James 3:10 Iomraidhean Croise

Genesis 20:9

ꞋInkꞌez Abimelech, Abraham ꞌanih yudaniꞌ ꞌinkꞌez ꞌuyulhni, “Dane ꞌinla whe ꞌintꞌoh? Ndet whe tankꞌus ꞌunyusla ha lheꞌhoontꞌoh-un skꞌehoonꞌai ꞌinkꞌez njan whulerwe ꞌusli-un cha ꞌutꞌen untsiꞌ-i cha? ꞋAw ndusonleꞌ hubaꞌ lheꞌhootꞌoh whuz unꞌa ꞌusinla.”

Romans 12:14

Dune nohezúla de, butsꞌun oohzooꞌ ꞌinkꞌez bukꞌehoohyih junih.

1 Corinthians 3:3

ꞋAwhuz nohyustꞌe lubeshi tsꞌu nintꞌi. Nohni tsꞌiyawh eh tꞌeoonuhzun? Nohtoh ꞌoonih-i, ꞌi hoonih, ꞌinkꞌez lhedádulh, ꞌinkꞌez lhendowh nenahdil hukwꞌunꞌa ꞌahja. ꞋEt whuz unꞌa ndahtꞌen de, ꞌet ꞌalhaꞌ ꞌawhuz nohyustꞌe lubeshi tsꞌu nintꞌi whe ꞌahtꞌoh. Ndi yun kꞌut whutꞌenne kꞌunꞌa neꞌáhtꞌen.

1 Timothy 5:13

ꞋInkꞌez cha tsehudutni-un huhodilꞌeꞌ ꞌinkꞌez kwun toh nuhuya. ꞋInkꞌez ꞌaw tsehudutni za iloh, ꞌughu yahulhduk ꞌinkꞌez ꞌuyoonne eꞌutꞌen kꞌoh huwu hinli chaꞌ hintꞌoh. ꞋAw neꞌhudooniꞌ huba lheꞌhootꞌoh, ꞌoh te neꞌhuduniꞌ.

James 1:16

Sulhutsinke ookꞌesiꞌne, nanoohtꞌah júnih!

James 1:19

ꞋEt huwa sulhutsinke ookꞌesiꞌne, ꞌilhone ꞌahli whe Yakꞌusda ooghuni soo ꞌa cho dohtsꞌo. Nánilhtsulyaz hukwꞌu nuní nulhzut whe yatulhdih. Khun te hunólhchꞌeh junih.

James 3:1

Sulhutsinke nohtoh khun te stalhane dune hodulhꞌehne oohleꞌ hukwaꞌoohtꞌen junih. Wheni dunne hodulhꞌehne, ꞌon nus hooncha whe neba nahutideh ꞌet huwa.

James 3:11

Too unzoo-i ꞌinkꞌez too tsulkiꞌ-i ꞌaw ꞌilhoghun za haóoli ꞌaitꞌoh.

James 3:9

Neze whe Yakꞌusda neBá tube cho ooba tsꞌodílhtiꞌ. ꞋInkꞌez ꞌet whe za nebulh dunene bubézduyaih, Yakꞌusda dukꞌunꞌa ꞌubínla, ꞌenne hoontsꞌi neghuni be ꞌet dúbutsꞌutni.

1 Peter 3:9

ꞋUyoonne nohtsꞌun tankꞌus ꞌuhuninzun de, khun te kꞌunóohdzin junih. ꞋUyoonne nohchꞌaz yáhalhduk de, nohni khun buchꞌaz yaóolhduk junih. Kꞌus ꞌantsꞌi khuni unzoo-i be za bubulh yaóolhduk. Tꞌeoonáhzun whuz unꞌa Yakꞌusda nohtsꞌo húkwaꞌ ninzun. ꞋEt de la Yakꞌusda yutꞌi-i, ꞌi nohghá holtsꞌit.