James 2:9 - Yak'usda Ooghuni

⁹ ꞋEt hoontsꞌi ꞌilhoghun ꞌuyoon anus unzoo-un nahzun de, lubeshi ꞌahla whe ꞌahtꞌoh. ꞋEt whuz unꞌa ndi Yakꞌusda ooghuni netlꞌa ídanꞌai-i whunóhnulhtun khuni kꞌunyisne ꞌahli.

James 2:9 Iomraidhean Croise

John 16:8

Whusaínya de, bubeni toh dizꞌai-i gha la yinka whuduneꞌne lubeshi ꞌulhꞌenne hinli tꞌéhonózin. ꞋInkꞌez ndai la tsꞌihꞌun ꞌuntꞌoh-i ꞌinkꞌez Yakꞌusda ye náhizya-i cha ꞌi ghun tꞌéhonózin.

John 8:46

ꞋAw nohtoh ꞌilhoghun hoontsꞌi si lubeshi ꞌulhꞌen-un usdli doohniꞌ ꞌaítꞌoh. ꞋEt huwa khuni ꞌalhaꞌ ꞌuntꞌoh-i be ꞌunohdúsni te, di ha ꞌet nohba ꞌalhaꞌ lheꞌduzusni?

John 8:9

ꞋEt mbene la whudántsꞌo whe neyo tsꞌe oogha tꞌetsꞌoninzun-i whúbunilhtan didut cha lubeshi ꞌulhꞌenne hinli, ꞌinkꞌez ꞌilhoghun hinli whe hoonyanne ꞌudetso hidulh whe tsꞌiyawh highu whenádil ꞌinkꞌez nyoon tsꞌeke didutchꞌoh za Jesus yubut usyin.

Acts 10:34

ꞋEt ꞌawet Peter yawhénilhduk whe ndutni, “Soo tsꞌihꞌun tꞌéooníszin ꞌet ꞌálhaꞌ hoontꞌoh ꞌalhgoh lhgha Yakꞌusda nenilhꞌen. ꞋAw ꞌilhoghun dune ꞌon nus yutsꞌúlh ditni-un hooloh.

Romans 3:20

Mbene la Moses be ꞌudustlꞌus kꞌúneꞌ ꞌutꞌenne ꞌaw ꞌet huwa lubeshi ꞌuhulhꞌen-un huba gak hoolhtselh ꞌaítꞌoh. Moses be ꞌudustlꞌus ꞌi gha lubeshi ꞌuhulhꞌenne ꞌuhintꞌoh tꞌehonínzun.

1 Corinthians 14:24

ꞋEt hoontsꞌi tsꞌiyawh Yakꞌusda be nus húhooꞌen de, ꞌinkꞌez ꞌilhoghun butoh whulhodulhꞌe-un kꞌus ꞌaw ooba ꞌalhaꞌ lheꞌhóotꞌoh-un nohghu ninya ꞌinkꞌez nohzih usda de, ꞌet ndunne nus hooꞌenne, ꞌenne bugha ndet whe nintaꞌutꞌih-un unli, ꞌet nahootáꞌalh. Uboozílhtsꞌai huwa tsꞌiyanne hiba nahizya.

Galatians 2:19

Moses be ꞌudustlꞌus kꞌut, whulh dasúsai le ꞌustꞌoh, ꞌaw ꞌon ꞌat ookꞌú nulheꞌtuzistꞌel ꞌet huwa. ꞋEt whuz unꞌa Yakꞌusda ba khusna zaꞌ tistꞌelh.

1 John 3:4

Mbe lubeshi ꞌulhꞌen, ꞌaw Yakꞌusda ooghuni yukꞌú nulheꞌustꞌen-un whe ꞌuntꞌoh. ꞋEt khuni kꞌutsꞌuyus de, lubeshi ꞌuhoontꞌoh.

Jude 1:15

Nyoonne Yakꞌusda yit ꞌuntꞌohne, ꞌenne tsꞌiyawh buba nahutiyeh. ꞋEnne Yakꞌusda yit ꞌuntꞌohne, dahoontꞌoh hukwꞌunꞌa Yakꞌusda chꞌaz neꞌustꞌenne whuz unꞌa bukꞌehóotaꞌalh. ꞋEt ndunne Yakꞌusda yit ꞌuntꞌohne, ꞌenne lubeshi ꞌulhꞌenne ꞌuhintꞌoh. Ntsꞌenꞌa khuni dutsꞌun-i be hidulhyoh yahalhduk, ꞌet whuz unꞌa buba nahutiyeh!”