James 2:8 - Yak'usda Ooghuni

⁸ Yakꞌusda nelerwe, ndi ooghuni netlꞌa ídanꞌai-i neba ꞌukꞌeyánguz-i, ꞌet njan ndutni, “Ntsꞌenꞌa la nohnichꞌoh kꞌenahsiꞌ, whuz unꞌa za ꞌuyoonne bukꞌeoohsiꞌ.” ꞋEt nduhtꞌen de, ꞌet sooꞌ hoontꞌoh.

James 2:8 Iomraidhean Croise

Matthew 22:39

ꞋEt bulh nanki, ꞌi ꞌudechoo-i kꞌunꞌa ꞌuntꞌoh whe ndiz unꞌa njan ndutni, ‘ꞋEt dahoontꞌoh hukwꞌunꞌa nyunchꞌoh kꞌenaintsiꞌ, whuz unꞌa za nyulh dune bukꞌeoonsiꞌ.’

Matthew 25:21

ꞋEt oomoodih ndúyulhni, ‘Tube soo ꞌinja! Nyun tube ꞌinzoo. Whunilhchoh whe kꞌuneꞌ nyutisꞌen. Tube ꞌulhna-un unzoo-un inli. Hoontsool-unyaz whe kꞌuneꞌ nyutisꞌen inleꞌ. ꞋAndit nꞌun whe lhai ghu tanleh. ꞋAnih, nyumoodih ye hoontꞌiꞌ-i, nyun cha be hóotantꞌeꞌ.’

Matthew 25:23

Oomoodih ndúyulhni, ‘Tube soo ꞌinja! Nyun tube ꞌinzoo. Whunilhchoh whe kꞌuneꞌ nyutisꞌen. Tube ꞌulhna-un unzoo-un inli. Hoontsool-unyaz whe kꞌuneꞌ nyutisꞌen inleꞌ. ꞋAndit nꞌun whe lhai ghu tanleh. ꞋAnih, nyumoodih ye hoontꞌiꞌ-i, nyun cha be hóotantꞌeꞌ.’

Matthew 7:12

ꞋEt huwa ntsꞌenꞌa hukwaꞌ nahzun dune danohotilhꞌelh-un, whuz unꞌa nohni cha ꞌet ndúboolhꞌen. Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha, ꞌet náhooltꞌoh nduwhútni.”

Romans 13:10

Mbe la dudulh dune kꞌentsꞌíꞌ-un, ꞌaw yutsꞌun tankꞌus unꞌa ooneh ꞌaítꞌoh. ꞋEt huwa nohbulh dune bukꞌehsiꞌ de, ndai la Yakꞌusda ookꞌoh tsꞌe nohtsꞌu húkwaꞌ ninzun-un tsꞌiyawh lhaoodulhla wheꞌ hoontꞌoh.

Galatians 5:14

Moses be ꞌudustlꞌus ꞌet whunílhcho ꞌilho khuni be lhaooduja, ꞌet ndutni, “Ntsꞌenꞌa la nyunchꞌoh kꞌenainsiꞌ, whuz unꞌa nyulh dune cha bukꞌeoonsiꞌ,” ni.

Galatians 6:2

ꞋIlhone ꞌahli ndet la nohba howa whulnaꞌ hoontsꞌi lhla oohtꞌen. ꞋEt de la Christ, ooghuni netlꞌa díltsꞌut-i, ookꞌuneꞌ tihtꞌen wheꞌ hoontꞌoh.

Philippians 4:14

ꞋEt hoontsꞌi dzoh nusúszut-un huwa, ꞌet hoonzoo whe ꞌahja sla ꞌihtꞌen.

1 Thessalonians 4:9

Lhulhutsinke yé lhkꞌesiꞌ-i, ꞌi ghun ꞌaw nohtsꞌo kꞌeꞌoosges huba lheꞌhootꞌoh, Yakꞌusda dichꞌoh whunohodalhꞌeꞌ lhkꞌeoohsiꞌ ha.

James 1:25

ꞋEt hoontsꞌi Yakꞌusda ooghuni lhaidinla-i, ꞌi be lubeshi chꞌa naneulhti, soo cho hikꞌu yalhduk ꞌinkꞌez whunalhuhodulhnoh, ꞌinkꞌez daja ni ꞌahoolhyiz hukwꞌú neꞌhutꞌen de, ndutꞌenne, whuz unꞌa dude ꞌutꞌen kꞌoh huwa ꞌukꞌenus hoonzoo-un bugha whutaltsꞌulh.

James 2:12

Yaooduk ꞌinkꞌez whuz unꞌa za neꞌoohte khuni Yakꞌusda nohtlꞌadanꞌai-i be nohba nahutde ꞌi nela nahutitnih-i ꞌuntꞌoh.

James 2:19

ꞋInkꞌez cha sudóniꞌ, “Yakꞌusda ꞌilhoghun za ꞌuntꞌoh.” ꞋEt mba ꞌalha ꞌuhoontꞌoh, ꞌet huwa ꞌutꞌen unzoo-i ꞌilhꞌen. Ntsiꞌ-i nududeh-i ꞌenne hoontsꞌi, buba ꞌalha ꞌuhoontꞌoh whe nujut bulh hudutlut.

James 4:11

Sulhutsinke lhdulhyoh yaoolhduk junih! Mbe dulhutsin dulhyoh yalhduk-un ꞌinkꞌez yuba nahizya de, ꞌen Yakꞌusda dughuni netlꞌa ídanꞌai-i, ꞌi yudulhyoh yalhduk whe ꞌutni. ꞋI ba nus unzoo naꞌdunúdzun. ꞋEt ndintꞌen de, ꞌaw Yakꞌusda khuni netlꞌa ídanꞌai-i, ꞌaw kwꞌunulheꞌzintꞌen, ꞌantsꞌi Yakꞌusda kꞌunꞌa nahiyilh-un ꞌintꞌoh naꞌduníndzun.

1 Peter 2:9

ꞋEt hoontsꞌi nohni dune ꞌutꞌahályane ꞌahli. Yakꞌusda lerwe oolubretne ꞌahli. Yakꞌusda oochꞌeꞌne ꞌahtꞌoh. Nohni ooduneꞌ ꞌuntꞌohne ꞌahli. ꞋOnghohne, ꞌenne tsꞌihꞌun unꞌa daldzooꞌ whe ꞌuntꞌoh, tsꞌiyawh budutáhnelh ha. ꞋAwhuz tsalhgus yo dulhtsꞌi whe ꞌanih nohdániꞌ, ootsꞌu toohdilh ha. Oogha ꞌítꞌen-i be hootꞌen-i ꞌet ꞌuhoontꞌoh.