James 2:5 - Yak'usda Ooghuni

⁵ Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.

James 2:5 Iomraidhean Croise

Matthew 11:5

Hoos̱ꞌenne cha huhooꞌen nahusdliꞌ. Dzoh nudilhne, nahudilh nahusdliꞌ. Ooka whulhjutne cha leprosy, butsun hooloh nahusdliꞌ, ꞌinkꞌez lheꞌdústsꞌone cha ꞌuhuditsꞌo nasdliꞌ. Yaidlane cha dunahudidil ꞌinkꞌez telꞌenne cha khuni unzoo-i be bubulh yainduk.

Matthew 25:34

ꞋEt lerwe nailhni tsꞌunkꞌus ꞌuntꞌohne ndubudutanelh, ‘Nohni ꞌuBá ꞌukꞌenus hoonzoo-un nohghá whultsꞌutne ꞌahli. ꞋEt huwa ꞌanih! Yun ꞌutilnelh whutso, lerwe yakꞌuz úsda-un, ꞌet nohba lhaoodinla, nohgha óotaltsꞌulh.

Matthew 5:3

“Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.

Mark 7:14

ꞋEt ꞌilhozdílne Jesus doo cha za, “ꞋAnih! Soo zúlhtsꞌai tsꞌiyanne ꞌinkꞌez noheni taóodoltsꞌit,” ubúlhni.

Luke 12:21

ꞋEt whuz unꞌa mbe lhai duba ꞌilhozdla-un ꞌinkꞌez Yakꞌusda ba hoonli lhitꞌiꞌ.”

Luke 12:32

Se ꞌusbai ꞌilhoh núlhꞌas-i, noolhjut junih! NohBá whe lerwe unli-un, hoontꞌiꞌ whe nohgha óotaꞌalh.

Luke 16:22

ꞋEt dune telꞌen-un dazsai. ꞋInkꞌez lizasne Abraham zih nehinilhti. ꞋInkꞌez hoonzooꞌ ꞌuntꞌoh-un cha dazsai. ꞋInkꞌez ꞌahuyalhti.

Luke 16:25

ꞋEt hoontsꞌi Abraham ꞌuyulhni, ‘Syeꞌ yinka sinda daꞌ whunailnih eh? Tsꞌiyaitsuk unzoo-i nghánkat. ꞋEt hoontsꞌi Lazarus hoontsiꞌ-un za oogha whunkat. ꞋEt ꞌawet hoonzoo-un ooghá whultsꞌut, ꞌinkꞌez nyun ꞌandit dzoh ninzut.

Luke 22:29

ꞋInka sBá stlꞌa hónꞌai whe lerwe usdli-un, whuz unꞌa nohni cha lerwe tihleh-un nohgha hónꞌai.

Luke 6:20

Jesus ꞌet yugha hodulꞌehne, butunuyúꞌen whe njan dúbulhni, “Nohni telꞌenne Yakꞌusda whe lerwe unli, ꞌet nohni nohchꞌeꞌ ꞌuhoontꞌoh. ꞋEt huwa ꞌukꞌenus hoonzoo-un nohgha whultsꞌut.

John 7:48

Wheni moodihne kꞌus Phariseene wheni cha neba ꞌalhaꞌ ꞌuntꞌoh nahzun eh? ꞋAwundooh!

Acts 7:2

ꞋEt Stephen uyúlhni, “Sulhutsinke ꞌinkꞌez ꞌubákene soo zúlhtsꞌai! Netsodaꞌ-un Abraham ꞌawhuz Mesopotamia usda, Haran tsꞌe natidalh whutso whe, Yakꞌusda ootsꞌu ha yánduz-un, ꞌet oonalhtsꞌet ha hóoltsꞌut.

Romans 8:17

ꞋInkꞌez Yakꞌusda buzkeh unlíne, ndai la Yakꞌusda butsꞌú yoozi-i, ꞌi buchꞌeꞌ whutaleh. ꞋEt whuz unꞌa Christ bulh ꞌúztitꞌelh, Christ bulh dzoh nutsꞌuzut de, ꞌen bulh uzdutátiꞌ ꞌet huwa.

1 Corinthians 2:9

ꞋEt hoontsꞌi ndiz unꞌa Yakꞌusda neba lhaoodinla. Ntsꞌenꞌa la ꞌukꞌehooguz-un, ꞌet huwa ꞌuhooja whe ndutni, “Mbene la Yakꞌusda kꞌensiꞌne, ndet whe Yakꞌusda buba lhaoodinla, ꞌi tsꞌiyawh duna be lhuhuhoosꞌen, ꞌinkꞌez dudzeh whe ꞌaw lhuhodítsꞌil, whuz buba hooncha kꞌet ꞌaw howu nuni hunoozut ꞌaitꞌoh.”

2 Corinthians 4:15

Whunilhchoh nebulh neꞌwhutꞌen ꞌet whe nohba hootázooꞌ ꞌet huwa. ꞋEt ndi ꞌukꞌenus yé unzoo-i, nohtoh hoonli, ꞌet whe nohni nohgha ꞌon nus Yakꞌusda tsꞌun musi tsꞌutni. ꞋEt whe ooba whudíztiꞌ.

2 Corinthians 6:10

Datsꞌíntꞌoh whula tsꞌodi tsinli ꞌet hoontsꞌi nedzi be tsꞌuhóontꞌiꞌ. Datsꞌíntꞌoh whula tetsꞌulꞌen ꞌet hoontsꞌi tsꞌihꞌun hiye hoonzoo ootꞌeꞌ-i, ꞌi lhane gha tsꞌúꞌaih. Hoonli be tétsꞌulꞌen ꞌinkꞌez lhtsꞌítꞌiꞌ ꞌet hoontsꞌi tsꞌiyaitsuk tsꞌutꞌi. ꞋEt hoontsꞌ tsꞌiyai ꞌi tsꞌutꞌi.

2 Corinthians 8:9

NeMoodihti Jesus Christ, ꞌen ye unzoo-i ooghu tꞌeoonáhzun ꞌet huwa. Dalcho-i be la hoonzooꞌ ꞌuntꞌoh, ꞌet hoontsꞌi nohni nohba telꞌen suliꞌ. ꞋEt whe ndai la ye telꞌen-i, ꞌi nohni be hoonzooꞌ oohneh.

Ephesians 1:18

ꞋEt noheni be whunulꞌen kꞌunꞌa ꞌon nus hoohꞌen whe soo tsꞌihꞌun unꞌa lhat-un whuntilhꞌelh. ꞋEt whuz unꞌa njan uzdoojih ha nekaꞌ daniꞌ-un negha óoninꞌai, ꞌet hukwa itohꞌen, ꞌet tꞌewhuntihzeh. ꞋInkꞌez Yakꞌusda oochꞌeꞌne bulh ndi yutꞌi-i netsꞌú whutikulh-un tsꞌuwhutꞌi, dáwhuldzooꞌ wheꞌ hoontꞌoh, ꞌet tꞌewhuntihzeh.

Ephesians 3:8

Si hoontsꞌi, Yakꞌusda oochꞌeꞌne buba nyo ꞌuntꞌohne, ꞌenne buba nyo ꞌustꞌoh hukwꞌunꞌa ꞌududuzdzun. ꞋEt hoontsꞌi ndi Yakꞌusda ye unzoo-un, ꞌet sghá whultsꞌut. ꞋEt ꞌi be ꞌudun yun kꞌut whutꞌenne, khuni unzoo-i be ndúwhulcho budutásnelh. Christ Ye diztiꞌ-i hooncha kꞌet, ꞌaw whula toh hooloh, ꞌet huwun budutásnelh.

1 Thessalonians 2:12

ꞋInkꞌez Yakꞌusda ba sooꞌ whuldzooꞌ kꞌunꞌa toohdilh. ꞋEn ꞌuntꞌoh ntsꞌe la usda-un, ꞌet lerwe unli, ꞌet whe tsꞌiyantsuk whe kꞌuneꞌ whutꞌen unli, ꞌinkꞌez ye diztiꞌ-i cha bulh ꞌuntꞌoh. ꞋEt whuz de ꞌanih nohúlhni.

2 Thessalonians 1:5

ꞋInka tsꞌiyanne tꞌehininzun Yakꞌusda tsꞌihꞌun nahiyilh-un ꞌuntꞌoh. ꞋEt huwa ndet Yakꞌusda lerwe unli, ꞌet soo ꞌúlhdzooꞌ ooleꞌ ookꞌélhꞌotihꞌalh. ꞋEt huba ꞌandit dzoh nahdeh.

1 Timothy 6:18

Tsꞌihꞌun unꞌa ꞌuhootꞌen budoniꞌ. Bula hoonli whe ꞌutꞌen unzoo-i ꞌuhoolhꞌen. ꞋAhoolhyiz ꞌuyoonne hiye ndunidzit-i, ꞌi be bulaꞌ hutitꞌelh-un huba lhahúdootꞌeꞌ. Soo hoontꞌiꞌ whe lhtaꞌtsꞌoolyelh.

2 Timothy 4:18

ꞋInkꞌez yakꞌuz neMoodihti ꞌen lerwe unli, ꞌet wheni sghunli, ꞌinkꞌez oozih tisdalh whutsꞌun, ꞌutꞌen untsiꞌ-i tsꞌiyawh yuchꞌa sutálhtelh. ꞋEt huwa ꞌen ꞌilhiz wheni ꞌinkꞌez ꞌon ꞌun cha uzdólhtiꞌ. ꞋEt ndo honeh.

2 Timothy 4:8

ꞋUdekꞌez khuni beꞌ dusni, ndet tsꞌihꞌun unꞌa hoontꞌoh whe whuchꞌa oonusde-un, ꞌet sba ꞌusꞌai. NeMoodihti tsꞌihꞌun nahiyilh-un, ꞌen yutilhtselh-i, ꞌet dzin sgha ítaꞌalh. ꞋInkꞌez ꞌaw si za iloh. Mbene la dudzi ndulcho-i be bunalh be hóodutalhtsilh ꞌinkꞌez yutiꞌelh hukwaꞌ ninzunne, ꞌenne ꞌilhoghun hinli whe tsꞌiyawh si skꞌunꞌa za ꞌúbutilelh.

Hebrews 11:26

Christ ꞌen gha ndunne Egypt whutꞌenne, Israel tsꞌu haindene buchꞌaz yahalhduk. ꞋEt Moses nduninzun buchꞌaz yahalhduk-un, ꞌet Egypt whulerwe daltsuk sooniya, ꞌi tsꞌiyawh ba nus yinzoo. Yakꞌusda oochꞌeꞌne buba ꞌukꞌelha whutaleh-un, ꞌet buba neóoninꞌai, ꞌet huwa ꞌet dúhoontꞌoh-un za Moses hukwa itísꞌen.

James 1:12

Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

James 1:16

Sulhutsinke ookꞌesiꞌne, nanoohtꞌah júnih!

James 1:19

ꞋEt huwa sulhutsinke ookꞌesiꞌne, ꞌilhone ꞌahli whe Yakꞌusda ooghuni soo ꞌa cho dohtsꞌo. Nánilhtsulyaz hukwꞌu nuní nulhzut whe yatulhdih. Khun te hunólhchꞌeh junih.

James 1:9

Neulhutsin telꞌen-un, ꞌen Yakꞌusda ꞌuntꞌoh-un yulhtsi de, hótꞌeꞌ hubaꞌ hoontꞌoh.

1 Peter 1:4

ꞋAndit ꞌawet neBá yutꞌi-i negha ítalelh-i, ꞌi cha wheni neba ꞌuntꞌoh. ꞋAw oolhjut ꞌaitꞌoh. ꞋAw ntsiꞌ cha ooleꞌ ꞌaitꞌoh, ꞌinkꞌez dutoodeh ꞌaitꞌoh. ꞋI ꞌudaꞌ yakꞌuz tsꞌe nohba ꞌet whuzdla.

2 Peter 1:11

Ndiz unꞌa neMoodihti ꞌinkꞌez neulhyis-un Jesus Christ, ntsꞌe ꞌilhiz wheni lerwe unli-un, ꞌet hoonzoo whe nohba dáhaꞌ dutikwus.

Revelation 2:9

Nohꞌeꞌutꞌen cha, be dzoh nahdeh-i, ꞌinkꞌez whe télhꞌen-un cha, tsꞌiyawh tꞌeoonúszun. ꞋEt hoontsꞌi ꞌalhaꞌ hoonzooꞌ ꞌahtꞌoh. Ndunne nohchꞌaz ditnine nduhutni, wheni lizwifne ꞌutsꞌintꞌoh, ꞌet hoontsꞌi lizwifne lhuhiloh. ꞋEnne ndun Satan huyúlhni-un, ꞌen oolugliz ꞌet whuchꞌeꞌ hinli wheꞌ hintꞌoh, ꞌet cha tꞌeoonúszun.

Revelation 21:7

Mbene la ꞌutꞌen ntsiꞌ-i chꞌaꞌ ꞌalhdehne tsꞌiyaitsuk bubaꞌ yutátꞌelh. BuYakꞌusda tisdleh ꞌinkꞌez suzkeh hutileh.

Revelation 3:18

Ndai gold kwun be ꞌon nus ꞌuldzooꞌ suliꞌ-i, ꞌi si stsꞌun óohket nohdusni. ꞋEt de la hoonzoo oohtꞌeꞌ. ꞋInkꞌez naih ꞌulhyul-i, ꞌi cha stsꞌun óohket. ꞋEt de la ꞌet dune oohleꞌ, ꞌinkꞌez nohye ꞌustꞌet ꞌahli-un cha la hukwa yálhuzoohleꞌ. Na yoo, ꞌi na kꞌet dúlhye, ꞌet de la soo hóohꞌen.