James 2:25 - Yak'usda Ooghuni

²⁵ Ndun lubeshi ꞌulhꞌen-un, Rahab huyúlhni, ꞌen dichꞌoh dude ꞌutꞌen kꞌoh huwa, dune nalh tsꞌihꞌun ꞌuntꞌoh-un suliꞌ. ꞋEt ndiz unꞌa ndúja, ndunne Joshua ba khuni naꞌáne, ꞌenne dábúninla whe ꞌet hukwꞌelhꞌaz ꞌudun tetí-un tenábuninla.

James 2:25 Iomraidhean Croise

Matthew 1:5

Salmon ooꞌat Rahab ꞌen be Boaz oobá. Boaz Ruth ꞌen be Obed oobá. ꞋInkꞌez Obed Jesse oobá ꞌuntꞌoh.

Matthew 21:31

ꞋEt Jesus ꞌutni, “Ndunne nane kꞌus mbe oobá buba hukwaꞌ ninzun ꞌoh te hukwꞌu neꞌhustꞌen?” “ꞋUdechoo-un, ꞌen za,” hutni. ꞋEt Jesus ndúbulhni, “Tsꞌihꞌun nohdusni ndunne sooniya nalhdzoohne ꞌinkꞌez tsꞌekoo ꞌulꞌenne cha, Yakꞌusda lerwe unli-un, whuz nohtso dahutidulh.

Acts 17:7

ꞌinkꞌez Jason ꞌen duyoh ubuzdla. Tsꞌiyawh nelerwe ꞌukꞌénus diztiꞌ-un yugha néꞌulhꞌa-i kꞌuhunyis wheꞌ hutꞌen ꞌinkꞌez ꞌuyoon lerwe unli, ‘ꞋEn Jesus tsꞌutni,’ nehútni.”

Hebrews 11:31

Be ꞌalha ꞌuhoontꞌoh-i, ꞌi be ndun ꞌulꞌen-un Rahab huyúlhni, ꞌen ndunne Moses ba nunúlꞌiꞌne, ꞌenne bulaꞌ tinelh ha duyoh dábuninla. ꞋEt huwa mbene la Yakꞌusda kꞌunulheꞌustꞌenne ꞌaw bubulh dalhitsal.

James 2:18

ꞋEt hoontsꞌi ꞌilhoghun tilah ndiz unꞌa njan dusúdoniꞌ, “Nyun be ꞌalha ꞌuhoontꞌoh-i ꞌintꞌi, ꞌinkꞌez si ꞌutꞌen ꞌustꞌi. Nye ꞌutꞌen ooyit be, be mba ꞌalha ꞌuhoontꞌoh-i whusunilhtun, ꞌet de si cha seꞌ ꞌutꞌen be, ꞌi be sba ꞌalha ꞌuhoontꞌoh-un whunyunoostun.”

James 2:22

Whunulhꞌen eh? Abraham be ꞌutꞌen kꞌoh, be ꞌalha ꞌuhoontꞌoh-i, ꞌi be ꞌuja. ꞋEt be ꞌutꞌen kꞌoh huwa, be ꞌalha ꞌuhoontꞌoh-i soo tsꞌihꞌun unꞌa lhadúlya suliꞌ.

James 2:24

Tꞌewhunúhzun eh? Njan ndúhoontꞌoh. ꞋAw be ꞌalha ꞌuhoontꞌoh-i gha za iloh whe tsꞌihꞌun dune tsꞌulih. Ne-eꞌutꞌen gha cha, tsꞌihꞌun dune tsꞌulih.