James 2:23 - Yak'usda Ooghuni

²³ Yakꞌusda ooghuni daja ni ꞌen ghun, ꞌi tsꞌiyawh lhaooduja. Njan ndutni, “Abraham ꞌen Yakꞌusda yuba ꞌalhaꞌ ꞌuntꞌoh. ꞋEt huwa Yakꞌusda tsꞌihꞌun dune inli,” yúlhni. ꞋInkꞌez Yakꞌusda ookꞌeke suliꞌ-un, huyúlhni.

James 2:23 Iomraidhean Croise

Genesis 15:6

ꞋEt Moodihti (Yahweh) yuba ꞌalha ꞌudija, ꞌinkꞌez “Tsꞌihꞌun dune unli,” ꞌuyulhni.

Mark 12:10

ꞋAw Yakꞌusda ooghuni ꞌukꞌu nusgúz-i ookꞌu yálhuzulhduk? ꞋEt ndutni, ‘Ndi tse yoh ꞌuwhulhꞌénne ꞌún hidutilhꞌuz-i, ꞌukꞌenus ooka dáhotni-i suliꞌ.

Mark 15:27

Nane ꞌundunutꞌíhne cha huyulh tulalhgus kꞌébihilhti, ꞌilhoghun ooghu naílhni tsꞌunkꞌus ꞌinkꞌez ꞌilhoghun ooghe ꞌintlꞌus tsꞌe.

Luke 4:21

ꞋInkꞌez bubulh yawhenilhduk, “ꞋEt Yakꞌusda ooghuni dáhtsꞌo-un, ꞌet ꞌandit dzin tsꞌiyawh lhaooduja.”

Acts 1:16

ꞌinkꞌez ubúlhni, “Sulhutsinke ndi Yakꞌusda ooghuni ꞌukꞌu nusgúz-i ꞌet lhaóodotneh hubaꞌ hoontꞌoh. Ndet David hónꞌen Ndoni ꞌen gha Judas datínelh ꞌet yughu yalhduk. Judas ꞌen húbunilhtan whe ꞌoh daꞌ Lizwifne Jesus huyílhchoot inleꞌ.

Romans 11:2

ꞋAwúndooh, ꞌaw Yakꞌusda duduneꞌne tsꞌiyawh iloh ꞌún ubutilhdil. ꞋEt whutsodaꞌ tꞌebuninzunne. ꞋEt ꞌaw eh whunalhuzulhni Yakꞌusda be ꞌudustlꞌus kꞌut dája ni nus hóoꞌen-un Elijah ꞌen ghun? Ntsꞌenꞌa la Yakꞌusda yutsꞌu tédudli Israel ooduneꞌne, ꞌenne buchꞌa ꞌútni,

Romans 9:17

Yakꞌusda ooghuni ꞌukꞌu nusgúz-i kꞌut Pharoah njan ndúyulhni, “Njan ꞌet huwa Egypt whulerwe nyuzúsi, nyun ungha ndet la whéstus-un dune whúntistun. ꞋEt huwa sooziꞌ ndi yun kꞌut ndulcho whe tꞌentádzin,” yúlhni.

Galatians 3:22

ꞋEt hoontsꞌi Yakꞌusda ooghuni ndutni, tsꞌiyanne dune lubeshi bulh ꞌuhintꞌoh inleꞌ. ꞋEt ndi ye butsꞌu náhizya-i, ꞌi mbe Jesus Christ buba ꞌalhaꞌ yintꞌohne, ꞌaw ꞌenne za bugha whútakulh.

Galatians 3:6

Abraham Yakꞌusda yuba ꞌalhaꞌ ꞌuntꞌoh whe Yakꞌusda tsꞌihꞌun dune unli yúlhni,

2 Timothy 3:16

Yakꞌusda ooghuni ꞌi tsꞌiyawh Yakꞌusda ye sjiz-i bulh ꞌúntꞌoh. ꞋInkꞌez oogha whútsꞌodulꞌeh huba unzoo, nintaꞌtsꞌutꞌih-un whunénulhtun, neba tsꞌihꞌun newhuꞌaih cha, ꞌinkꞌez ꞌet whuneodulhꞌeh tsꞌihꞌun unꞌa yinka ꞌuzdóltsꞌiꞌ ha.

James 2:24

Tꞌewhunúhzun eh? Njan ndúhoontꞌoh. ꞋAw be ꞌalha ꞌuhoontꞌoh-i gha za iloh whe tsꞌihꞌun dune tsꞌulih. Ne-eꞌutꞌen gha cha, tsꞌihꞌun dune tsꞌulih.

1 Peter 2:6

ꞋEt huwa Yakꞌusda ooghuni ndutni whe ꞌukꞌu nusguz, “Whunulhꞌen, nohni keyoh Zion whutꞌenne, ꞌet koontlꞌat tse, soo ꞌukꞌenus ookwa dahotni-i ꞌet nédisꞌai. ꞋEn ꞌutahasti, ꞌinkꞌez diztiꞌ whe ꞌuntꞌoh, ꞌinkꞌez mbene buba ꞌalhaꞌ yintꞌohne, ꞌaw yooya hooleꞌ ꞌaitꞌoh.”