James 2:22 - Yak'usda Ooghuni

²² Whunulhꞌen eh? Abraham be ꞌutꞌen kꞌoh, be ꞌalha ꞌuhoontꞌoh-i, ꞌi be ꞌuja. ꞋEt be ꞌutꞌen kꞌoh huwa, be ꞌalha ꞌuhoontꞌoh-i soo tsꞌihꞌun unꞌa lhadúlya suliꞌ.

James 2:22 Iomraidhean Croise

Genesis 22:12

ꞋInkꞌez ꞌuyulhni, “Nyeꞌ ookꞌedolnih junih kꞌus hoonli ꞌonleꞌ junih! ꞋAndit tꞌeooniszin Yakꞌusda (Elohim) be niljut, nyeꞌ ꞌen hoontsꞌi oochꞌa lhuyoontun ꞌaw ꞌilhoghun nyeꞌ, si schꞌa lhoontun.”

John 6:29

ꞋEt Jesus ꞌubulhni, “Mbe la ndun Yakꞌusda nohtsꞌu whusayálhꞌaꞌ-un, ꞌen nohba ꞌalha ꞌootꞌeꞌ. Ndi ꞌi Yakꞌusda be ꞌutꞌen ꞌuntꞌoh.”

Galatians 5:6

ꞋEt wheni tsꞌiyawh Christ Jesus ꞌen bulh ꞌutsꞌintꞌoh de, ꞌet de yuka dune unli-i kꞌut huyuztꞌus, kꞌus ꞌaw lhitꞌus-un, ꞌet ꞌaw ꞌantsꞌi ꞌuhoontꞌoh. ꞋEt hoontsꞌi be ꞌalha ꞌuhoontꞌoh-i, ꞌi hooncha wheꞌ hoontꞌoh. ꞋI gha ꞌon nus lhkꞌetsꞌusiꞌ.

1 Thessalonians 1:3

Nohnatsꞌulnih-un ꞌaw ꞌetsul lheꞌtsꞌusne, be ꞌalha ꞌuhoontꞌoh-i, ꞌi ghun nohꞌeꞌutꞌen. ꞋInkꞌez be nékꞌetsꞌinsiꞌ-i be soo cho ꞌahtꞌen. ꞋInkꞌez neMoodihti Jesus Christ ꞌen ghun hukwa tse hoohli-un, ꞌaw whula lhduzahni. Yakꞌusda neBá ꞌen oonalh ꞌet ndahtꞌen.

James 2:18

ꞋEt hoontsꞌi ꞌilhoghun tilah ndiz unꞌa njan dusúdoniꞌ, “Nyun be ꞌalha ꞌuhoontꞌoh-i ꞌintꞌi, ꞌinkꞌez si ꞌutꞌen ꞌustꞌi. Nye ꞌutꞌen ooyit be, be mba ꞌalha ꞌuhoontꞌoh-i whusunilhtun, ꞌet de si cha seꞌ ꞌutꞌen be, ꞌi be sba ꞌalha ꞌuhoontꞌoh-un whunyunoostun.”

1 John 2:5

ꞋEt ndan yughuni kꞌuneꞌ ꞌutꞌen-un, ꞌen ꞌalhaꞌ Yakꞌusda ye nékꞌensiꞌ-i be tsꞌihꞌun unꞌa lhadúlya whe ꞌuntꞌoh. ꞋEt whe tꞌetsꞌonínzun Jesus Christ ooyúzdultsꞌi wheꞌ tsꞌintꞌoh.