James 2:21 - Yak'usda Ooghuni

²¹ Netsodaꞌ-un, Abraham, ꞌen duyeꞌ, Isaac, ꞌen loodel kꞌeyilhti, Yakꞌusda ba yutuzilhghelh ha. ꞋEt huwa dude ꞌutꞌen be tsꞌihꞌun dune suliꞌ.

James 2:21 Iomraidhean Croise

Matthew 12:37

Nohghuni gha Yakꞌusda nalh tsꞌihꞌun dune tihleh, kꞌus nohghuni gha kwuncho yo tsꞌu tihdulh kꞌunꞌa, nohba nahutideh ꞌet huwa.”

Matthew 3:9

ꞌinkꞌez khun njan dudohniꞌ junih, wheni Abraham ootsꞌu haindene tsinli. Nohdusni Yakꞌusda soo ꞌultus whe ꞌuntꞌoh, ndi tse hoontsꞌi ꞌi be Abraham ootsꞌu haindene ubutilhtselh whe ꞌuntꞌoh.

Luke 1:73

Netsodaꞌ-un Abraham Yakꞌusda dughuni yutlꞌa danꞌai whe ꞌinkꞌez yutsꞌu náhizya,

Luke 16:24

ꞋEt ꞌultus-un yutsꞌu huyih ꞌinkꞌez ꞌuyulhni, ‘ꞋUbá, Abraham, sgha teꞌninzeh! Lazarus ꞌen stsꞌilhꞌalh! Dzoh tsulyaz dulasga be toot nudoolga ꞌinkꞌez ꞌi be stsoola kꞌut nawhunoolhtsul! Ndi kwun be dzoh nuszut!’ yulhni.

Luke 16:30

ꞋInkꞌez ꞌuyulhni, ‘ꞋAwundooh ꞌubá Abraham. ꞋEt ꞌilhoghun yaidlane toh tsꞌe ha nája de ꞌinkꞌez butsꞌu tizya de, ꞌet huwa la dudeni nahondunooleh.’

John 8:39

ꞋEt ꞌuhuyúlhni, “Abraham ꞌen ootsꞌu haindene tsinli.” ꞋEt Jesus ꞌubulhni, “Abraham ꞌen tsꞌu hahde de, ꞌen be ꞌutꞌen kꞌoh za daꞌ neꞌóohtꞌen.

John 8:53

Nebá Abraham dazsai inleꞌ. ꞋEn ba nus ꞌilcho whe eh ꞌudini? ꞋEt nus hóoꞌenne, ꞌenne cha yahadla. ꞋEnne cha buba nus ꞌilcho eh? Soo mbe inli dini wheꞌ dini?”

Acts 7:2

ꞋEt Stephen uyúlhni, “Sulhutsinke ꞌinkꞌez ꞌubákene soo zúlhtsꞌai! Netsodaꞌ-un Abraham ꞌawhuz Mesopotamia usda, Haran tsꞌe natidalh whutso whe, Yakꞌusda ootsꞌu ha yánduz-un, ꞌet oonalhtsꞌet ha hóoltsꞌut.

Romans 3:20

Mbene la Moses be ꞌudustlꞌus kꞌúneꞌ ꞌutꞌenne ꞌaw ꞌet huwa lubeshi ꞌuhulhꞌen-un huba gak hoolhtselh ꞌaítꞌoh. Moses be ꞌudustlꞌus ꞌi gha lubeshi ꞌuhulhꞌenne ꞌuhintꞌoh tꞌehonínzun.

Romans 4:1

Wheni Lizwifne netsodaꞌ-un Abraham ooghu dája ꞌuzninzun? Yinka indaꞌ huwa ndet suba nahoonꞌai?

Romans 4:12

ꞋInkꞌez whulohne Lizwifne, ꞌenne cha Abraham butso whudilhdzulh unli. Lizwifne tsꞌiyawh bubuhúztꞌus whe bube hóodatꞌen. ꞋEt hoontsꞌi mbe la Lizwifne Abraham kꞌunꞌa Yakꞌusda ooghuni buba ꞌalhaꞌ ꞌuntꞌohne, ꞌenne za Abraham butso whudilhdzulh-un unli.

Romans 4:16

ꞋEt huwa Yakꞌusda ye únzoo-i gha highuni dune yílhchoot de, ꞌen Yakꞌusda nalh tsꞌihꞌun dune unli. ꞋEt whe Yakꞌusda dune tsꞌú hoozi-un tsꞌiyanne Abraham yukédindene, ꞌenne buchꞌeꞌ whutaleh. Mbene la Lizwifne Yakꞌusda ooghuni ooba ꞌalhaꞌ ꞌuntꞌohne, ꞌaw ꞌenne za íloh, tsꞌiyanne Abraham kꞌunꞌa Yakꞌusda ooghuni hiyílhchoot de, ꞌalhaꞌ tsꞌiyanne netso whudilhdzulh-un unli.

Hebrews 11:17

Be ꞌalha ꞌuhoontꞌoh-i, ꞌi be ꞌoh daꞌ Yakꞌusda Abraham yóolhdzai whe ꞌaw ꞌilhoghun duyeꞌ Isaac loodel kꞌeyilhti ꞌinkꞌez Yakꞌusda ba yutuzilhghelh ha. Ndet Yakꞌusda yutsꞌú hoozi-un whe ooyeꞌ ootsꞌu haindene hutildlai, ꞌet tsꞌiyawh hóolhchoot.

James 2:18

ꞋEt hoontsꞌi ꞌilhoghun tilah ndiz unꞌa njan dusúdoniꞌ, “Nyun be ꞌalha ꞌuhoontꞌoh-i ꞌintꞌi, ꞌinkꞌez si ꞌutꞌen ꞌustꞌi. Nye ꞌutꞌen ooyit be, be mba ꞌalha ꞌuhoontꞌoh-i whusunilhtun, ꞌet de si cha seꞌ ꞌutꞌen be, ꞌi be sba ꞌalha ꞌuhoontꞌoh-un whunyunoostun.”

James 2:24

Tꞌewhunúhzun eh? Njan ndúhoontꞌoh. ꞋAw be ꞌalha ꞌuhoontꞌoh-i gha za iloh whe tsꞌihꞌun dune tsꞌulih. Ne-eꞌutꞌen gha cha, tsꞌihꞌun dune tsꞌulih.