James 2:18 - Yak'usda Ooghuni

¹⁸ ꞋEt hoontsꞌi ꞌilhoghun tilah ndiz unꞌa njan dusúdoniꞌ, “Nyun be ꞌalha ꞌuhoontꞌoh-i ꞌintꞌi, ꞌinkꞌez si ꞌutꞌen ꞌustꞌi. Nye ꞌutꞌen ooyit be, be mba ꞌalha ꞌuhoontꞌoh-i whusunilhtun, ꞌet de si cha seꞌ ꞌutꞌen be, ꞌi be sba ꞌalha ꞌuhoontꞌoh-un whunyunoostun.”

James 2:18 Iomraidhean Croise

Romans 14:23

ꞋEt hoontsꞌi dune ꞌutsung úꞌalhne ꞌaw buba ꞌalhaꞌ lheꞌhóotꞌoh ninzunne, ꞌet hiyuꞌalh de, ꞌet dudzi yo whe tꞌehontázin nintaꞌhantꞌen, hiyé ꞌalhaꞌ ninzun-i gha ꞌet ndulhúhinel ꞌet huwa. ꞋInkꞌez ndai la hoonli ꞌutsꞌulhꞌén-i be ꞌalhaꞌ uzninzún-i gha lheꞌtsꞌulhꞌen de, ꞌet neba lubeshi hoonli.

Romans 3:28

ꞋEt huwa whutsꞌodulꞌeh, Yakꞌusda buba ꞌalhaꞌ ꞌuntꞌohne, nintaꞌhutꞌih-un buba gak whulhtsi. ꞋAw ꞌon ꞌun Moses be ꞌudustlꞌus hikꞌú nulheꞌoostꞌen hubaꞌ hoontꞌoh.

Romans 4:6

Lerwe David ꞌen cha ꞌet huwu yalhduk, mbe la Yakꞌusda yúlhni, “Nyun tsꞌihꞌun dune ꞌintꞌoh,” ꞌaw ꞌutꞌen ꞌuyalhꞌen-i, ꞌi gha iloh, ꞌet hoontsꞌi ꞌen ꞌalhaꞌ ꞌukꞌenus hoonzoo-un ooghá whultsꞌut wheꞌ ꞌuntꞌoh.

Romans 8:1

ꞋAwet ꞌandit, mbene la Christ ooduneꞌ unlíne, ꞌaw kwuncho yo tsꞌe wheni buba nalhuhídil. ꞋEt nduntꞌohne ꞌaw buyustꞌe nintꞌi tsꞌe hukwꞌu nulheꞌhustꞌen, ꞌet kꞌus Ndoni ookꞌoh tsꞌe za hukwꞌu neꞌhutꞌen.

Romans 9:19

Whulohne nohtoh ꞌet tilah sudóhniꞌ, “Ntsꞌenꞌa la Yakꞌusda neꞌústꞌen-un ꞌaw whudulhyoh ꞌutsꞌootꞌeꞌ ꞌaítꞌoh de, ꞌinkꞌez lubeshi ꞌutsꞌulhꞌen te, ꞌet di ha Yakꞌusda nekꞌéhootaꞌalh?”

1 Corinthians 13:2

ꞋEt dune ba nus hoosꞌen de, ꞌinkꞌez buba whéꞌ hoontꞌoh hooyoh-un tsꞌiyawh tꞌeóonúszun de, ꞌinkꞌez khuni be tꞌeóonudzun-i ꞌet cha tꞌeooniszin de, ꞌinkꞌez tsꞌiyawh be ꞌalha ꞌuhoontꞌoh-i ꞌustꞌi de whe dzulh hoontsꞌi ꞌudun netísꞌalh de, whuz unꞌa ꞌet hoontsꞌi be nékꞌetsꞌinsiꞌ-i lhústꞌih de, ꞌet de ꞌaw hoonli lhúsloh.

2 Corinthians 5:17

ꞋEt huwa mbe la Christ yudínda-un, ꞌen cha ndúwhulcho ꞌándidi nawhúsdliꞌ. ꞋEt whutsodaꞌ hukwꞌunꞌa, ꞌet tsꞌiyawh ba gak whuzdliꞌ.

2 Corinthians 7:1

ꞋEt huwa ookꞌesiꞌne soo zúlhtsꞌai, ndi yé netsꞌu nahizya-i, ꞌi neghun hoonli. ꞋEt huwa neyustꞌe ꞌinkꞌez neyughi ꞌi ndai lubeshi be dutsun suliꞌ, ꞌi tsꞌiyawh bunaꞌtsꞌoolhdeh. Yakꞌusda ꞌen bé uznuljut huwa ꞌet ꞌi be ndi lubeshi ooghu hooloh-un, tsꞌooleꞌ.

Galatians 5:6

ꞋEt wheni tsꞌiyawh Christ Jesus ꞌen bulh ꞌutsꞌintꞌoh de, ꞌet de yuka dune unli-i kꞌut huyuztꞌus, kꞌus ꞌaw lhitꞌus-un, ꞌet ꞌaw ꞌantsꞌi ꞌuhoontꞌoh. ꞋEt hoontsꞌi be ꞌalha ꞌuhoontꞌoh-i, ꞌi hooncha wheꞌ hoontꞌoh. ꞋI gha ꞌon nus lhkꞌetsꞌusiꞌ.

1 Timothy 1:5

Budzi lhditsun, ꞌinkꞌez buyo tsꞌe oogha tꞌetsꞌoninzun-i unzoo-i be cha, ꞌinkꞌez ꞌi be buba ꞌalhaꞌ hotꞌeꞌ cha, ꞌet whuz unꞌa lhkꞌehoosiꞌ. ꞋInka ndi khuni Yakꞌusda netlꞌa ídanꞌai.

Titus 2:7

ꞋInkꞌez Titus nyun cha tsꞌiyantsuk whe ngha ꞌutꞌen unzoo-i ꞌuhoolhꞌen, whuz unꞌa ꞌontꞌeꞌ. ꞋEt ndi be whutsꞌodulꞌeh-i, ꞌi tsꞌiyawh ꞌaw lhdoosun, dólhtiꞌ, ꞌinkꞌez ꞌaw hoonliyaz whe ꞌatsꞌun unꞌa ootꞌeꞌ junih.

Hebrews 11:31

Be ꞌalha ꞌuhoontꞌoh-i, ꞌi be ndun ꞌulꞌen-un Rahab huyúlhni, ꞌen ndunne Moses ba nunúlꞌiꞌne, ꞌenne bulaꞌ tinelh ha duyoh dábuninla. ꞋEt huwa mbene la Yakꞌusda kꞌunulheꞌustꞌenne ꞌaw bubulh dalhitsal.

Hebrews 11:33

be ꞌalha ꞌuhoontꞌoh-i, lhelhdun keyoh whutꞌenne, tsꞌiyawh buchꞌaꞌ hunilhde. Ndet tsꞌihꞌun unꞌa ꞌuhoontꞌoh-un, be ꞌalha ꞌuhoontꞌoh-i, ꞌi be ꞌuhuhóonla. Ndet Yakꞌusda butsꞌú hoozi-un, be ꞌalha ꞌuhoontꞌoh-i, ꞌi be buchꞌeꞌ whutaleh tꞌehoninzun. Be ꞌalha ꞌuhoontꞌoh-i, ꞌi be Yakꞌusda ndi khuna-iti, lion huyúlhni-i, ꞌi hize lhtsꞌunaꞌ hoonla bundólhda whuchꞌa.

Hebrews 11:6

Bé ꞌalha ꞌuhoontꞌoh-i, ꞌi ooyit de, ꞌaw Yakꞌusda ooba dzoh tsꞌoozooꞌ ꞌaitꞌoh. Mbene Yakꞌusda tsꞌun hutidulh hukwaꞌ huninzun, Yakꞌusda hoonli wheꞌ hoontꞌoh, ꞌet buba ꞌalhaꞌ hotꞌeꞌ hubaꞌ hoontꞌoh. ꞋInkꞌez soo tsꞌihꞌun dudzi huwaꞌ hooli whe hikꞌoh tsꞌe hukwa hítisꞌenne, ꞌenne za buba ꞌukꞌelha whutilhtselh.

James 2:14

Sulhutsinke, mbe dune ꞌutni, “Be ꞌalha ꞌuhoontꞌoh-i ꞌustꞌi,” ꞌet hoontsꞌi Yakꞌusda ꞌaw yukꞌú nulhéꞌustꞌen de, ꞌi ꞌaw ooba lheꞌhóozooꞌ wheꞌ hoontꞌoh! Nduntꞌoh-i be ꞌalha ꞌuhoontꞌoh-i, ꞌubutilhyih nahzun eh? ꞋAwundooh!

James 3:13

Mbe la nohtoh whunih-un dune unli ꞌinkꞌez lhat-un tꞌewhunínzun? ꞋEt nduntꞌóh-un hoonzoo kꞌunꞌa nohtoh dune ooleꞌ. Whuz unꞌa oobe ꞌutꞌen kꞌoh whunih-i be ꞌinkꞌez yo ꞌududildzun whuz unꞌa huba ꞌuhoontꞌoh.