James 2:12 - Yak'usda Ooghuni

¹² Yaooduk ꞌinkꞌez whuz unꞌa za neꞌoohte khuni Yakꞌusda nohtlꞌadanꞌai-i be nohba nahutde ꞌi nela nahutitnih-i ꞌuntꞌoh.

James 2:12 Iomraidhean Croise

Luke 4:18

“Moodihti ooyughi ꞌi sulh ꞌuntꞌoh. ꞋI be ꞌutahasalhti, telꞌenne khuni unzoo-i bugha tisꞌalh ha. Oodzi undudane, ꞌenne nabutisyih ha butsꞌó whusasya. Mbene la ílchootne, bula nadutisnih. ꞋInkꞌez hoos̱ꞌenne, huhooꞌen nahutidleh. Mbene la dune ꞌaboꞌenne, cha donáꞌ butisdlelh.

John 8:32

ꞋInkꞌez ꞌet huwa ndi khuni ꞌalhaꞌ ꞌuntꞌoh-i tꞌenóhzin, ꞌinkꞌez ꞌi gha la ꞌaw ꞌon ꞌun ꞌulhnáne oolhleꞌ ꞌaítꞌoh.”

Galatians 6:2

ꞋIlhone ꞌahli ndet la nohba howa whulnaꞌ hoontsꞌi lhla oohtꞌen. ꞋEt de la Christ, ooghuni netlꞌa díltsꞌut-i, ookꞌuneꞌ tihtꞌen wheꞌ hoontꞌoh.

Philippians 4:8

Sulhutsinke ꞌudekꞌez nohdusni. Ndai la ꞌalhaꞌ ꞌuntꞌoh-i, ndai la kꞌus hóoncha-un, ndet la tsꞌihꞌun ꞌuhoontꞌoh-un cha, di la ootsun hooloh-i, di la ꞌuzooꞌ-i, ndet la ꞌet nduhoontꞌoh-un hoonzoo whe howu yatsꞌulhduk, ndi tsꞌiyawh nohba whudiztiꞌ-un, ꞌoh za howu nuni nahdeh.

Colossians 3:17

ꞋInkꞌez dahtꞌen nohghuni ꞌinkꞌez nohꞌeꞌutꞌen whe cha, Jesus neMoodihti booziꞌ, ꞌi be ndahtꞌen. ꞋInkꞌez ꞌen be Yakꞌusda neBá, ꞌen tsꞌun musi dahni.

James 1:25

ꞋEt hoontsꞌi Yakꞌusda ooghuni lhaidinla-i, ꞌi be lubeshi chꞌa naneulhti, soo cho hikꞌu yalhduk ꞌinkꞌez whunalhuhodulhnoh, ꞌinkꞌez daja ni ꞌahoolhyiz hukwꞌú neꞌhutꞌen de, ndutꞌenne, whuz unꞌa dude ꞌutꞌen kꞌoh huwa ꞌukꞌenus hoonzoo-un bugha whutaltsꞌulh.

James 2:8

Yakꞌusda nelerwe, ndi ooghuni netlꞌa ídanꞌai-i neba ꞌukꞌeyánguz-i, ꞌet njan ndutni, “Ntsꞌenꞌa la nohnichꞌoh kꞌenahsiꞌ, whuz unꞌa za ꞌuyoonne bukꞌeoohsiꞌ.” ꞋEt nduhtꞌen de, ꞌet sooꞌ hoontꞌoh.