James 2:1 - Yak'usda Ooghuni

¹ Sulhutsinke, neMoodihti Jesus Christ díztiꞌ-un, ꞌen nohba ꞌalhaꞌ ꞌuntꞌoh, ꞌet huwa khun te ndi yun kꞌut ꞌuyoon anus unzoo-un noohzin junih.

James 2:1 Iomraidhean Croise

Matthew 22:16

ꞋEt whe Phariseene bugha hodilhꞌeꞌne ꞌinkꞌez Herod didowhne cha, Jesus tsꞌe whebuhalhꞌaꞌ. ꞋEt nduhúyulhni, “Dune hodulhꞌeh-un tꞌetsꞌoninzun nyun tsꞌihꞌun dune ꞌintꞌoh ꞌinkꞌez khuni ꞌalha ꞌuntꞌoh-i be Yakꞌusda kꞌunꞌa dune hodilhꞌeh. Tsꞌiyanne mba lhgha ꞌintꞌoh. Dune dahótꞌen ꞌet hoontsꞌi mba ꞌantsꞌi ꞌuhoontꞌoh.

Acts 10:34

ꞋEt ꞌawet Peter yawhénilhduk whe ndutni, “Soo tsꞌihꞌun tꞌéooníszin ꞌet ꞌálhaꞌ hoontꞌoh ꞌalhgoh lhgha Yakꞌusda nenilhꞌen. ꞋAw ꞌilhoghun dune ꞌon nus yutsꞌúlh ditni-un hooloh.

Acts 20:21

Lizwifne ꞌinkꞌez ꞌudun yun kꞌut whutꞌenne ꞌalhgoh tube cho bugha dísniꞌ Yakꞌusda tsꞌun dudeni nahondunooleh, ꞌinkꞌez Jesus Christ neMoodihti ꞌen buba ꞌalhaꞌ yotꞌeꞌ.

Acts 24:24

ꞋEt dzoh lhat dzin inleꞌ whe Felix duꞌat Drusila bulh whúsainꞌaz, ꞌen cha Lizwif ꞌuntꞌoh. ꞋEt Paul hikunáwhulhꞌaꞌ, ntsꞌenꞌa la Christ ooba ꞌálhaꞌ ꞌuntꞌoh-un ꞌet huwun bubulh yálhduk, ꞌinkꞌez huyoozílhtsꞌai.

Acts 7:2

ꞋEt Stephen uyúlhni, “Sulhutsinke ꞌinkꞌez ꞌubákene soo zúlhtsꞌai! Netsodaꞌ-un Abraham ꞌawhuz Mesopotamia usda, Haran tsꞌe natidalh whutso whe, Yakꞌusda ootsꞌu ha yánduz-un, ꞌet oonalhtsꞌet ha hóoltsꞌut.

Romans 1:11

Tube nohtisꞌelh hukwaꞌ nuszun Jesus Christ be ꞌutꞌen bunóh huntistun ha. ꞋI gha la ulhtusne oohleꞌ ꞌinkꞌez ꞌaw oochꞌaz naóolhyeh ꞌaítꞌoh.

1 Corinthians 2:8

Ndi khuni neba whe ꞌuntꞌoh hooyoh, ꞌi ndi yun whumoodihne ꞌaw ꞌilhoghun daja ni tꞌeininzunne hooloh. ꞋEt ndi khuni neba whe ꞌuntꞌoh hooyoh tꞌehininzun de, ꞌet de neMoodihti whudiztiꞌ-un, ꞌen ꞌaw daꞌ tulalhgus kꞌelhúhiyilhtel ooleꞌ.

Colossians 1:4

Nohni nohbulh uzditsꞌo dahoontꞌoh whe Christ Jesus ꞌen nohba ꞌalhaꞌ ꞌuntꞌoh ꞌinkꞌez Yakꞌusda oochꞌeꞌ unline, ꞌenne tsꞌiyawh bukꞌehsiꞌ.

1 Timothy 1:19

Be ꞌalha ꞌuhoontꞌoh-i ꞌinkꞌez nyo tsꞌe oogha tꞌetsꞌoninzun-i ndi ꞌutꞌen wheni, ꞌi be soo ubontun. Whulohne bubeni toh yudizꞌai-i, ꞌi tsꞌiyawh hukwa lheꞌhunizun. ꞋEt huwa be buba ꞌalha ꞌuhoontꞌoh-i nintaꞌhonilhꞌen.

1 Timothy 5:21

Yakꞌusda cha, Jesus Christ neMoodihti cha, ꞌinkꞌez lizas ꞌutahalyane cha, ꞌenne tsꞌiyawh bunalh soo tsꞌihꞌun unꞌa nyudusni, ndi khuni be daja nyudasniꞌ ꞌet huwa ꞌilhiz ooleꞌ ontun. Ndai la ꞌutalhꞌelh-i, ꞌi tsꞌiyawh dune dachꞌe holeꞌ hukwꞌunꞌa ꞌoneh junih. ꞋInkꞌez ꞌaw ꞌilhoghun za kꞌentsiꞌ ꞌinkꞌez hoonli ootsꞌu nolhtꞌi junih.

Titus 1:1

Si Paul Yakꞌusda be ꞌulhna-un ꞌinkꞌez Jesus Christ ba whelꞌaꞌ-un usdli. Nyoonne Yakꞌusda buba ꞌalhaꞌ yintꞌohne, ꞌet wheni ꞌutahabanla. ꞋInkꞌez khuni ꞌalhaꞌ ꞌuntꞌoh-i tꞌehonozin ha Yakꞌusda ba ndi yun kꞌut uzdoltsꞌiꞌ ha.

Titus 2:13

ꞌet neYakꞌusda ꞌukꞌenus diztiꞌ-un, ꞌinkꞌez Jesus Christ neulhyis-un, ootsꞌu ha yánduz-i, ꞌet nenalhtsꞌet ha óotiltsꞌulh whutsꞌun, ndi ꞌukꞌenus hoonzoo-un huba tsꞌilhꞌi.

Hebrews 1:3

ꞋEn za ꞌuntꞌoh ooBá ye diztiꞌ-i, ꞌi whunénulhtun. ꞋInkꞌez ooBá dantꞌoh la, ꞌet ooYeꞌ ꞌen soo tsꞌihꞌun yundultꞌoh. ꞋUhóonla-un, ooghuni ulhtus-i be yalhduk-un, ꞌi be ndulcho hoontun. ꞋEn za ꞌuja, nelubeshi ꞌi tsꞌiyawh neba yunaꞌalhde. ꞋEt hukwꞌelhꞌaz ꞌet yakꞌuz tsꞌe Yoodoghun ncha-un, ꞌet nailhni tsꞌe yughu nátlꞌa didaꞌ.

Hebrews 12:2

Netso tsꞌe Jesus Christ uznoolhꞌen. ꞋAw ꞌen za neba bé ꞌalha ꞌuhoontꞌoh-un dantꞌoh la, ꞌen tsꞌihꞌun unꞌa whunénulhtun-un ꞌuntꞌoh. ꞋInkꞌez ndi yun kꞌut usda-un, ꞌet ye khuna-i, ꞌen dúwhulcho whe neba ꞌalha ꞌuhoontꞌoh-i neba lhaoodulhꞌih-un ꞌuntꞌoh. Nus de ye whúntalhni-i, ootsꞌu yíkulh, ꞌet huwa tulalhgus yulh ínyin inleꞌ. Yugha yooya suliꞌ-i ooba ꞌantsꞌi ꞌuhoontꞌoh inleꞌ. ꞋInkꞌez Yakꞌusda ookwꞌutsꞌuzda cho diztiꞌ-i, ꞌet naílhni tsꞌe huwun nátlꞌa didaꞌ.

James 1:16

Sulhutsinke ookꞌesiꞌne, nanoohtꞌah júnih!

James 1:19

ꞋEt huwa sulhutsinke ookꞌesiꞌne, ꞌilhone ꞌahli whe Yakꞌusda ooghuni soo ꞌa cho dohtsꞌo. Nánilhtsulyaz hukwꞌu nuní nulhzut whe yatulhdih. Khun te hunólhchꞌeh junih.

James 2:3

ꞋEt ndun oonaih unzoo-un hoonáhtꞌiꞌ whe, “Njan hoonzoo-un sinda,” dahni, ꞌinkꞌez telꞌen-un, ꞌen ꞌudahni, “Njan yun neke zih sinda kꞌus ꞌantsꞌi tedut ti ꞌet sinyin.”

James 2:9

ꞋEt hoontsꞌi ꞌilhoghun ꞌuyoon anus unzoo-un nahzun de, lubeshi ꞌahla whe ꞌahtꞌoh. ꞋEt whuz unꞌa ndi Yakꞌusda ooghuni netlꞌa ídanꞌai-i whunóhnulhtun khuni kꞌunyisne ꞌahli.

James 3:17

ꞋEt hoontsꞌi ndus de be whutnih-i, ꞌudechoo-i netsun hooloh neilhꞌi, ꞌinkꞌez nedzi dizghel cha yulhtsi, ꞌinkꞌez nánilhtsulyaz néꞌtsꞌutꞌen. ꞋEt whe ꞌuyoonne hukwaꞌ huninzun kꞌunꞌa bugha tsꞌúwhunle. Be teꞌ nudzun-i, cha ꞌuztitꞌelh, ꞌinkꞌez ꞌuyoonne ba cha ꞌutꞌen unzoo-i ꞌutsꞌoolhꞌen. ꞋInkꞌez tsꞌiyanne lhgha za nebutsꞌoolhꞌen, ꞌinkꞌez ꞌaw nawh lheꞌtsꞌunizun whe neꞌtsꞌootꞌen.

2 Peter 1:1

Si Simon Peter Jesus Christ ꞌen beꞌ ꞌulhna-un ꞌinkꞌez whelꞌaꞌ-un cha usdli. NeYakꞌusda neulhyis-un Jesus Christ, ꞌen ye tsꞌihꞌun unꞌa ꞌuntꞌoh-i, ꞌi be njan be ꞌalha ꞌuhoontꞌoh-i díztiꞌ-i, nohni cha ꞌinkꞌez wheni cha ꞌalhgoh neghaltsꞌut. ꞋEt huwun nohtsꞌo kꞌeꞌusges.

Jude 1:16

Nduntꞌohne, ꞌenne tsanukhuni huldilhne, ꞌinkꞌez whunílhcho whe buba dzoh hinli. Buyustꞌe nintꞌi tsꞌe hidulh. Khuni ncha-i be yahalhduk. ꞋEt whe hoonzoo hukwꞌunꞌa dune ghu yahalhduk ꞌet whe whuchꞌa nohotálhdoh hukwa hutitꞌelh.

Revelation 14:12

ꞋEt hoontsꞌi Yakꞌusda oochꞌeꞌne, Yakꞌusda dughuni netlꞌa idanꞌai howa whulnaꞌ hoontsꞌi whulh huzyin whe Jesus Christ ooba ꞌalhaꞌ yintꞌohne, ꞌenne ꞌuhintꞌoh.