James 1:6 - Yak'usda Ooghuni

⁶ Mbene la yoodulkutne, bé ꞌalha ꞌuhoontꞌoh-i be hudoontni. Khun te buba nawh ꞌuhotꞌeꞌ junih. Mbene ooba nawh ꞌuhoontꞌohne, nilhtsꞌi too bubulh nudutun leꞌ hintꞌoh.

James 1:6 Iomraidhean Croise

Genesis 49:4

Too nudutunne ootꞌa niuznootan ꞌaitꞌoh. ꞋAw hoonzoo lhotuzanꞌel mbá oolili kꞌut ꞌet inteꞌ ꞌinkꞌez whudutsun whuzilhtsi. Ndai la ookꞌosteꞌ-i ꞌi ookwꞌut inteꞌ ꞌet huwa.

Matthew 14:28

Peter yoodulhkut, “SMoodihti ꞌalha nyun ꞌintꞌen de, too kꞌut ntsꞌu toosyaꞌ-un stlꞌa hóonꞌaih.”

Acts 10:20

Dunadindaih ꞌinkꞌez nyo naíndalh. Buchꞌa tsédoni junih bubulh ꞌútanelh, si whuz whebísꞌaꞌ wheꞌ hutꞌen,” yúlhni.

Ephesians 4:14

ꞋAw ꞌon ꞌun tsꞌoodunne kꞌunꞌa lheꞌtsꞌoostꞌeꞌ ꞌet huwa. Dune buka hóodilhtsꞌi nabontiꞌah ha. Lhentsꞌun unꞌa dune hubohodulhꞌeh, ꞌi be ꞌantsꞌi nilhtsꞌi kꞌunꞌa lhelh tsꞌu náhutukuk leꞌ hutꞌen.

1 Timothy 2:8

ꞋEt huwa ndi yun kꞌut ndulcho whe dunene tenahudoodli. ꞋEt bula lubeshi ooghu hooloh whe dodolnih. ꞋAw huske bubeni toh hooloh ꞌinkꞌez buba nawh lheꞌhostꞌeꞌ whe tenahudoodli. ꞋEt whuz unꞌa buba hukwaꞌ nuszun.

Hebrews 10:23

Ooka tse tsꞌúhooli-un, ꞌet neba ꞌalha ꞌuhoontꞌoh tsꞌutni, khun te neba nawh huhotꞌeꞌ junih ꞌinkꞌez soo cho tsꞌuhotun. Mbe netsꞌéꞌ oozi-un, ꞌen ꞌaw nela dootnih ꞌaitꞌoh ꞌet huwa.

Hebrews 11:6

Bé ꞌalha ꞌuhoontꞌoh-i, ꞌi ooyit de, ꞌaw Yakꞌusda ooba dzoh tsꞌoozooꞌ ꞌaitꞌoh. Mbene Yakꞌusda tsꞌun hutidulh hukwaꞌ huninzun, Yakꞌusda hoonli wheꞌ hoontꞌoh, ꞌet buba ꞌalhaꞌ hotꞌeꞌ hubaꞌ hoontꞌoh. ꞋInkꞌez soo tsꞌihꞌun dudzi huwaꞌ hooli whe hikꞌoh tsꞌe hukwa hítisꞌenne, ꞌenne za buba ꞌukꞌelha whutilhtselh.

Hebrews 13:9

Lhelhtsꞌun unꞌa ꞌinkꞌez hoontsiꞌ hukwꞌunꞌa dune hohodulhꞌeh, ꞌenne buboozólhtsꞌaiꞌ ꞌinkꞌez bukꞌuneꞌ oohtꞌen junih. Ndai lizwifne huyaꞌalh-i, ꞌi ꞌantsꞌi unli whe ꞌuntꞌoh. Mbene bukꞌunꞌa ꞌutꞌenne, ꞌaw bula ꞌeꞌwhudóneꞌ ꞌaitꞌoh. ꞋEt huwa ye unzoo-i, ꞌi be whuz unꞌa nedzi dizꞌai de, ꞌet de za tsꞌihꞌun ꞌuhoontꞌoh.

James 1:7

Nduntꞌohne dune khun te neMoodihti ꞌaw hoonli-unyaz bugha óotaꞌalh hunoozin junih!

James 5:15

ꞋInkꞌez be ꞌalha ꞌuhoontꞌoh-i bulh tenahudoodli. ꞋEt de nduda-un soo naꞌootneh. ꞋEt de la neMoodihti do náꞌyooleh. Lubeshi ꞌutꞌi de, ꞌi yuba whunawhudoolnoh.

2 Peter 2:17

ꞋEt ndunne nduntꞌohne, ꞌenne ꞌantsꞌi too kꞌet naoodizgih whunduhúltꞌoh. ꞋEt ndo kwꞌus búlh nodultsꞌut, leꞌ uhintꞌoh. Soo ntsꞌe la tsahólhgus ꞌinkꞌez múgaih hoonli, ꞌet ꞌilhiz wheni ꞌet buba ꞌudun whuzꞌai.