James 1:3 - Yak'usda Ooghuni

³ Tꞌewhunáhzun Yakꞌusda ootꞌa ninahtan whe lhelhtsꞌun unꞌa dzoh nahdeh, ꞌet whuz unꞌa hodoolhꞌeh soo ulhtus whe núdolhyaꞌ ꞌet huwa.

James 1:3 Iomraidhean Croise

Luke 21:19

Yakꞌusda ba soo cho núdulhya. ꞋI gha la nohzul ohtun.”

Romans 15:4

Ndet ꞌudaꞌ Yakꞌusda be ꞌudustlꞌus kꞌut ꞌukꞌehóoguz-un oogha whútsꞌo doolꞌeh ha ꞌukꞌéguz. ꞋEt whe ndet la Yakꞌusda netsꞌu hoozi-un ꞌi ooba tsꞌilhꞌi ꞌinkꞌez ooba tsꞌilhꞌi zaꞌ tsꞌintꞌoh.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

Romans 8:25

ꞋEt hoontsꞌi Yakꞌusda ndi netsꞌú hoozi-un ꞌawhuz lhtsꞌúhoosꞌen de, ꞌalhaꞌ hukwa tse tsꞌúholeꞌ zaꞌ tsꞌootꞌeꞌ.

Romans 8:28

ꞋEt huwa tꞌetsꞌonínzun mbene la Yakꞌusda kꞌensíꞌne tsꞌiyantsuk hoonzoo kꞌunꞌa za buba whulhih. ꞋEnne ꞌuhintꞌoh, Yakꞌusda dutijih ha bukaꞌ daníꞌne hinli.

2 Corinthians 4:17

ꞋEt ndet la hóontsiꞌ-un neghá whunkat-un, ꞌet ꞌatsulyaz za neba ꞌuwhutꞌih ꞌet huwa. ꞋEt neba ꞌantsꞌi leꞌ ꞌuhoontꞌoh. ꞋEt kꞌus ndi be hóontsiꞌ-un neghá whunkat, ꞌet ꞌi be ꞌon nus neba be óodiztiꞌ-i neba yulhtsi. ꞋInkꞌez ndi be óodiztiꞌ-i, ꞌilhiz wheni ꞌuyínla.

Colossians 1:11

Ye ulhtus-i diztiꞌ-i, tsꞌiyawh ꞌi be ꞌon nus ulhtus óohle. ꞋInkꞌez hoonáhtꞌiꞌ whe soo hoonli talhodahni ꞌinkꞌez dzoh nahdeh-un whulh nudulhya.

2 Thessalonians 1:4

ꞋEt huwa ꞌonghohne Yakꞌusda ba ꞌilhunaoodulhne, ꞌet huwun ꞌukꞌenus nohba tsꞌuhóontꞌiꞌ nohni nohghun. Dune dzoh nunohulhdeh ꞌinkꞌez howa whulnaꞌ-un nohghá whunkat-un, ꞌet hoontsꞌi ooba ꞌalha ꞌuhoontꞌoh-i, ꞌi be ndai la be nohba whutsꞌulhdáhni whe whulh nudulhya.

2 Thessalonians 3:5

Yakꞌusda ye nékꞌensiꞌ-i ꞌinkꞌez Christ hoolhtus whe usyin-un, ꞌet whuz unꞌa nducha neMoodihti nohdzi wheínulhtun.

Hebrews 10:36

ꞋEt njan ꞌet tsꞌiyawh oola doohtnih junih! ꞋEt Yakꞌusda nohtsꞌu hukwaꞌ ninzun-un, lhaoodihla de, ꞌet nóhtsꞌu nahizya-un, ꞌet nohgha whútakulh.

Hebrews 12:1

ꞋEt huwa nohdutásnelh, ndunne bughun nohdásniꞌne, ꞌenne Yakꞌusda be ꞌutꞌen kꞌoh whunénulhtunne. Huldlai kꞌet, nenat ndúlcho ꞌantsꞌi kwꞌus leꞌ hintꞌoh. ꞋEt huwa neba ndaz-i kꞌoh nenilhtꞌi-i, ꞌinkꞌez lubeshi ꞌaw huwa lhúhoolnaꞌ whe neilhchuk, ꞌi tsꞌiyawh ꞌun tsꞌutoolhdilh. Yakꞌusda ba lhghu naztulwus-i, ꞌi nebut néwhultsꞌut-i, nelhtsꞌunisi whe uztoolghas.

Hebrews 6:12

ꞋInkꞌez tsedahtni oohleꞌ junih. ꞋEt kꞌus ndai Yakꞌusda whe netsꞌu náhizya-un, ꞌet mbene bé ꞌalha ꞌuhoontꞌoh-i ꞌinkꞌez saꞌ huba whulh huzyin whe ꞌenne bugha ítaꞌalh whutsꞌun, ꞌet nohni cha ꞌenne bukꞌunꞌa oohtꞌen.

1 Peter 1:7

ꞋEt whuz unꞌa whe nohba ꞌalha ꞌuhoontꞌoh-un, ꞌet nohba ꞌon nus hoonzoo tileh. Gold kwun ꞌi be ꞌuzooꞌ huyulhtsi, ꞌet whe soo tsꞌihꞌun oozai za lhih, ꞌet hoontsꞌi ꞌi cha hooloh tileh. Nohba ꞌalha ꞌuhoontꞌoh-un gold anus whudíztiꞌ wheꞌ hoontꞌoh. Whuz unꞌa za ndet dzin Jesus Christ nenalhtsꞌet be hóodiltsai de, ꞌet de bé nohba ꞌalha ꞌuhoontꞌoh-un huwa Jesus Christ nohba whudutálhtiꞌ, ꞌinkꞌez nohba hooncha tileh.

2 Peter 1:6

Hoontsiꞌ-un whuchꞌa khohdleꞌ, ꞌinkꞌez howa whulnaꞌ hoontsꞌi whulh oohyin. ꞋAhoolhyiz Yakꞌusda ooghu nuní noohzut, ꞌinkꞌez ooba whudólhtiꞌ.