James 1:26 - Yak'usda Ooghuni

²⁶ Mbene la nohtoh Yakꞌusda ba neꞌhutꞌen huninzun, ꞌet hoontsꞌi ꞌaw dughuni gha lhéꞌoolihne, dichꞌoh naꞌhundunutꞌah. ꞋEt ꞌantsꞌet nduntꞌohne Yakꞌusda ba hutꞌen-un, ꞌet ꞌaw hoonli lhuhóoloh.

James 1:26 Iomraidhean Croise

Matthew 15:9

Ndunne ꞌantsꞌet stsꞌun teni ꞌuhunoolhzin. ꞋI Yakꞌusda ooghuni netlꞌa idanꞌai-i ꞌi kꞌunꞌa dune khuni be whubohodulhꞌeh.’”

Mark 7:7

Stsꞌun téni hunilhdzun doo ka ꞌuhutni, ndi yun kꞌut dune yugha néꞌulhꞌai-i, ꞌi Yakꞌusda ooghuni huyilhꞌi whe dune whubuhodulhꞌeh’.”

Luke 8:18

ꞋInka howahli ntsꞌenꞌa la khuni dutáhtsꞌo. Hoontsool-unyaz tꞌehonínzunne, ꞌon nus lhat-un tꞌe honínzun-un, ꞌet bugha whútaltsꞌulh. ꞋInkꞌez mbene la hoonli tꞌewhunúszunne, hoontsool-unyaz hoditsꞌo, ndai la ꞌaw ꞌi huyutꞌi-i huninzun, ꞌi hoontsꞌi bughu nayitálchulh.”

1 Corinthians 15:15

ꞋEt yaidlane dunalhodídulh de, Christ ꞌen cha ꞌaw dunalhdídal. ꞋInkꞌez wheni cha Yakꞌusda ghun whutsꞌit be yaztilhduk wheꞌ hoontꞌoh. ꞋEt tsꞌiyanne toh be hóodiltsai, wheni ꞌutsꞌutni Yakꞌusda ꞌen gha Christ nahítnah whe dunadija ꞌet huwa.

1 Corinthians 15:2

ꞋInkꞌez ndi khuni be nohbulh yásduk-i, ꞌi soo cho oohtun de, ꞌet ꞌi be dahjih. ꞋEt hoontsꞌi nohba ꞌalhaꞌ lheꞌhootꞌoh de, ꞌaw ookꞌedóohjih ꞌaítꞌoh.

1 Corinthians 3:18

Khun nyunchꞌoh naꞌdunontꞌah junih. ꞋEt nohtoh ꞌilhoghun ndi yun kꞌut ye whunih-i be dune whunih naꞌdunudzun de, ꞌet de dichꞌoh ndi yun kꞌut whusni hininzun-i, whuz unꞌa naꞌdudooltselh hubaꞌ hoontꞌoh. ꞋEt whe tsꞌihꞌun unꞌa whunih-un dune utileh.

Galatians 2:6

ꞋEt ndunne nchane unli butsꞌutni, ꞌenne lhgha za ubunusꞌen. Mbe hinli ꞌet hoontsꞌi sba dalhúhitꞌoh. Yakꞌusda nalh lhgha za ꞌutsꞌintꞌoh ꞌet huwa.

Galatians 2:9

ꞋInka James, Cephas, ꞌinkꞌez John, ꞌenne butsꞌutni keyoh whuduchun unline, ꞌenne ndi ye unzoo-un ꞌet stlꞌa hónꞌai, ꞌet tsꞌihꞌun unꞌa tꞌehonanzin, ꞌet de Barnabas ꞌinkꞌez si cha ꞌet huwa nela nahúzꞌai. ꞋEt whuz unꞌa tsꞌiyanne whúbuznilhtan, wheni ꞌinkꞌez James, Cephas ꞌinkꞌez John te lhulh ꞌutsꞌintꞌoh za búznidulh. Wheni ꞌudun yun kꞌut whutꞌenne butsꞌúztidulh, ꞌinkꞌez ꞌenne Lizwifne butsꞌu hutidulh.

Galatians 3:4

Nohni lhat-un whe dzoh nusahde wheꞌ hoontꞌoh. ꞋEt ndúwhulcho whe ꞌantsꞌi ꞌuhoontꞌoh nahzun eh? ꞋEt ntsꞌenꞌa ꞌantsꞌi nohba ꞌuwhutátꞌelh!

Galatians 6:3

Mbe la hoonli ꞌustꞌoh naꞌdunudzun-un, ꞌen dichꞌoh naꞌdunutꞌah. ꞋAw hoonli lhiloh whe ꞌuntꞌoh ꞌet huwa.

Ephesians 4:29

Khuni ntsiꞌ-i be yaoolhduk junih. ꞋEt khuni unzoo-i hiye yalhduk-i, ꞌi be ꞌon nus hilhtus hutileh, ꞌi be yalhduk. ꞋEt de la mbene la nohoozílhtsꞌaine, ꞌenne buba hootázooꞌ.

Ephesians 5:4

ꞋEt ndai la dutsun-i ꞌinkꞌez la hootꞌoh-i be yatsꞌulhduk. Hoontsiꞌ whe dlo kꞌunezduniꞌ-un cha, ꞌet tsꞌiyawh ꞌaw whuz unꞌa nohba lheꞌhóotꞌoh. ꞋEt kꞌus tube cho Yakꞌusda tsꞌun musi dahni.

Colossians 4:6

ꞋAhoolhyiz nohghuni unzoo-i be bubulh yaoolhduk. ꞋEt huwa tꞌeoonóhzin buba hootazooꞌ kꞌunꞌa, ꞌet ꞌilhoghun hinli whe bubulh yátilhduk.

James 1:19

ꞋEt huwa sulhutsinke ookꞌesiꞌne, ꞌilhone ꞌahli whe Yakꞌusda ooghuni soo ꞌa cho dohtsꞌo. Nánilhtsulyaz hukwꞌu nuní nulhzut whe yatulhdih. Khun te hunólhchꞌeh junih.

James 1:22

Yakꞌusda ooghuni daja ni la, whuz unꞌa ookꞌuneꞌ oohtꞌen. ꞋAntsꞌi oozúlhtsꞌai iloh. ꞋEt ndahtꞌen de, nohnichꞌoh naꞌdunahtꞌah whé ꞌahtꞌen.

James 2:20

ꞋEt nyun tube whuzini! ꞋAwhuz eh tꞌeóonuzínzun? ꞋUtꞌen yit de, be ꞌalha ꞌuhoontꞌoh-i, ꞌaw hoonli lhiloh whe ꞌuntꞌoh.

1 Peter 3:10

Khuni ꞌukꞌehonguz whe njan ndutni, “Mbene la ꞌandit khuna-un hóontꞌiꞌne ꞌinkꞌez dzin totsuk ba hoonzoone, ꞌet nduntꞌohne mbene la ꞌet whuz unꞌa hukwaꞌ ninzunne, ꞌenne hoontsiꞌ túnulheꞌhudoosnih, ꞌinkꞌez khuni whutsꞌit-i be yalhuhoolhduk.