James 1:22 - Yak'usda Ooghuni

²² Yakꞌusda ooghuni daja ni la, whuz unꞌa ookꞌuneꞌ oohtꞌen. ꞋAntsꞌi oozúlhtsꞌai iloh. ꞋEt ndahtꞌen de, nohnichꞌoh naꞌdunahtꞌah whé ꞌahtꞌen.

James 1:22 Iomraidhean Croise

Matthew 12:50

ꞋEt huwa sBá ꞌen yakꞌuz usda, yukꞌuneꞌ ꞌutꞌen-un, ꞌen sulhutsin, sulhtus, ꞌinkꞌez sloo ꞌuhintꞌoh!”

Matthew 28:20

Khuni nohtlꞌa dísꞌai-i, tsꞌiyawh hikꞌuneꞌ ootꞌen-un hubodoolhꞌeh. ꞋInkꞌez soo zulhtsꞌai, dzin whula toh lhaooduja de, ꞌet whutsꞌun ꞌahoolhyiz nohbulh ꞌútistꞌelh wheꞌ hoontꞌoh.” ꞋEt ndo honeh.

Luke 11:28

ꞋEt hoontsꞌi Jesus ꞌuyulhni, “ꞋEt ꞌon nus hooncha-un ꞌuhoontꞌoh, mbe Yakꞌusda ooghuni yuditsꞌone ꞌinkꞌez yoontunne, ꞌukꞌenus hoonzoo-un bubulh ꞌuhooja!”

John 13:17

ꞋEt noheni be tꞌéwhunáhzun de daja nohdásniꞌ, ꞌinkꞌez danóhusdla la, ꞌet nohni cha whuz unꞌa ꞌahtꞌen de, ꞌet de tube hootáhtꞌeꞌ.

Romans 2:13

Mbene la Moses be ꞌudustlꞌus ꞌantsꞌet yoozílhtsꞌaine, ꞌaw Yakꞌusda ba tsꞌihꞌun lheꞌhítꞌoh. ꞋEt hoontsꞌi mbene la Moses be ꞌudustlꞌus hikꞌúneꞌ ꞌustꞌenne, ꞌenne nintaꞌhuntꞌen-un Yakꞌusda buba gak whutilhtselh.

1 Corinthians 15:33

Nanoohtꞌah junih! Ntsiꞌne bubulh ꞌahtꞌen de, ꞌet de nohꞌeꞌutꞌen kꞌoh hoonzoo-un tsꞌiyawh nintaꞌtitꞌelh.

1 Corinthians 3:18

Khun nyunchꞌoh naꞌdunontꞌah junih. ꞋEt nohtoh ꞌilhoghun ndi yun kꞌut ye whunih-i be dune whunih naꞌdunudzun de, ꞌet de dichꞌoh ndi yun kꞌut whusni hininzun-i, whuz unꞌa naꞌdudooltselh hubaꞌ hoontꞌoh. ꞋEt whe tsꞌihꞌun unꞌa whunih-un dune utileh.

1 Corinthians 6:9

ꞋAw tꞌeoonuzahzun Yakꞌusda whe lerwe unli-un, ꞌet mbe tsꞌihꞌun lheꞌitꞌohne, ꞌenne ꞌaw bugha lhuhootasꞌal? Khun nohnichꞌoh naꞌdunoohtꞌah junih! Mbe dune tsꞌeke bulh lubeshi ꞌulhꞌenne, kꞌus ꞌukꞌeltsi ooba ꞌalhaꞌ ꞌuntꞌohne, kꞌus mbene la lhghu dilhtsꞌine lubeshi tsꞌu nintꞌine hinli, kꞌus dudulh dunene hoontsiꞌ kꞌunꞌa bulh nintaꞌutꞌihne ꞌinkꞌez tsꞌekoo dudulh tsꞌekoo bulh nintaꞌutꞌihne,

Galatians 6:3

Mbe la hoonli ꞌustꞌoh naꞌdunudzun-un, ꞌen dichꞌoh naꞌdunutꞌah. ꞋAw hoonli lhiloh whe ꞌuntꞌoh ꞌet huwa.

Galatians 6:7

Khun nanoohtꞌah junih. ꞋAw Yakꞌusda ooghohdloh ꞌaitꞌoh. ꞋEt ndai la dune ꞌainulih-i, ꞌi za ha yuntilelh whe ꞌuntꞌoh.

Philippians 4:8

Sulhutsinke ꞌudekꞌez nohdusni. Ndai la ꞌalhaꞌ ꞌuntꞌoh-i, ndai la kꞌus hóoncha-un, ndet la tsꞌihꞌun ꞌuhoontꞌoh-un cha, di la ootsun hooloh-i, di la ꞌuzooꞌ-i, ndet la ꞌet nduhoontꞌoh-un hoonzoo whe howu yatsꞌulhduk, ndi tsꞌiyawh nohba whudiztiꞌ-un, ꞌoh za howu nuni nahdeh.

Colossians 3:17

ꞋInkꞌez dahtꞌen nohghuni ꞌinkꞌez nohꞌeꞌutꞌen whe cha, Jesus neMoodihti booziꞌ, ꞌi be ndahtꞌen. ꞋInkꞌez ꞌen be Yakꞌusda neBá, ꞌen tsꞌun musi dahni.

2 Timothy 3:13

ꞋEt dune ntsiꞌne, ꞌuyoon naꞌdudilꞌíne, ꞌenne ꞌon nus hintsiꞌ tileh ꞌinkꞌez ꞌon ꞌun cha hintsiꞌ hutileh. ꞋEt ꞌuyoonne nahuntiꞌah ꞌinkꞌez dichꞌoh cha naꞌhunduntitꞌah.

Titus 3:3

Wheni cha whuz unꞌa za tsꞌuwhusni ínleꞌ. Khuni kꞌunulheꞌtsꞌustꞌen. Naznutꞌah. Lhelhdun tsꞌuhóontꞌiꞌ whe hoontsiꞌ te neꞌtsꞌustꞌen. Tsꞌintsiꞌ whe ndi yun kꞌut ꞌuzdáltsꞌiꞌ, ꞌinkꞌez ꞌoonih bulh chaꞌ ꞌutsꞌantꞌeꞌ. ꞋUyoonne tsꞌuzdutni ꞌinkꞌez tsꞌiyawh lhtsꞌuzdutni.

James 1:26

Mbene la nohtoh Yakꞌusda ba neꞌhutꞌen huninzun, ꞌet hoontsꞌi ꞌaw dughuni gha lhéꞌoolihne, dichꞌoh naꞌhundunutꞌah. ꞋEt ꞌantsꞌet nduntꞌohne Yakꞌusda ba hutꞌen-un, ꞌet ꞌaw hoonli lhuhóoloh.

James 4:11

Sulhutsinke lhdulhyoh yaoolhduk junih! Mbe dulhutsin dulhyoh yalhduk-un ꞌinkꞌez yuba nahizya de, ꞌen Yakꞌusda dughuni netlꞌa ídanꞌai-i, ꞌi yudulhyoh yalhduk whe ꞌutni. ꞋI ba nus unzoo naꞌdunúdzun. ꞋEt ndintꞌen de, ꞌaw Yakꞌusda khuni netlꞌa ídanꞌai-i, ꞌaw kwꞌunulheꞌzintꞌen, ꞌantsꞌi Yakꞌusda kꞌunꞌa nahiyilh-un ꞌintꞌoh naꞌduníndzun.

James 4:17

ꞋEt huwa mbe tꞌehoninzun tsꞌihꞌun unꞌa neꞌhootꞌen hubaꞌ hoontꞌoh, ꞌinkꞌez ndulhúhustꞌen de, ꞌet de ooba lubeshi ꞌuhoontꞌoh.

2 Peter 2:13

Buyustꞌe whutsꞌu níntꞌi-un ꞌahoolyiz ꞌet za ꞌuhúwhulhꞌen. Tsꞌihꞌun lheꞌhootꞌoh tuneꞌ hustꞌen-un, ꞌet hukwꞌelha buba ꞌukꞌelha whutaleh. Nohtoh bukaya hoonli. Tube huhoontꞌiꞌ whe nanohonaꞌah ꞌet whulh hulhgha nohla ꞌuhaꞌalh.

1 John 1:8

ꞋAw lubeshi lhtsꞌitꞌih tsꞌutni de, naꞌuzdunutꞌah ꞌinkꞌez khuni ꞌalhaꞌ ꞌuntꞌoh-i neghu hooloh.

1 John 2:3

Khuni netlꞌa idanꞌai-i ookꞌuneꞌtsꞌutꞌen de, ꞌet whuz unꞌa tꞌetsꞌonínzun ꞌi gha Jesus Christ tꞌezninzun.

1 John 3:7

Tsꞌoodunneyaz ꞌuyoon nanohnooꞌah junih. Mbe la tsꞌihꞌun neꞌutꞌen-un, ꞌen tsꞌihꞌun ꞌuntꞌoh. Dantꞌoh la Jesus Christ tsꞌihꞌun ꞌuntꞌoh, whuz unꞌa nduntꞌoh whé ꞌuntꞌoh.

3 John 1:11

Ookꞌesiꞌ-un ndai la ntsiꞌ-i bunéꞌontꞌen junih. Unzoo-i za bunéꞌontꞌen. Mbe ꞌutꞌen unzoo-i ꞌulhꞌen-un, ꞌen Yakꞌusda bulh ꞌuntꞌoh. ꞋEt hoontsꞌi mbe tankꞌus ꞌutꞌen-un, ꞌen ꞌaw Yakꞌusda lhíꞌel whe ꞌuntꞌoh.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 22:7

“Soo zilhtsꞌai, nilhdukw whusatísyalh. Ndi ꞌudustlꞌus ꞌi kꞌut khuni be nus hootꞌen-i, mbene huyoontun de, tube ꞌukꞌenus hoonzoo-un bugha whútaltsꞌulh.”