James 1:21 - Yak'usda Ooghuni

²¹ ꞋEt ꞌinka tsꞌiyai whudutsun kꞌunꞌa neꞌahtꞌen, ꞌinkꞌez lhat-un whe tankꞌus unꞌa ꞌahtꞌen-un, ꞌet ꞌi tsꞌiyawh whula doohtnih. ꞋInkꞌez Yakꞌusda ooghuni nohyudánde-i, ꞌi nohdzi yo úlhdzun whe ólhchoot. Ndi khuni ꞌi be za nohtilhyih.

James 1:21 Iomraidhean Croise

Matthew 5:5

Yo údudildzunne, ꞌenne ndi yun kꞌut buchꞌeꞌ whutaleh ꞌet huwa ꞌukꞌenus hoonzoo-un bugha whultsꞌut.

John 6:63

Ndoni ꞌen ꞌutꞌen yinka duneꞌne ꞌilhiz huhutinalh-un bugha whuꞌaih. Dune yustꞌe ꞌaꞌalh-un, ꞌaw hoonli lhuhooloh wheꞌ hoontꞌoh. Ndi khuni be nóhbulh yasduk-i, ꞌi be la ꞌilhiz wheni huhutinalh.

John 6:68

ꞋEt Simon Peter uyúlhni, “NeMoodihti, mbe suba ootsꞌuztoodilh? Nyun za khuni ꞌilhiz wheni be tsꞌúkhuna-i ꞌintꞌi,

Acts 10:33

ꞋEt huwa ꞌaho nka whenáhoosꞌaꞌ, ꞌinkꞌez soo ꞌínja netsꞌu whúsainya. ꞋInkꞌez njan ꞌawet tsꞌiyawh Yakꞌusda bulh ꞌútsꞌintꞌoh mba tsꞌilhꞌi dája neMoodihti huwá nyulhꞌa-un huwun nebulh yátalhduk.”

Acts 13:26

ꞋEt Paul ꞌon ꞌun ubúlhni, “Sulhutsinke, Abraham ekédinzutne, ꞌinkꞌez ꞌudun yun kꞌut whutꞌenne, mbene la Yakꞌusda tsꞌun tenadudline, nohni tsꞌiyawh, wheni cha, ndi khuni ꞌi netilhyis wheni netsꞌó tlꞌa diltsꞌut.

Romans 1:16

ꞋI khuni unzoo-i Christ ooghun ꞌaw hukwaya lhusdloh whe be yásduk. Yakꞌusda ye ulhtus-i ꞌuntꞌoh ꞌinkꞌez ꞌi gha Lizwifne kꞌus ꞌudun yun kꞌut whutꞌenne buba ꞌalha ꞌuhoontꞌoh de, ꞌet de hudutijih.

Romans 11:17

ꞋEt ndi duchun unzoo-i oolohkhi oozischum kꞌunúdistuk. ꞋEt nohni ꞌudun yun kꞌut whutꞌenne, ꞌet duchun ꞌoh núnilhyeꞌ-i olive duchun huyúlhni, ꞌi leꞌ ꞌahtꞌoh. ꞋEt ndet la oozischum kꞌunúdistuk-un ꞌet nohni hikꞌenánohdanla. ꞋEt huwa ndi duchun ooghih gha ꞌinkꞌez ookꞌunih unzoo-i nohchꞌeꞌ suliꞌ.

Romans 6:17

ꞋInkꞌez sulhutsinke tube nohba hoonústꞌiꞌ ꞌet huwa Yakꞌusda, “Musi,” dusni. Niz de lubeshi be ꞌulhna ulhi ínleꞌ, ꞌet hoontsꞌi nohdzi ndulcho-i be ndet la whunoh hodalhꞌeꞌ-un hukwꞌúneꞌ zuhtꞌen.

1 Corinthians 15:2

ꞋInkꞌez ndi khuni be nohbulh yásduk-i, ꞌi soo cho oohtun de, ꞌet ꞌi be dahjih. ꞋEt hoontsꞌi nohba ꞌalhaꞌ lheꞌhootꞌoh de, ꞌaw ookꞌedóohjih ꞌaítꞌoh.

2 Corinthians 7:1

ꞋEt huwa ookꞌesiꞌne soo zúlhtsꞌai, ndi yé netsꞌu nahizya-i, ꞌi neghun hoonli. ꞋEt huwa neyustꞌe ꞌinkꞌez neyughi ꞌi ndai lubeshi be dutsun suliꞌ, ꞌi tsꞌiyawh bunaꞌtsꞌoolhdeh. Yakꞌusda ꞌen bé uznuljut huwa ꞌet ꞌi be ndi lubeshi ooghu hooloh-un, tsꞌooleꞌ.

Ephesians 1:13

ꞋEn be khuni ꞌalhaꞌ ꞌuntꞌoh-i dáhtsꞌo. ꞋEt Jesus Christ nohba ꞌalhaꞌ ꞌuja. Ndi khuni, ꞌi gha duhjih. Jesus Christ hukwꞌelhꞌaz nohba ꞌalhaꞌ ꞌuja, ꞌet Ndoni, netsꞌú yoozi-un, ꞌen be nohehóodatꞌen Yakꞌusda oochꞌeꞌ suhliꞌ.

Ephesians 4:22

ꞋEt ꞌudaꞌ datsꞌintꞌoh la inleꞌ, ꞌet tsꞌiyawh ꞌetsul ꞌuwhahleh ꞌinkꞌez chꞌaz whúnulhtꞌi. ꞋEt nduhoontꞌoh-un, ꞌet tsꞌiyawh tube hoontsiꞌ wheꞌ hoontꞌoh. Ndet la whutsꞌu náhtꞌi-un, ꞌet whe nanihtꞌa.

Ephesians 4:25

ꞋEt huwa ꞌilhone ꞌahli whahtsꞌit-un ꞌetsul ꞌudóhnih! ꞋInkꞌez ꞌandit whutsꞌun ꞌilhone ꞌahli whe nohenghoh whutꞌine bulh, ꞌenne cha khuni ꞌalhaꞌ ꞌuntꞌoh-i, ꞌi be bubulh yaoolhduk, tsꞌiyawh ꞌilhoh didowhne tsinli, ꞌet huwa.

Ephesians 5:4

ꞋEt ndai la dutsun-i ꞌinkꞌez la hootꞌoh-i be yatsꞌulhduk. Hoontsiꞌ whe dlo kꞌunezduniꞌ-un cha, ꞌet tsꞌiyawh ꞌaw whuz unꞌa nohba lheꞌhóotꞌoh. ꞋEt kꞌus tube cho Yakꞌusda tsꞌun musi dahni.

1 Thessalonians 1:5

ꞋEt neghuni unzoo-i, ꞌaw khuni za iloh unli whe nohtlꞌa díltsꞌut. ꞋEt hoontsꞌi be hoolhtus-i be ꞌinkꞌez Ndoni gha cha, ꞌet nohtlꞌa díltsꞌut. ꞋEt ntsꞌenꞌa nohtlꞌa díltsꞌut ꞌet whe la tꞌeoonuhzun ndi khuni ꞌi tsꞌihꞌun unꞌa ꞌuntꞌoh. ꞋEt huwa ꞌoh daꞌ nohtoh uzdilhtsꞌi whe nohni nohba dantꞌohne dune tsinli, ꞌet tsꞌiyawh tꞌeoonáhzun.

1 Thessalonians 2:13

ꞋEt huwa wheni negha Yakꞌusda ooghuni dáhtsꞌo ꞌet tsꞌiyawh hoonáhtꞌiꞌ whe ulhchoot. Yinka dune ghuni iloh kꞌunꞌa úlhchoot. ꞋAlhaꞌ hoontꞌoh Yakꞌusda ooghuni ꞌuntꞌoh. Ndi khuni ꞌi be ꞌon nus ulhtus nóhulhtsi. Nohni ooba ꞌalhaꞌ yintꞌohne, ndi khuni ulhchoot ꞌet huwa ꞌetsul lheꞌtsꞌudísni whe Yakꞌusda musi tsꞌutni.

Titus 2:11

ꞋEt Yakꞌusda ye unzoo-i be uzdujih-i, ꞌi tsꞌiyanne nalhtsꞌet ha hooltsꞌut.

Hebrews 12:1

ꞋEt huwa nohdutásnelh, ndunne bughun nohdásniꞌne, ꞌenne Yakꞌusda be ꞌutꞌen kꞌoh whunénulhtunne. Huldlai kꞌet, nenat ndúlcho ꞌantsꞌi kwꞌus leꞌ hintꞌoh. ꞋEt huwa neba ndaz-i kꞌoh nenilhtꞌi-i, ꞌinkꞌez lubeshi ꞌaw huwa lhúhoolnaꞌ whe neilhchuk, ꞌi tsꞌiyawh ꞌun tsꞌutoolhdilh. Yakꞌusda ba lhghu naztulwus-i, ꞌi nebut néwhultsꞌut-i, nelhtsꞌunisi whe uztoolghas.

Hebrews 2:3

ꞋInkꞌez ndi whe uzdujis-un, ꞌet hooncha wheꞌ hoontꞌoh. ꞋEt tsꞌiyawh neba ꞌantsꞌi ꞌuhoontꞌoh de, ꞌet de ꞌenne bukꞌunꞌa neba kꞌelha whutaleh. Nemoodihti ndi yun kꞌut nuséya-un, ꞌet whutsꞌun ndi whézdujis-un howu yalhduk, ꞌinkꞌez ndunne mbene la whudántsꞌone, ꞌenne ndi khuni tsꞌiyawh whunehunilhtan ꞌet tsꞌihꞌun ꞌuhoontꞌoh.

Hebrews 4:2

ꞋAlhaꞌ ꞌenne bukꞌunꞌa wheni cha ndi khuni unzoo-i be nebulh yaínduk. ꞋEt hoontsꞌi ndi khuni be bubulh yaínduk-i, ꞌaw lhuhiditsꞌil, ꞌaw buba ꞌalhaꞌ lheꞌhóonel ꞌet huwa. ꞋEt huwa ꞌaw bubeni tálheidikulh. ꞋEt huwa ꞌaw bula lhewhudínel.

James 4:8

Yakꞌusda be nghoh nenahya de, ꞌet de Yakꞌusda didut cha nohenghoh netiyalh. Nohni nintaꞌutꞌihne, ꞌet whuchꞌa nohla tunáhgus. Nohni nawh ninidohne, nohdzi ootsun hooloh naoolhtselh.

James 5:20

ꞌen ꞌet nduja-un, njan dudóhniꞌ, “Mbe la lubeshi ꞌulhꞌen-un, be ꞌalhaꞌ nudzun-i yuchꞌanasja de, ndújan-un neMoodihti ghu nainilhti de, ꞌen ndi yun kꞌut datítsah-un whuchꞌa nayulhti whe ꞌuntꞌoh. ꞋInkꞌez ꞌen gha lhai lubeshi ookꞌé ꞌimbal leꞌ tinelh.”

1 Peter 1:22

Ndoni ꞌen be ndi khuni ꞌalhaꞌ ꞌuntꞌoh-i, ꞌi ookꞌuneꞌ ꞌahtꞌen, ꞌi be nohdzi ꞌaw lubeshi ooghu hooloh sulhtsi. Nohdzi ndulcho-i be ooba ꞌalha ꞌuhoontꞌohne bukꞌehsiꞌ. Nohdzi ꞌaw lhdutsun whe ꞌilhoghun ꞌahli whe soo cho lhkꞌeoohsiꞌ.

1 Peter 1:9

ꞋUdekꞌez dzin de nohba ꞌalha ꞌuhoontꞌoh ꞌet whe nohzul dutijih wheꞌ hoontꞌoh.

1 Peter 2:1

ꞋEt huwa ꞌuyoonne tsꞌun noheni untsiꞌ-i, whutsꞌit be yalhduk-un, ꞌinkꞌez duba naꞌahdzooꞌ. ꞋInkꞌez ꞌuyoonne ghe oolhnih, ꞌinkꞌez khuni untsiꞌ-i be yálhduk-un cha, ꞌet tsꞌiyawh ꞌilhiz wheni whula doohtnih.

1 Peter 2:11

Nohni ookꞌesiꞌne ꞌahli, ookeyoh hoolohne kꞌunꞌa, ꞌatsulyaz za ndi yun kꞌut dulhtsi. ꞋEt huwa ntsꞌe nohyustꞌe whutsꞌu nintꞌi-un, whuyit oohtꞌeꞌ, ꞌet hukwa nohtsꞌu tédusdli.