James 1:2 - Yak'usda Ooghuni

² Sulhutsinke lhat-un whe lhelhtsꞌun unꞌa dzoh nahdeh de, ꞌet hoontsꞌi hoonahtꞌiꞌ whe whuz unꞌa za oohtꞌeꞌ.

James 1:2 Iomraidhean Croise

Acts 5:41

ꞋEt whelꞌaꞌne nahiyílhne bughu tenáhundil. Yakꞌusda Jesus Christ ba dzoh nuhudeh ꞌet huba sooꞌ huldzooꞌ didutchꞌoh ꞌet ndunaꞌhundunudzun, ꞌinkꞌez howu nílhni.

Romans 5:3

ꞋInkꞌez ꞌaw ꞌet za iloh, ꞌet huwa dzoh nutsꞌudeh hoontsꞌi, tsꞌuhóontꞌiꞌ, ꞌinkꞌez whulh tsꞌúzyin-un whunénilhtan.

Philippians 1:29

ꞋEt Christ ꞌen ba nohtlꞌa hóoltsꞌut, ꞌaw nohba ꞌalhaꞌ ꞌuntꞌoh za iloh, ooba dzoh nahdeh-un cha.

Philippians 2:17

ꞋEt hoontsꞌi be nohba ꞌalha ꞌuhoontꞌoh-i, ꞌinkꞌez Yakꞌusda ba ꞌahtꞌen-un, ꞌohwhi ꞌantsꞌi Yakꞌusda gha tꞌaih-i leꞌ ꞌuntꞌoh. ꞋI kꞌut be khusna-i ꞌantsꞌi nadísjul le ꞌustꞌoh, ꞌet huwa hoonústꞌiꞌ, ꞌinkꞌez tsꞌiyawh nohbulh whúnusni.

Philippians 2:18

ꞋEt huwun za nohni cha hoonáhtꞌiꞌ ꞌinkꞌez sulh whunulhni.

Colossians 1:24

ꞋEt ꞌandit Christ ꞌen gha nohba dzoh nuszut-un hoonústꞌiꞌ. ꞋEt syustꞌe kꞌoh ꞌuhoontꞌoh-un ꞌi be ꞌen ooyustꞌe ba lhaoodutisdleh. Ndi ooyustꞌe, ꞌi Yakꞌusda ba ꞌilhunaoodulh-un, ꞌet ꞌuwhúlhni.

Hebrews 10:34

ꞋInkꞌez ꞌoh daꞌ ꞌasuhanꞌai whe sgha teꞌnahzun ꞌinkꞌez sla ꞌahtꞌen inleꞌ. ꞋEt ndai ahtꞌi-i, ꞌi ꞌantsꞌi nohghu ha yílhchoot ꞌet hoontsꞌi hoonáhtꞌiꞌ. Tꞌeoonáhzun nohnichꞌoh ꞌon nus hoonzun-un ꞌinkꞌez ꞌilhiz ꞌuhoontꞌoh, ꞌet yakꞌuz nohba whuzdla ꞌet huwa.

James 1:12

Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

James 1:16

Sulhutsinke ookꞌesiꞌne, nanoohtꞌah júnih!

James 1:19

ꞋEt huwa sulhutsinke ookꞌesiꞌne, ꞌilhone ꞌahli whe Yakꞌusda ooghuni soo ꞌa cho dohtsꞌo. Nánilhtsulyaz hukwꞌu nuní nulhzut whe yatulhdih. Khun te hunólhchꞌeh junih.

James 5:11

Soo zúlhtsꞌai, ndunne howa whúlnaꞌ hoontsꞌi whulh huzyin, ꞌenne ꞌukꞌenus hoonzoo-un bubulh ꞌúhooja butsꞌutni. ꞋEt ndun Job tsꞌutni, ꞌen cha ntsꞌenꞌa dzoh nusuzut, ooba howa whúlnaꞌ hoontsꞌi whulh ínyin. ꞋInkꞌez ntsꞌenꞌa la neMoodihti tube yugha teꞌninzin, ꞌinkꞌez hukwꞌelhꞌaz hoonzoo ꞌuntꞌoh-un yutlꞌa náhonꞌai, ꞌet tsꞌiyawh whulh údahtsꞌoh.

2 Peter 2:9

Mbene Yakꞌusda énuljutne, ꞌenne lubeshi ꞌuhulhꞌen whutsꞌó nintꞌi, ntsꞌenꞌa whuchꞌa nabutálelh-un, ꞌet neMoodihti tꞌeooninzun. ꞋInkꞌez tsꞌihꞌun lheꞌítꞌohne, ꞌenne cha ndet dzin buba nahutiyeh-un, ꞌet whutsꞌun bubeꞌ whuyah-un, ꞌet buboontun.

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.