James 1:19 - Yak'usda Ooghuni

¹⁹ ꞋEt huwa sulhutsinke ookꞌesiꞌne, ꞌilhone ꞌahli whe Yakꞌusda ooghuni soo ꞌa cho dohtsꞌo. Nánilhtsulyaz hukwꞌu nuní nulhzut whe yatulhdih. Khun te hunólhchꞌeh junih.

James 1:19 Iomraidhean Croise

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Mark 12:37

David dichꞌoh, ‘Smoodihti,’ yúlhni, ꞌet ntsꞌenꞌa Christ David tsꞌu haínzut-un ooleꞌ?” ꞋOh dunene huhoontꞌiꞌ whe hidantsꞌo.

Mark 2:2

ꞋAhoh dune ꞌilhuhozdil. Whuz dune lhane ꞌalhgoh daníndil kꞌet ꞌaw whuzꞌái-un hooloh, dati ꞌi bulh whudizbun. ꞋEt Jesus Yakꞌusda ooghuni ghun ubulh yálhduk.

Luke 15:1

ꞋEt sooniya nalhdzoohne ꞌinkꞌez lubeshi ꞌulhꞌenne cha tsꞌiyawh Jesus huyootuzálhtsꞌilh ha highu nindil.

Luke 19:48

ꞋEt hoontsꞌi ꞌilhunaoosdilne, tsꞌiyawh hinat núdilhya ꞌinkꞌez soo cho huyoozílhtsꞌai. ꞋEt huwa ꞌaw nyoonne hizoolhghelh ꞌaitꞌoh.

Acts 1:15

ꞋEt ꞌoh daꞌ dzin yugha hodilꞌeꞌne ꞌilhúhozdil (ꞌalhgoh 120 ꞌatꞌénne dune). ꞋEnne butoh Peter bubulh yátilhduk ha dudinya,

Acts 10:33

ꞋEt huwa ꞌaho nka whenáhoosꞌaꞌ, ꞌinkꞌez soo ꞌínja netsꞌu whúsainya. ꞋInkꞌez njan ꞌawet tsꞌiyawh Yakꞌusda bulh ꞌútsꞌintꞌoh mba tsꞌilhꞌi dája neMoodihti huwá nyulhꞌa-un huwun nebulh yátalhduk.”

Acts 13:48

ꞋEt ꞌudun yun kꞌut whutꞌenne hodántsꞌo whe, huhoontꞌiꞌ whe neMoodihti ooghuni hiba oodálhtiꞌ ꞌinkꞌez mbene la ꞌilhiz hutinalh huba ꞌutꞌahályane buba ꞌalha ꞌuhoontꞌoh suliꞌ.

Acts 17:11

Nyoonne ꞌet whutꞌenne, ꞌenne Thessalonica whutꞌenne buba nus hinzoo. Ndi khuni butsꞌo tlꞌa idiltsꞌut-i soo hikaꞌ ninzun whe Paul huyoozílhtsꞌai, ꞌinkꞌez dzin totsuk Yakꞌusda ooghuni ꞌukꞌu nusgúz-i hikꞌu yalhduk hiyodoolꞌeh ha, ndi khuni Paul ye yálhduk-i ꞌalhaꞌ tilah ꞌuntꞌoh tꞌehontizeh hukwaꞌ huninzun ꞌet huwa.

Acts 2:42

ꞋAhoolhyiz ꞌilhuhodulh, ꞌinkꞌez whelꞌaꞌne whubuhodulhꞌeh. Tsꞌiyawh ꞌalhgoh lhulh ꞌuhutꞌen. ꞋInkꞌez ꞌudekꞌelhaz hulhgha naꞌhitꞌal-un whe whunahulnih ha lhlaꞌ hutꞌalh ꞌinkꞌez ꞌalhgoh tenahududli.

Ephesians 4:26

Nohuhuske be lubeshi olhchoot junih. Khun te hunúlhchꞌe whe te sa yo tóoꞌalh junih.

Ephesians 4:31

Ndet nohba dzoh ꞌuhoontꞌoh-un, huske kꞌet ꞌantsꞌi nohdzi dízkꞌun leꞌ ꞌahtꞌoh, huske cha, ꞌinkꞌez ꞌi be ꞌahoolhyiz lhulhúzahke cha, ꞌinkꞌez ꞌahoolhyiz lhghú yalhduk, ꞌinkꞌez dune tsꞌu dahni-un cha, ꞌi tsꞌiyawh chꞌa nasulhye.

Colossians 3:15

ꞋInkꞌez Yakꞌusda be nedzi dizghel-i, ꞌi be nohdzi yo kꞌuneꞌ hoolꞌen ꞌutahanóhanla ꞌilho yustꞌe ooleꞌ ha. ꞋInkꞌez musi noohzin.

Colossians 3:8

ꞋEt hoontsꞌi ꞌandit njan ndahtꞌen-un tsꞌiyawh whula doohtni hubaꞌ hoontꞌoh. Huzahke-un, hunulhchꞌoh cha, kꞌunáhdzun, Yakꞌusda chꞌaz yalhduk-un, khuni untsiꞌ-i bé yalhduk,

1 Thessalonians 2:13

ꞋEt huwa wheni negha Yakꞌusda ooghuni dáhtsꞌo ꞌet tsꞌiyawh hoonáhtꞌiꞌ whe ulhchoot. Yinka dune ghuni iloh kꞌunꞌa úlhchoot. ꞋAlhaꞌ hoontꞌoh Yakꞌusda ooghuni ꞌuntꞌoh. Ndi khuni ꞌi be ꞌon nus ulhtus nóhulhtsi. Nohni ooba ꞌalhaꞌ yintꞌohne, ndi khuni ulhchoot ꞌet huwa ꞌetsul lheꞌtsꞌudísni whe Yakꞌusda musi tsꞌutni.

James 1:16

Sulhutsinke ookꞌesiꞌne, nanoohtꞌah júnih!

James 1:2

Sulhutsinke lhat-un whe lhelhtsꞌun unꞌa dzoh nahdeh de, ꞌet hoontsꞌi hoonahtꞌiꞌ whe whuz unꞌa za oohtꞌeꞌ.

James 1:26

Mbene la nohtoh Yakꞌusda ba neꞌhutꞌen huninzun, ꞌet hoontsꞌi ꞌaw dughuni gha lhéꞌoolihne, dichꞌoh naꞌhundunutꞌah. ꞋEt ꞌantsꞌet nduntꞌohne Yakꞌusda ba hutꞌen-un, ꞌet ꞌaw hoonli lhuhóoloh.

James 2:1

Sulhutsinke, neMoodihti Jesus Christ díztiꞌ-un, ꞌen nohba ꞌalhaꞌ ꞌuntꞌoh, ꞌet huwa khun te ndi yun kꞌut ꞌuyoon anus unzoo-un noohzin junih.

James 2:5

Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.

James 3:10

ꞋEt whuz unꞌa za nawh kꞌunꞌa yatsꞌulhduk. Whuloh te hoonzoo kꞌunꞌa neuzduniꞌ. ꞋInkꞌez whuloh te hoontsiꞌ whe tuneꞌ uzduniꞌ. Sulhutsinke ꞌet ꞌaw whuz unꞌa lheꞌhóstꞌeꞌ hubaꞌ hoontꞌoh.

James 4:11

Sulhutsinke lhdulhyoh yaoolhduk junih! Mbe dulhutsin dulhyoh yalhduk-un ꞌinkꞌez yuba nahizya de, ꞌen Yakꞌusda dughuni netlꞌa ídanꞌai-i, ꞌi yudulhyoh yalhduk whe ꞌutni. ꞋI ba nus unzoo naꞌdunúdzun. ꞋEt ndintꞌen de, ꞌaw Yakꞌusda khuni netlꞌa ídanꞌai-i, ꞌaw kwꞌunulheꞌzintꞌen, ꞌantsꞌi Yakꞌusda kꞌunꞌa nahiyilh-un ꞌintꞌoh naꞌduníndzun.

James 5:12

ꞋInkꞌez sulhutsinke ndi ꞌuhoontꞌoh-un ꞌunohdúsni, hoonliyaz dune tsꞌu nahizinya de, khun te yakꞌuz whunalh ꞌudúsni kꞌus ndi yun kꞌut whunalh ꞌudusni, kꞌus ꞌuyoo khuni be, whuz unꞌa te yatoolhdih junih. ꞋEt kꞌus, “A,” dutihnelh de, ꞌantsꞌi, “A,” doohtniꞌ. ꞋEt, “Dah,” dutihnelh de, ꞌet cha, “Dah,” doohtniꞌ! Doo ka si nohba nahoodeh.

James 5:19

Sulhutsinke nohtoh ꞌilhoghun khuni ꞌalhaꞌ ꞌuntꞌoh-i yuchꞌanasja de, nohtoh neMoodihti ghu nainilhti de,

1 John 2:21

Ndi khuni ꞌalhaꞌ ꞌuntꞌoh-i tꞌenuzahzun huwa iloh nohtsꞌó kꞌeꞌisguz. Ndi khuni tꞌenahzun ꞌet huwa nohtsꞌó kꞌeꞌisguz ꞌinkꞌez ndi khuni ꞌalhaꞌ ꞌuntꞌoh-i whutsꞌit ooghu hooloh.