James 1:16
22 Iomraidhean Croise
ꞋAw tꞌeoonuzahzun Yakꞌusda whe lerwe unli-un, ꞌet mbe tsꞌihꞌun lheꞌitꞌohne, ꞌenne ꞌaw bugha lhuhootasꞌal? Khun nohnichꞌoh naꞌdunoohtꞌah junih! Mbe dune tsꞌeke bulh lubeshi ꞌulhꞌenne, kꞌus ꞌukꞌeltsi ooba ꞌalhaꞌ ꞌuntꞌohne, kꞌus mbene la lhghu dilhtsꞌine lubeshi tsꞌu nintꞌine hinli, kꞌus dudulh dunene hoontsiꞌ kꞌunꞌa bulh nintaꞌutꞌihne ꞌinkꞌez tsꞌekoo dudulh tsꞌekoo bulh nintaꞌutꞌihne,
ꞋEt huwa ookꞌesiꞌne ntsꞌenꞌa dahtꞌoh nohbulh ꞌustꞌen inleꞌ whe Yakꞌusda kꞌuneꞌ ꞌahtꞌen. ꞋAndit ꞌaho ꞌaw nohbulh lheꞌustꞌoh ꞌet hoontsꞌi ꞌon nus ꞌukꞌuneꞌ ꞌutꞌenne tihleh. ꞋEt huwa soo tsꞌihꞌun unꞌa nohdusni, ntsꞌenꞌa la dihjiz inleꞌ, ꞌet whénulhjut ꞌinkꞌez nohyustꞌe dutlut, ꞌet whuz unꞌa lhadáhleh hukwaꞌ ꞌuhtꞌen.
Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.
Sulhutsinke lhdulhyoh yaoolhduk junih! Mbe dulhutsin dulhyoh yalhduk-un ꞌinkꞌez yuba nahizya de, ꞌen Yakꞌusda dughuni netlꞌa ídanꞌai-i, ꞌi yudulhyoh yalhduk whe ꞌutni. ꞋI ba nus unzoo naꞌdunúdzun. ꞋEt ndintꞌen de, ꞌaw Yakꞌusda khuni netlꞌa ídanꞌai-i, ꞌaw kwꞌunulheꞌzintꞌen, ꞌantsꞌi Yakꞌusda kꞌunꞌa nahiyilh-un ꞌintꞌoh naꞌduníndzun.
ꞋInkꞌez sulhutsinke ndi ꞌuhoontꞌoh-un ꞌunohdúsni, hoonliyaz dune tsꞌu nahizinya de, khun te yakꞌuz whunalh ꞌudúsni kꞌus ndi yun kꞌut whunalh ꞌudusni, kꞌus ꞌuyoo khuni be, whuz unꞌa te yatoolhdih junih. ꞋEt kꞌus, “A,” dutihnelh de, ꞌantsꞌi, “A,” doohtniꞌ. ꞋEt, “Dah,” dutihnelh de, ꞌet cha, “Dah,” doohtniꞌ! Doo ka si nohba nahoodeh.
Sanasan