James 1:15 - Yak'usda Ooghuni

¹⁵ Ndutsꞌutꞌen de, ꞌet ntsꞌenꞌa la hukwaꞌ ꞌuzninzun kꞌunꞌa whe lubeshi ꞌutsꞌulhꞌih-un, ꞌet lubeshi wheditꞌiꞌ. Lubeshi ꞌutsꞌulhꞌen te, ꞌi gha datsꞌútsaih.

James 1:15 Iomraidhean Croise

Genesis 2:17

Ndi duchun be tꞌeoonudzun-i, ndet hoonzoo-un, ꞌinkꞌez ndet hoontsiꞌ-un, ꞌi oomaiꞌ ꞌaw lhuzonꞌal. Ndet dzin inꞌal-un, ꞌalha datantsah.”

Genesis 3:6

ꞋEt tsꞌeke duchun tsꞌuꞌalh huba unzoo, nulꞌen huba cha unzoo, duchun tsꞌuwhunih netilhtselh huba ookaꞌ whuninzun, oomaiꞌ yilhchoot ꞌinkꞌez yanꞌal, duki cha yuloh yutlꞌa nanꞌai ꞌinkꞌez ꞌen cha yanꞌal.

Matthew 26:14

ꞋEt whe ndunne whunizyane ꞌon ꞌat nane, butoh ꞌilhoghun Judas Iscariot huyulhni, ꞌen lubret bumoodihne butsꞌu whinya.

Matthew 5:28

ꞋEt hoontsꞌi nohdusni mbe la tsꞌeke yunilhꞌen whe dudzi yo whe nduninzun, ‘Bulh níntaꞌ tistꞌelh hukwaꞌ nuszun,’ ꞌudaꞌ yulh nintaꞌantꞌen whe ꞌuntꞌoh.

James 1:14

ꞋEt hoontsꞌi wheni ꞌilhone tsinli whe whenichꞌoh hukwaꞌ ꞌuzninzun ꞌet huwa lubeshi ꞌuztilhꞌelh-un tsꞌe whutsꞌúznintꞌi.

James 1:18

Dichꞌoh hukwaꞌ ninzun-un, ꞌet whuz unꞌa ꞌuja whe ndi khuni ꞌalhaꞌ ꞌuntꞌoh-i, ꞌet ꞌi be doo cha tsꞌuwhuzdli. ꞋEt whuz unꞌa ndúhooja ndai la ꞌuyalhꞌen-i ootoh whe wheni ꞌudechoo oochꞌeꞌne tsꞌuzdliꞌ.