James 1:14 - Yak'usda Ooghuni

¹⁴ ꞋEt hoontsꞌi wheni ꞌilhone tsinli whe whenichꞌoh hukwaꞌ ꞌuzninzun ꞌet huwa lubeshi ꞌuztilhꞌelh-un tsꞌe whutsꞌúznintꞌi.

James 1:14 Iomraidhean Croise

Genesis 3:6

ꞋEt tsꞌeke duchun tsꞌuꞌalh huba unzoo, nulꞌen huba cha unzoo, duchun tsꞌuwhunih netilhtselh huba ookaꞌ whuninzun, oomaiꞌ yilhchoot ꞌinkꞌez yanꞌal, duki cha yuloh yutlꞌa nanꞌai ꞌinkꞌez ꞌen cha yanꞌal.

Genesis 6:5

ꞋEt Moodihti (Yahweh) bunilhꞌen ndi yun kꞌut dune huye untsiꞌ tube ncha suliꞌ. Tsꞌiyawh ꞌahoolhyiz wheni ndune bubeni untsiꞌ, ꞌet whunilhꞌen.

Genesis 8:21

ꞋEt Moodihti (Yahweh) ndi sooltsun-i yunahoolhtsun. ꞋInkꞌez Moodihti (Yahweh) didutchꞌoh dudzi yo ꞌutni, “ꞋAw ꞌon ꞌat ndi yun dune gha ꞌaw ookꞌehoosyih ꞌaitꞌoh. Dahintꞌoh la dune budzi ntsiꞌ hintsool whutsꞌun, ꞌet hoontsꞌi ꞌaw doo cha ꞌon ꞌat khuna-i ndi yun kꞌut gak hooselh ꞌaitꞌoh.

Matthew 15:18

ꞋEt dune khuni be yailhduk-i, budzi tsꞌu ha yúkat ꞌi ꞌuntꞌoh, ꞌinkꞌez ꞌi dune dilhtsꞌi.

Matthew 15:20

Ndowhi-i dune hintsiꞌ hulhih. ꞋAw lanalheꞌzulhde whe ꞌahꞌalh-un, ꞌaw ꞌet huwa iloh hintsiꞌ hulhih.”

Matthew 4:1

ꞋAwet Jesus dune lhuhootꞌih tsꞌe Ndoni whuz whe yálhꞌaꞌ netsudule yootálhdzih ha.

Matthew 5:28

ꞋEt hoontsꞌi nohdusni mbe la tsꞌeke yunilhꞌen whe dudzi yo whe nduninzun, ‘Bulh níntaꞌ tistꞌelh hukwaꞌ nuszun,’ ꞌudaꞌ yulh nintaꞌantꞌen whe ꞌuntꞌoh.

Romans 7:11

ꞋEt Yakꞌusda khuni netlꞌa ídanꞌai-i tꞌeniszin whe syustꞌe lubeshi tsꞌu níntꞌi ꞌi khasúnintꞌa whe nanistꞌa ꞌet huwa kwuncho yo tsꞌe tisyalh tꞌeooniszin.

Romans 7:13

Dája tsꞌuntizilh ꞌet huwun? Ndai sba unzoo-i, ꞌi gha kwuncho yo tsꞌe tísyalh tóleh? ꞋAw ꞌuhótꞌeꞌ ꞌaítꞌoh! Ndi Yakꞌusda khuni netlꞌa ídanꞌai-i nela ꞌootꞌen ha negha íninla. ꞋI gha lubeshi dáltsiꞌ tꞌeniszin. Sichꞌoh lubeshi tsꞌu nústꞌi ꞌet huwa lubeshi ꞌulhꞌen-un usli ꞌet nawhusꞌai, ꞌinkꞌez whula gha tsꞌe kwuncho yo tsꞌe tísyalh inleꞌ.

Ephesians 4:22

ꞋEt ꞌudaꞌ datsꞌintꞌoh la inleꞌ, ꞌet tsꞌiyawh ꞌetsul ꞌuwhahleh ꞌinkꞌez chꞌaz whúnulhtꞌi. ꞋEt nduhoontꞌoh-un, ꞌet tsꞌiyawh tube hoontsiꞌ wheꞌ hoontꞌoh. Ndet la whutsꞌu náhtꞌi-un, ꞌet whe nanihtꞌa.

Hebrews 3:13

ꞋEt hoontsꞌi dzin totsuk, ꞌawhuz khahna daꞌ, ꞌet tsꞌiyawh lhba nus whunoolhtꞌi whe lhla oohtꞌen. Doo ka si lubeshi gha nanihtꞌa de, nohdzi dutsꞌun ooleꞌ.

James 1:13

ꞋIlhoghun lubeshi tsꞌu níntꞌi de, khun te Yakꞌusda sóolhdzih dooniꞌ junih. ꞋAw Yakꞌusda ntsiꞌ-i be óldzih ꞌaitꞌoh. ꞋInkꞌez didutchꞌoh cha whuz unꞌa za ꞌuyoonne hoontsiꞌ tsꞌe ꞌubunoolhtꞌi ꞌaitꞌoh.

James 1:15

Ndutsꞌutꞌen de, ꞌet ntsꞌenꞌa la hukwaꞌ ꞌuzninzun kꞌunꞌa whe lubeshi ꞌutsꞌulhꞌih-un, ꞌet lubeshi wheditꞌiꞌ. Lubeshi ꞌutsꞌulhꞌen te, ꞌi gha datsꞌútsaih.