James 1:12 - Yak'usda Ooghuni

¹² Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

James 1:12 Iomraidhean Croise

Genesis 22:1

ꞋEt njan hukwꞌelhꞌaz ꞌet ꞌuhooja, Yakꞌusda (Elohim), Abraham yoolhdzai ꞌinkꞌez ꞌuyulhni, “Abraham!” ꞋEt Abraham ꞌutni, “Njan ꞌustꞌen.”

Matthew 10:22

ꞋInkꞌez si sooziꞌ gha tsꞌiyanne nohtsꞌo dutitni. ꞋEt hoontsꞌi mbene la ꞌudekꞌez whutsꞌun ꞌet whulh núdalyaꞌne, ꞌenne hudutijih.

Matthew 25:34

ꞋEt lerwe nailhni tsꞌunkꞌus ꞌuntꞌohne ndubudutanelh, ‘Nohni ꞌuBá ꞌukꞌenus hoonzoo-un nohghá whultsꞌutne ꞌahli. ꞋEt huwa ꞌanih! Yun ꞌutilnelh whutso, lerwe yakꞌuz úsda-un, ꞌet nohba lhaoodinla, nohgha óotaltsꞌulh.

Luke 6:22

Dune nohtsꞌo dutitni ꞌinkꞌez ꞌaw bubulh óohtꞌeꞌ ꞌaitꞌoh nohohulhtsi. ꞋInkꞌez nohchꞌaz yahutilhduk whe Yinka Dune Yeꞌ, ꞌen gha nohooziꞌ dutsun hitilhtselh ꞌinkꞌez ꞌun hitilhdulh. ꞋEt whuz unꞌa ndunóhuhulhꞌen de, ꞌukꞌenus hoonzoo-un nohgha whultsꞌut.

Romans 5:4

ꞋInkꞌez tsꞌiyanne tꞌehonózin dantꞌóhne dune tsꞌinli. ꞋEt whuz unꞌa dune tsꞌinli huwa, huba tsꞌilhꞌi ndet la whusawhútiltsꞌulh-un Yakꞌusda dádiztiꞌ la tꞌetsꞌontizeh.

Romans 8:28

ꞋEt huwa tꞌetsꞌonínzun mbene la Yakꞌusda kꞌensíꞌne tsꞌiyantsuk hoonzoo kꞌunꞌa za buba whulhih. ꞋEnne ꞌuhintꞌoh, Yakꞌusda dutijih ha bukaꞌ daníꞌne hinli.

1 Corinthians 2:9

ꞋEt hoontsꞌi ndiz unꞌa Yakꞌusda neba lhaoodinla. Ntsꞌenꞌa la ꞌukꞌehooguz-un, ꞌet huwa ꞌuhooja whe ndutni, “Mbene la Yakꞌusda kꞌensiꞌne, ndet whe Yakꞌusda buba lhaoodinla, ꞌi tsꞌiyawh duna be lhuhuhoosꞌen, ꞌinkꞌez dudzeh whe ꞌaw lhuhodítsꞌil, whuz buba hooncha kꞌet ꞌaw howu nuni hunoozut ꞌaitꞌoh.”

1 Corinthians 8:3

ꞋEt hoontsꞌi mbe Yakꞌusda kꞌensiꞌne, ꞌen Yakꞌusda tꞌebunínzun.

1 Corinthians 9:25

Mbe la soo hoolhdzihne dichꞌoh khadli. ꞋEt lhghu natilwusne ndi whuchꞌa italhdoh-i ꞌutsiꞌ tileh. ꞋEt hoontsꞌi wheni be whuchꞌa tsꞌotalhdoh-i ꞌaw ꞌutsiꞌ ooleꞌ ꞌaitꞌoh.

2 Timothy 2:15

ꞋEt Yakꞌusda ba dune unzoo-un ꞌonleꞌ, whuz unꞌa hukwa ꞌintꞌen. Nye ꞌutꞌen ꞌaw la hukwa yálhuzonleꞌ. Ndi khuni ꞌalhaꞌ ꞌuntꞌoh-i tsꞌihꞌun unꞌa dune hubodilhꞌeh.

2 Timothy 4:8

ꞋUdekꞌez khuni beꞌ dusni, ndet tsꞌihꞌun unꞌa hoontꞌoh whe whuchꞌa oonusde-un, ꞌet sba ꞌusꞌai. NeMoodihti tsꞌihꞌun nahiyilh-un, ꞌen yutilhtselh-i, ꞌet dzin sgha ítaꞌalh. ꞋInkꞌez ꞌaw si za iloh. Mbene la dudzi ndulcho-i be bunalh be hóodutalhtsilh ꞌinkꞌez yutiꞌelh hukwaꞌ ninzunne, ꞌenne ꞌilhoghun hinli whe tsꞌiyawh si skꞌunꞌa za ꞌúbutilelh.

Hebrews 10:32

ꞋEt hoontsꞌi nohni whunalhnih ndi khuni niz dakꞌez daja hutni la, soo cho tꞌeoonáhzun ꞌinkꞌez ulhchoot. Hukwꞌelhꞌaz dzoh nusahde ꞌet hoontsꞌi ꞌaw nohchꞌa lheꞌílhdoh. ꞋEt tsꞌiyawh whutulh usáhdil.

Hebrews 11:17

Be ꞌalha ꞌuhoontꞌoh-i, ꞌi be ꞌoh daꞌ Yakꞌusda Abraham yóolhdzai whe ꞌaw ꞌilhoghun duyeꞌ Isaac loodel kꞌeyilhti ꞌinkꞌez Yakꞌusda ba yutuzilhghelh ha. Ndet Yakꞌusda yutsꞌú hoozi-un whe ooyeꞌ ootsꞌu haindene hutildlai, ꞌet tsꞌiyawh hóolhchoot.

Hebrews 12:5

Yakꞌusda khuniti be duyeꞌke kꞌunꞌa nohbulh yalhduk-un, whunaoodoolhnoh junih. Ndiz unꞌa nohMoodihti ꞌunohúlhni, “Syeꞌke khuni be nohbulh yasduk-i ootsꞌu doohtni junih. Nintaꞌ ꞌahtꞌih-un hukwaꞌ nohúlhni de, khun yo whúꞌun ꞌetsul oohneh junih.

Hebrews 6:15

ꞋInkꞌez ꞌet whuz unꞌa ꞌuhooja. Yakꞌusda Abraham tsꞌu nahizyai-un saꞌ whe yubailhꞌeꞌ, ꞌet hoontsꞌi whe yutsꞌu náhizya-un ooghá whultsꞌut.

James 2:5

Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.

James 5:11

Soo zúlhtsꞌai, ndunne howa whúlnaꞌ hoontsꞌi whulh huzyin, ꞌenne ꞌukꞌenus hoonzoo-un bubulh ꞌúhooja butsꞌutni. ꞋEt ndun Job tsꞌutni, ꞌen cha ntsꞌenꞌa dzoh nusuzut, ooba howa whúlnaꞌ hoontsꞌi whulh ínyin. ꞋInkꞌez ntsꞌenꞌa la neMoodihti tube yugha teꞌninzin, ꞌinkꞌez hukwꞌelhꞌaz hoonzoo ꞌuntꞌoh-un yutlꞌa náhonꞌai, ꞌet tsꞌiyawh whulh údahtsꞌoh.

1 Peter 3:14

ꞋEt hoontsꞌi tsꞌihꞌun unꞌa ꞌahtꞌen hukwꞌelha, huwa dzoh nahdzut de, ꞌet ꞌukꞌenus hoonzoo-un nohgha whútaltsꞌulh. ꞋInkꞌez nohéꞌ hoonulhjoot de whénoolhjut junih, kꞌus huwu ni oolhleꞌ junih!

1 Peter 4:13

Kꞌus ndai Christ whe dzoh nusuzut-un, whuz unꞌa za dzoh nahzut de, ꞌet de soo cho hóhtꞌeꞌ! ꞋEt whe Christ ye diztiꞌ-i, ꞌi nohnalhtsꞌet ha hóoltsꞌut de, ꞌet la tube cho whunólhni.

1 Peter 4:14

ꞋEt Christ unidulhne ꞌahli huwa nohodilhtsiꞌ de, ꞌet de soo ꞌukꞌenus hoonzoo-un ꞌudaꞌ nohbulh ꞌúhooja. Yakꞌusda ooyughi ye diztiꞌ-i, ꞌi ꞌilhiz wheni nohbulh ꞌuntꞌoh ꞌet huwa. Ndunne, hichꞌaz yalhduk, ꞌet hoontsꞌi nohni dúlhtiꞌ whuz unꞌa ooghu yalhduk.

1 Peter 5:10

ꞋEt Yakꞌusda, ye unzoo-i, ꞌi tsꞌiyawh yulh ꞌúntꞌoh, ꞌi gha Christ Jesus neba daja la-un, ꞌet huwa ꞌuzdutijih ha nekaꞌ daniꞌ. ꞋEt huwa ꞌilhiz wheni yakꞌuz whudiztiꞌ tsꞌe uzdutaltsꞌilh. ꞋEt hoontsꞌi ꞌatsulyaz dzoh nutihdoh. ꞋEt hukwꞌelhꞌaz dichꞌoh soo cho lhanóhdutileh. Ulhtus nóhtilhtselh ꞌinkꞌez yoh ookꞌu whuzꞌai-i kꞌunꞌa ꞌaw nahóohtnah ꞌaitꞌoh nohtilhtselh.

1 Peter 5:4

ꞋInkꞌez ndun Jesus Christ ꞌusbai ghundline butso whudilhdzulh-un, ndet la nenalhtsꞌet haínya de, ꞌet de ndi whudíztiꞌ-un be ꞌindindi-i, ꞌaw gak oodleꞌ ꞌaitꞌoh, ꞌet nohgha óotaltsꞌulh.

1 John 4:19

Yakꞌusda didut ꞌudechoo nekꞌensiꞌ ꞌet huwa ookꞌetsꞌinsiꞌ.

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.

Revelation 3:19

Mbene la kꞌeke kꞌunꞌa bukꞌesiꞌne, ꞌenne tsꞌiyawh khuni ulhtus-i be bubulh yasduk ꞌinkꞌez tsꞌihꞌun unꞌa nenábusdlih. ꞋEt huwa nohdzi ulhtus cho ulhꞌi ꞌinkꞌez noheni náhandunoohlelh.

Revelation 3:21

Mbe la ndi ꞌutꞌen ntsiꞌ-i chꞌaꞌ ꞌulhdeh-un, skwꞌutsꞌuzda cho kꞌut szih tidalh-un oogha óotasꞌalh. Whuz unꞌa Si cha cha whuchꞌaꞌ nus de ꞌinkꞌez ꞌuBá ookwꞌutsꞌuzda cho diztiꞌ-i, ꞌi kꞌut oozih natlꞌa disdaꞌ.