James 1:11 - Yak'usda Ooghuni

¹¹ ꞋEt sa ha ꞌaih te ꞌi be tube whúnilwus. ꞋI be ꞌindai chun dugih te, bindai nakuk. Lheldzooꞌ whundoútꞌen ꞌet hoontsꞌi hooloh lhih. Whuz unꞌa za hoonzoo ꞌuntꞌohne ꞌawhuz dude ꞌutꞌen ꞌuhulhꞌen whe didutchꞌoh hoontsꞌi huhooloh hutileh.

James 1:11 Iomraidhean Croise

Matthew 13:6

Ooghih hooloh huwa ha sainꞌai whe tsꞌiyawh yanúdizgi.

Matthew 20:12

ꞋEt ꞌuhuyúlhni, ‘Ndunne ꞌudekꞌoh ubalhꞌaꞌne, ꞌenne ꞌilhoh sadzi hukwꞌu hoonistꞌoh-un za ꞌuhitꞌen. ꞋInkꞌez wheni dzin ndúwhulyiz whe sa ulhtus-i niz ꞌutsꞌitꞌen. ꞋEt hoontsꞌi nebulh húlhgha buba ꞌukꞌelha whuzílhtsi.’

Matthew 6:30

ꞋEt Yakꞌusda tlꞌo unzoo-i yilhꞌi. ꞋI ꞌandit dzin tlꞌo kꞌut ha niyeh ꞌinkꞌez bunde ꞌi tsehidutilhkulh ꞌinkꞌez dutákꞌun. ꞋEt dáhoolcho-i be nohni ꞌon nus soo nanohdutileh? Nohni ntsool-iyaz be ꞌalha lheꞌhootꞌohne ꞌunohdúsni!

Mark 4:6

Ooghih hooloh ꞌet huwa ha sainꞌai whe tsꞌiyawh yanúdizgi ꞌinkꞌez gak suliꞌ.

1 Corinthians 7:31

ꞋInkꞌez mbene la ndi yun kꞌut whuchꞌeꞌ huyutꞌi de, ꞌaw buchꞌeꞌ lhiloh kꞌunꞌa ꞌuhintꞌoh. Ndi yun kꞌut uzdilhtsꞌi-un hukwꞌunꞌa gak whutileh ꞌet huwa.

1 Peter 1:4

ꞋAndit ꞌawet neBá yutꞌi-i negha ítalelh-i, ꞌi cha wheni neba ꞌuntꞌoh. ꞋAw oolhjut ꞌaitꞌoh. ꞋAw ntsiꞌ cha ooleꞌ ꞌaitꞌoh, ꞌinkꞌez dutoodeh ꞌaitꞌoh. ꞋI ꞌudaꞌ yakꞌuz tsꞌe nohba ꞌet whuzdla.

1 Peter 5:4

ꞋInkꞌez ndun Jesus Christ ꞌusbai ghundline butso whudilhdzulh-un, ndet la nenalhtsꞌet haínya de, ꞌet de ndi whudíztiꞌ-un be ꞌindindi-i, ꞌaw gak oodleꞌ ꞌaitꞌoh, ꞌet nohgha óotaltsꞌulh.