James 1:10 - Yak'usda Ooghuni

¹⁰ ꞋEt hoontsꞌi hoonzoo ꞌuntꞌoh-un duzooneya be do ꞌúdudildzun-un, ꞌen Yakꞌusda yo naꞌyitilalh, ꞌet huwa hótꞌeꞌ hubaꞌ hoontꞌoh. ꞋEt hoontsꞌi tꞌewhunónzin ntsꞌenꞌa la ꞌindaiyaz dátsaih, whuz unꞌa za ye hoonzoo ꞌuntꞌoh-i, ꞌi gha khoonaꞌ ꞌaitꞌoh.

James 1:10 Iomraidhean Croise

Matthew 5:3

“Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.

Matthew 6:30

ꞋEt Yakꞌusda tlꞌo unzoo-i yilhꞌi. ꞋI ꞌandit dzin tlꞌo kꞌut ha niyeh ꞌinkꞌez bunde ꞌi tsehidutilhkulh ꞌinkꞌez dutákꞌun. ꞋEt dáhoolcho-i be nohni ꞌon nus soo nanohdutileh? Nohni ntsool-iyaz be ꞌalha lheꞌhootꞌohne ꞌunohdúsni!

1 Corinthians 7:31

ꞋInkꞌez mbene la ndi yun kꞌut whuchꞌeꞌ huyutꞌi de, ꞌaw buchꞌeꞌ lhiloh kꞌunꞌa ꞌuhintꞌoh. Ndi yun kꞌut uzdilhtsꞌi-un hukwꞌunꞌa gak whutileh ꞌet huwa.

Philippians 3:8

ꞋAw ꞌet za iloh ꞌuwhudusni, Christ Jesus ꞌen sMoodihti dantꞌoh la tꞌezninzun-un, ꞌet hooncha kꞌet ꞌaw ꞌuzdooniꞌ ꞌaitꞌoh. Dáhoontꞌoh ooghu tꞌeoonúszun-un sghu hóolhchoot-un, ꞌet whunilhchoh whula disni. ꞋI tsꞌiyawh ꞌun tukat-i sba unli ꞌet huwa ꞌon nus Christ tꞌenooszeh ha.

1 Timothy 6:17

Ndi yun kꞌut hoonzooꞌ ꞌuntꞌohne, ꞌenne khuni ulhtus-i be budoniꞌ, ꞌaw ndi yun kꞌut beꞌ hoonzooꞌ tsꞌintꞌoh-i hoonli lhiloh. ꞋAw sooniya ootꞌa ninintan-i iloh ꞌuntꞌoh. ꞋEt kꞌus Yakꞌusda mbe la khuna-un, ꞌaw ꞌen za ootꞌa ninoohtan. Yakꞌusda ꞌen oola hoonli whe tsꞌiyaitsuk be tsꞌohotꞌeꞌ ha negha yunleh.

James 4:14

ꞋEt hoontsꞌi bunde ꞌaw dawhútanelh-un tꞌeóonuzáhzun. Be háhna-i, ꞌi di whé ꞌuntꞌoh? ꞋAntsꞌi lhut léꞌuntꞌoh. ꞋAtsulyaz ndo whe dudoh, ꞌinkꞌez gak lhih.

1 Peter 1:24

ꞋEt huwa ndi khuni njan ndutni, “Tsꞌiyanne ꞌantsꞌi tlꞌo leꞌ hintꞌoh. Ndi tlꞌo ꞌatsulyaz ꞌuntꞌoh. ꞋInkꞌez dune ye diztiꞌ-i, ꞌi oomaiꞌ leꞌ ꞌuntꞌoh. Tlꞌo bisdai dugih ꞌinkꞌez nakuk.

1 John 2:17

Ndi yun ꞌawet whewhúltsꞌit ꞌinkꞌez ootsꞌúznintꞌi-i cha, ꞌet hoontsꞌi Yakꞌusda hukwaꞌ ninzun te neꞌútꞌen-un, ꞌen ꞌilhiz hutinalh.