James 1:1 - Yak'usda Ooghuni

¹ Si James, Yakꞌusda ꞌinkꞌez neMoodihti Jesus Christ ba ꞌulhna-un usdli. Nohni Lizwifne, mbene la Jesus Christ ooba ꞌalhaꞌ yintꞌohne, nohkeyoh whuchꞌa nohonízyootne ꞌahli, ndi ꞌudustlꞌus nohtsꞌó kꞌesges-i, ndi yun kꞌut whutꞌenne tsꞌiyawh be hadih nohdúsni.

James 1:1 Iomraidhean Croise

Matthew 10:3

Philip ꞌinkꞌez Bartholomew; Thomas ꞌinkꞌez sooniya nalhdzooh-un Matthew; James Alphaeus ooyeꞌ ꞌuntꞌoh, ꞌinkꞌez Lebbaeus ꞌen oobooziꞌ ꞌudekꞌez-un Thaddaeus cha huyulhni;

Matthew 13:55

ꞋAlhaꞌ iloh lakw yoh ꞌuwhulhꞌen-un, ooyeꞌ ꞌuntꞌoh? ꞋInkꞌez ooloo Mary? Bulhutsinke iloh lakw James, Joses, Simon, ꞌinkꞌez Judas?

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Mark 3:18

Andrew, Philip, Bartholomew, Matthew, Thomas, James Alphaeus ooyeꞌ, Thaddaeus, Simon huwu daóoditꞌowh-un,

Luke 22:30

ꞋEt whe lerwe usdli-un, ꞌet slutab kꞌut sulh ꞌutihꞌulh ꞌinkꞌez sulh utihtnelh. Kwꞌutsꞌuzda cho diztiꞌ-i, ꞌet hukwꞌu dutálhtsꞌilh ꞌinkꞌez whunizyat ꞌon ꞌat nat-un Israel ootsꞌu hainzutne bulh didowhne buba nahutihyeh.”

Luke 6:15

Matthew ꞌinkꞌez Thomas. James Alphaeus ooyeꞌ, ꞌinkꞌez Simon ꞌen huwu daóoditꞌoh-un huyulhni.

John 12:26

Mbe la sba néꞌutꞌen de, ꞌenne suntooyaꞌ ꞌinkꞌez ntsꞌe la ꞌustꞌoh-un, ꞌet la oodaꞌ. Mbe la sba neꞌutꞌen unlí-un, ꞌen SBá bubudutálhtiꞌ.”

John 7:35

ꞋEt Lizwifne dichꞌoh ꞌulhodutni, “Ntsꞌe atꞌen tiyalh whe ꞌutni? ꞋAw natsꞌólhtelh ꞌaítꞌoh neúlhni. ꞋUdun yun kꞌut whutꞌenne, ꞌenne butuz toleh tiyalh whuz Lizwifne whulohne yahandil inleꞌ, ꞌinkꞌez whuz toleh ꞌudun yun kꞌut whutꞌenne hubodutilhꞌeh?

Acts 1:13

Jerusalem tsꞌe náhoosdil whe, ꞌaho ndo yoh huwhutꞌi-un danáhundil. Peter, John, James ꞌinkꞌez Andrew, Philip ꞌinkꞌez Thomas, Bartholomew ꞌinkꞌez Matthew, James Alphaeus ooyeꞌ, Simon Lizwifne ba huwu daóoditꞌowh-un, ꞌinkꞌez Judas James ooyeꞌ, ꞌenne ꞌet yoh hudilhtsꞌi.

Acts 12:17

ꞋEt buba núlhni whe tꞌehudoosni ꞌubulhni ꞌinkꞌez buba hukwꞌu nuhúlhyeꞌ daja whe neMoodihti ꞌadinꞌai whe tenaínilhti. “James ꞌinkꞌez ꞌon ꞌunne ooba ꞌalha ꞌuhoontꞌohne tsꞌiyawh ꞌubudóhniꞌ,” ubúlhni. ꞋEt ꞌawet ꞌutsꞌun bughu whenája.

Acts 15:13

ꞋEt yahulhduk ꞌetsul ꞌuhudija whe James dudinya ꞌinkꞌez ꞌutni, “Sulhutsinke soo zúlhtsꞌai!

Acts 15:21

ꞋEt ꞌalha ꞌuhoontꞌoh Lizwif lugliz ꞌet natsꞌulyis dzin totsuk saꞌ whutsꞌun Moses ooghuni ꞌukꞌu nusguz-i ookꞌu yaduk ꞌinkꞌez keyoh totsuk cha ooghuni huye búbulh yalhduk,” ni, James.

Acts 15:23

ꞋEnne ndi ookꞌu neꞌúsguz-i butlꞌa há yanꞌai ꞌi ndutni: “Wheni whelꞌaꞌne, dune tso whudilhdzulhne, ꞌinkꞌez ooba ꞌalha ꞌuhoontꞌohne cha Jerusalem uzdilhtsꞌi wheni tsꞌiyawh nohtsꞌo kꞌeꞌtsꞌuges, neulhutsinke, ꞌudun yun kꞌut whuzdline, keyoh Antioch, Syria ꞌinkꞌez Cilicia yun kꞌut dúlhtsꞌine, Hadih nohtsꞌutni.

Acts 2:5

ꞋEt ꞌawet lhane Lizwifne, Yakꞌusda yunidúlhne hinli Jerusalem húdilhtsꞌi lheldoh keyoh tsꞌe ha hándilne.

Acts 21:18

ꞋEt ꞌom bun dzin Paul nebúlhtizꞌaz James uztiꞌelh wheni, ꞌinkꞌez la tsꞌiyawh butso whudilhdzulhne, ꞌenne cha ꞌet hudilhtsꞌi.

Acts 23:26

“Felix yun moodih díztiꞌ-un si Claudius Lysias ntsꞌó kꞌeꞌusges, hadih.

Acts 26:7

Whunizyat ꞌon ꞌat nawh didowhne dune, ꞌenne ndi khuni butsꞌú yoosdzi bugha ítaltsꞌulh ꞌet hukwa tse huhooli dzin ꞌinkꞌez ꞌulhdzis whulh Yakꞌusda tsꞌu téniꞌ ꞌuhunilhdzun whutoh ꞌinkꞌez lerwe díntiꞌ-un, ndet ndunne Lizwifne, hukwa tse húhooli-un si cha hukwa tse hoosdli, ꞌet hukwa skꞌehúhoonꞌai.

Acts 8:1

ꞋEt nyoon Saul hiyeni kꞌunꞌa ꞌuyínla. ꞋEt dzin za Jerusalem tsꞌe Jesus ba ꞌilhozdílne bube túzilalh ꞌinkꞌez dzoh nótizut. ꞋEt tsꞌiyanne ooba ꞌalha ꞌuhoontꞌohne Judea ꞌinkꞌez Samaria whutꞌenne bukeyoh tsꞌe whuz tsꞌiyawh whutabonínyoot. Whelꞌaꞌne, ꞌenne za ꞌawet hudilhtsꞌi.

Romans 1:1

Si Paul Jesus Christ be ꞌulhna-un, ꞌen ba za whelꞌaꞌ-un ꞌústꞌoh. Ndi khuni unzoo-i dune dósniꞌ huba, Yakꞌusda ꞌudun nésunilhti whe ꞌustꞌoh.

Galatians 1:19

ꞋEt ꞌonghohne whelꞌaꞌne, ꞌenne ꞌaw lhubusꞌel. NeMoodihti bulhutsin James, ꞌen za ꞌusꞌen.

Galatians 2:12

Whulohne James yulh ꞌutꞌenne, ꞌenne keyoh Antioch nehútidulh whutso, Peter ꞌudun yun kꞌut whutꞌenne ꞌahoolhiz bula ꞌáꞌalh. ꞋEt hoontsꞌi James yulh ꞌutꞌenne whusahándil whe, ꞌet Peter buchꞌa nasja. Ndunne Lizwifne bube nuljut ꞌet huwa.

Galatians 2:9

ꞋInka James, Cephas, ꞌinkꞌez John, ꞌenne butsꞌutni keyoh whuduchun unline, ꞌenne ndi ye unzoo-un ꞌet stlꞌa hónꞌai, ꞌet tsꞌihꞌun unꞌa tꞌehonanzin, ꞌet de Barnabas ꞌinkꞌez si cha ꞌet huwa nela nahúzꞌai. ꞋEt whuz unꞌa tsꞌiyanne whúbuznilhtan, wheni ꞌinkꞌez James, Cephas ꞌinkꞌez John te lhulh ꞌutsꞌintꞌoh za búznidulh. Wheni ꞌudun yun kꞌut whutꞌenne butsꞌúztidulh, ꞌinkꞌez ꞌenne Lizwifne butsꞌu hutidulh.

Philippians 1:1

Paul ꞌinkꞌez Timothy ꞌet Jesus Christ be ꞌulhnane ídli. Keyoh Philippi whutꞌenne Christ Jesus ꞌen gha Yakꞌusda oochꞌeꞌne ꞌuhtꞌoh, ꞌinkꞌez huwunline ꞌinkꞌez yula ꞌutꞌenne cha, nohni tsꞌiyawh hadih nohdítni.

2 Timothy 4:21

ꞋEt khit tileh whutsꞌo, ꞌet soo ꞌintꞌoh whe stsꞌun tonyaꞌ. Eubulus, ꞌen cha hadih nyulhni, ꞌinkꞌez Pudens, Linus, Claudia, ꞌinkꞌez tsꞌiyawh lhulhutsinke, ꞌenne cha hadih nyuhútni.

Titus 1:1

Si Paul Yakꞌusda be ꞌulhna-un ꞌinkꞌez Jesus Christ ba whelꞌaꞌ-un usdli. Nyoonne Yakꞌusda buba ꞌalhaꞌ yintꞌohne, ꞌet wheni ꞌutahabanla. ꞋInkꞌez khuni ꞌalhaꞌ ꞌuntꞌoh-i tꞌehonozin ha Yakꞌusda ba ndi yun kꞌut uzdoltsꞌiꞌ ha.

1 Peter 1:1

Si Peter Jesus Christ ꞌen gha whelꞌaꞌ-un usdli. Nohni Lizwifne dukeyoh whutꞌenne ꞌahli inleꞌ. ꞋAwet lhelhdun keyoh whutꞌenne suhliꞌ. Pontus, Galatia, Cappadocia, Asia, ꞌinkꞌez Bithynia cha. ꞋEt ꞌóh ho ndulcho whe ꞌatsulyaz huba nenáhtna. Yakꞌusda ba ꞌutahalyane ꞌahtꞌoh. Nohni nohtsꞌo kꞌeꞌisguz.

2 Peter 1:1

Si Simon Peter Jesus Christ ꞌen beꞌ ꞌulhna-un ꞌinkꞌez whelꞌaꞌ-un cha usdli. NeYakꞌusda neulhyis-un Jesus Christ, ꞌen ye tsꞌihꞌun unꞌa ꞌuntꞌoh-i, ꞌi be njan be ꞌalha ꞌuhoontꞌoh-i díztiꞌ-i, nohni cha ꞌinkꞌez wheni cha ꞌalhgoh neghaltsꞌut. ꞋEt huwun nohtsꞌo kꞌeꞌusges.

Jude 1:1

Si Jude Jesus Christ be ꞌulhna-un ꞌinkꞌez James bulhutsin ꞌustꞌoh. Nohni Yakꞌusda neBá, ꞌen ba ꞌudun nelyane ꞌinkꞌez Jesus Christ ꞌen be uboontun. ꞋEt nduntꞌohne, ꞌenne ꞌutꞌahályane ꞌuhintꞌoh. Nohni ndi ꞌudustlꞌus nohtsꞌó kꞌesguz.

Revelation 7:4

ꞋEt dáltsukne buninta bube hóodatꞌen suliꞌne whudástsꞌo. Israel tsꞌu haíndene bubuzkeh, lhelhdoh didowhne, ꞌenne tsꞌiyawh 144,000ne hinli. ꞋEnne tsꞌiyawh buninta bube hoodatꞌen bubuhulhtsi.