Genesis 9:6 - Yak'usda Ooghuni

⁶ Mbe dune ꞌuyoon buzkaiꞌ whulhtsi-un, ꞌuyoon dune ndun dune ꞌuja-un yuzkaiꞌ whutilhtselh wheꞌ hoontꞌoh, Yakꞌusda (Elohim) dune yulh ndultꞌoh yulhtsi ꞌet huwa.

Genesis 9:6 Iomraidhean Croise

Genesis 4:14

ꞋAlha ꞌandit dzin whutsꞌun ndi yun kꞌut suntinyoot nyunin ba whuꞌiz ꞌutistꞌelh, ndi yun kꞌut nunulꞌiꞌ-un ꞌinkꞌez yoh lhuhootꞌiꞌ-un tisleh, ꞌinkꞌez mbe nasilhti-un sutuzilhghelh whe ꞌuntꞌoh”.

Genesis 42:22

ꞋInkꞌez Reuben bubulh yatilduk ꞌinkꞌez ꞌubulhni, “ꞋAw lakw lhunodusnel inleꞌ! ‘Ndun duneyaz ootsꞌun nintaꞌoohtꞌen junih!’ nohdusni, ꞌinkꞌez ꞌaw lhusoozulhtsꞌai. ꞋEt huwa whunulhꞌen buzkaih ꞌawet netsꞌun hukwaꞌ whutni.”

Genesis 5:1

Ndi ꞌudustlꞌus, Adam tsꞌu haindene ghun ꞌuntꞌoh. Yakꞌusda (Elohim) ndet dzin ꞌuyinla dzin, Yakꞌusda (Elohim) ndotꞌen yulhtsi.

Matthew 26:52

ꞋEt Jesus ndúyulhni, “Nyoo saluzti tꞌunádintꞌaih! ꞋAlhaꞌ mbene la ꞌet dutꞌenne, ꞌenne ꞌet hukwꞌe dahutitsah.

Romans 13:4

ꞋEt nohmoodihne, ꞌenne Yakꞌusda ba ꞌutꞌenne léꞌhintꞌoh. ꞋEt tankꞌus neꞌáhtꞌen de, ꞌet de bube noolhjut. Ndai la hiye úlhtus-i butlꞌá yuzꞌai ꞌi be dzoh nunóhotilhdzut ꞌet huwa. ꞋAw ꞌantsꞌi íloh ꞌuhintꞌoh.

1 Corinthians 11:7

ꞋEt ꞌalhaꞌ dunene, ꞌenne Yakꞌusda kꞌeguz-i kꞌunꞌa ꞌuhintꞌoh, ꞌinkꞌez ye diztiꞌ-i kꞌunꞌa ꞌuhintꞌoh. ꞋEt huwa dutsi kꞌeꞌoolhbal ꞌaitꞌoh. ꞋEt tsꞌekoo ꞌenne dune ye diztiꞌne ꞌuhintꞌoh.

James 3:9

Neze whe Yakꞌusda neBá tube cho ooba tsꞌodílhtiꞌ. ꞋInkꞌez ꞌet whe za nebulh dunene bubézduyaih, Yakꞌusda dukꞌunꞌa ꞌubínla, ꞌenne hoontsꞌi neghuni be ꞌet dúbutsꞌutni.

Revelation 13:10

Mbe ꞌuyoonne ꞌulhna ꞌubulhtsi-un, didutchꞌoh cha whuz unꞌa za ꞌulhna tileh. Mbe saluzti be dune ughan de, didutchꞌoh cha saluzti be datitsah wheꞌ hoontꞌoh. ꞋEt huwa Yakꞌusda oochꞌeꞌne, ndi ꞌet mbene hiye ꞌalhaꞌ ninzun-i ꞌinkꞌez hoonli talhohodini, ꞌet ꞌuwhúlhni.