Genesis 9:3 - Yak'usda Ooghuni

³ Dantꞌi tsꞌiyawh ꞌusjiz ꞌi nukhutnah, ꞌi ꞌutꞌalh-i nohba ooleꞌ. ꞋEt ndai tsꞌiyawh nohgha nusla, ꞌutꞌan ha nuyeh tsꞌuꞌalh-i hoontsꞌi.

Genesis 9:3 Iomraidhean Croise

Genesis 9:2

Ndi yun kꞌut khuna-i tsꞌiyai huye ntiljut, dutꞌai cha ndi yun nuhutnah-i ꞌinkꞌez lho cha tsꞌiyawh nohla kꞌez be huwantꞌai.

Romans 14:14

Jesus Christ ꞌen gha tꞌewhunúszun ꞌalha ꞌuhoontꞌoh ꞌaw ꞌutꞌalh-i me tsꞌutni-i hooloh. ꞋEt hoontsꞌi whulohne ꞌuhuninzun ꞌi ꞌutꞌalh-i me ꞌúntꞌoh ꞌuninzun de, ꞌet de ꞌen dune ooba me yinli whe ꞌuntꞌoh.

Romans 14:17

Yakꞌusda dune kꞌúneꞌ bulꞌen-un huwun, ꞌaw tsꞌaꞌálh-i kꞌus tsꞌutnai-i, ꞌi ghun íloh ꞌuhoontꞌoh. Ndoni neyudíltsꞌut ꞌet huwa Yakꞌusda nalh tsꞌihꞌun ꞌútsꞌutꞌen, ꞌen gha nedzi dóghel, ꞌinkꞌez tsꞌohótꞌeꞌ.

Romans 14:20

ꞋUtꞌalh-i gha Yakꞌusda be ꞌutꞌen gak hoolhtselh junih. ꞋEt ꞌalha ꞌuhoontꞌoh ꞌaw hoonliyaz me unli hooloh. ꞋEt hoontsꞌi mbe la yutiꞌulh-i ooba náwh ꞌuhoontꞌoh de, yanꞌal de, ꞌet ooba lubeshi ꞌuhoontꞌoh.

Romans 14:3

Mbe la tsꞌiyaitsuk ꞌaꞌálh-un, ndun dune ꞌutsung lhúsꞌal-un, ꞌet hukwa yutsꞌu dootni junih. ꞋInkꞌez mbe la ꞌutsung lhúsꞌal-un, ndun tsꞌiyai ꞌaꞌálh-un, ꞌen cha ꞌaw ooba nahoohyeh junih. Yakꞌusda hóontꞌiꞌ whe tsꞌiyawh hubílhchoot ꞌet huwa.

1 Corinthians 10:23

ꞋEt ꞌaw hoonliyaz whuchꞌa nusjoot-un hooloh, ꞌet hoontsꞌi whulukhun sba lheꞌhóozooꞌ. Hoonliyaz whuchꞌa nusjoot-un hooloh, ꞌet hoontsꞌi whulukhun ndutistꞌelh de ꞌaw dune whe bula ꞌeꞌwhudóneh ꞌaitꞌoh.

1 Corinthians 10:31

ꞋEt ꞌinka ndet la ꞌahꞌalh totsuk, ꞌinkꞌez ꞌahtnai de cha, kꞌus ntsꞌoh dahtꞌen ꞌi cha, ꞌet tsꞌiyawh ꞌi be ꞌet Yakꞌusda whé dulhtiꞌ-un hubaꞌ hoontꞌoh.

Colossians 2:16

ꞋEt huwa ndai ꞌahꞌalh-i ꞌinkꞌez ndai ꞌahtnai cha, kꞌus budzenis whuti, ꞌinkꞌez sa iꞌaih-un cha, ꞌinkꞌez Lizwif nahulyis dzin cha, ndi ꞌi tsꞌiyawh ꞌet huwun nohodoolhtsiꞌ junih.