Genesis 9:2 - Yak'usda Ooghuni

² Ndi yun kꞌut khuna-i tsꞌiyai huye ntiljut, dutꞌai cha ndi yun nuhutnah-i ꞌinkꞌez lho cha tsꞌiyawh nohla kꞌez be huwantꞌai.

Genesis 9:2 Iomraidhean Croise

Genesis 1:21

ꞋEt Yakꞌusda (Elohim) toot lho cho ꞌinkꞌez ꞌusjiz-i nuhutnah-i lhelhdoh didoh toot nuyeh-i ꞌinkꞌez nutꞌo-i lhelhdoh didoh-i ꞌinla. ꞋInkꞌez ꞌowhi yunilhꞌen, unzoo whe ꞌuntꞌoh. ꞋEt Yakꞌusda (Elohim) ooba hoonzoo suliꞌ.

Genesis 1:26

ꞋEt Yakꞌusda (Elohim) ꞌutni, “Dune ꞌutsꞌooleh, neundotꞌen-un, nekꞌunꞌa ꞌuntꞌoh-un, yatoo kꞌut, lho, dutꞌai ndo nudilh-i, musdoos, yun kꞌut cha, yun kꞌut nulhꞌas-i cha, ꞌowhi tsꞌiyawh yumoodih ooleꞌ sih”.

Genesis 1:28

ꞋEt Yakꞌusda (Elohim) soo hoonzoo-un ꞌubulhni ꞌinkꞌez Yakꞌusda (Elohim) njan ndubulhni, “Lhane cho nohuzkeh ooleꞌ, ndi yun doolhbun ꞌinkꞌez oomoodih uhli, lho, dutꞌai, nudilh-i cha ꞌinkꞌez ndi yun kꞌut ꞌusjiz-i cha tsꞌiyawh”.

Genesis 2:19

Ndi yun kꞌut ꞌet Moodihti Yakꞌusda (Yahweh Elohim) tsꞌiyai khuna-i, dutꞌai ndo yat nudilh, ꞌi tsꞌiyawh Adam tsꞌun nebuninla, ꞌet ntsꞌenꞌa hubootazih ha. ꞋInkꞌez ntsꞌenꞌa hubonziꞌ, ꞌi huboozi suliꞌ.

Genesis 35:5

ꞋInkꞌez nahutisdil ꞌinkꞌez Yakꞌusda oonujut-i, ꞌi tsꞌiyawh nyo keyoh whuti bukeidiltsꞌut, ꞌaw Jacob ooyeꞌke lhubontiyulh.

Genesis 9:1

ꞋEt Yakꞌusda (Elohim) ꞌen Nowe ꞌinkꞌez ooyeꞌke tucha tsꞌiyawh soo hoonzoo-un hubúlhni whe ꞌubulhni, “Lhane cho ooleꞌ ndi yun doolhbun hubulhni.

Genesis 9:3

Dantꞌi tsꞌiyawh ꞌusjiz ꞌi nukhutnah, ꞌi ꞌutꞌalh-i nohba ooleꞌ. ꞋEt ndai tsꞌiyawh nohgha nusla, ꞌutꞌan ha nuyeh tsꞌuꞌalh-i hoontsꞌi.

James 3:7

ꞋEt ndi yun kꞌut khuna-i didowh-i, dutꞌai cha, ndai yun kꞌut núlhꞌas-i cha, ꞌinkꞌez ndai toot hoonli, ꞌi cha, wheni ndi yun kꞌut dunene, ꞌi tsꞌiyawh kꞌuneꞌ tsꞌulꞌen.