Genesis 9:1 - Yak'usda Ooghuni

¹ ꞋEt Yakꞌusda (Elohim) ꞌen Nowe ꞌinkꞌez ooyeꞌke tucha tsꞌiyawh soo hoonzoo-un hubúlhni whe ꞌubulhni, “Lhane cho ooleꞌ ndi yun doolhbun hubulhni.

Genesis 9:1 Iomraidhean Croise

Genesis 1:22

ꞋEt Yakꞌusda (Elohim) soo hoonzoo-un hubúlhni, ꞌinkꞌez njan ndutni, “Lhkꞌuz whe lhai oohleꞌ ndi too doolhbun yatooꞌ tuz, ꞌinkꞌez dutꞌai cha ndi yun kꞌut lhkꞌuz teh lhai ooleꞌ.”

Genesis 1:28

ꞋEt Yakꞌusda (Elohim) soo hoonzoo-un ꞌubulhni ꞌinkꞌez Yakꞌusda (Elohim) njan ndubulhni, “Lhane cho nohuzkeh ooleꞌ, ndi yun doolhbun ꞌinkꞌez oomoodih uhli, lho, dutꞌai, nudilh-i cha ꞌinkꞌez ndi yun kꞌut ꞌusjiz-i cha tsꞌiyawh”.

Genesis 10:32

Ndunne ꞌenne Nowe ooyeꞌke tsꞌu haindene ꞌenne tsꞌiyawh lhkꞌehidil ndi yun kꞌut too whuzdliꞌ hukwꞌelhꞌaz. ꞋInkꞌez ꞌilhoh huwhutꞌi ndi yun kꞌut lhelhdoh ꞌuhoontꞌoh.

Genesis 2:3

ꞋInkꞌez Yakꞌusda (Elohim) whulh lhtakꞌantꞌit dzin ꞌet soo hoonzoo-un whulhtsi ꞌinkꞌez ꞌudun duba neooninla. Njan whulh lhtakꞌantꞌit dzin ꞌet nalyiz be ꞌutꞌen ꞌi tsꞌiyawh lhaoodinla ꞌet huwa, Yakꞌusda (Elohim) ndi ꞌuyinla ꞌi lhaoodinla.

Genesis 24:60

ꞋInkꞌez Rebekah soo hoonzoo-un hiba tenadidli ꞌinkꞌez ꞌuhuyulhni, “Neulhtus, lhez te whunizyai lhkꞌuz te (100,000,000) dune buloo ꞌonleꞌ sih ꞌinkꞌez ntsꞌu haindene mbene la butsꞌu dutnine hukwuti-un dati ꞌi himoodih ooleꞌ.”

Genesis 35:11

ꞋInkꞌez ꞌet cha Yakꞌusda (Elohim) ꞌuyulhni, “Si Yakꞌusda ꞋUkꞌenus ꞋUltus-un (El Shaddai) ꞌen ꞌustꞌoh. Lhai cho ntsꞌu ha ookat ꞌinkꞌez lhai cho ooleꞌ didohne ꞌinkꞌez dune didohne tsꞌiyawh ꞌenne ntsꞌu ha hutidoh, ꞌinkꞌez lerwene ꞌenne nyustꞌe tsꞌu ha hutidulh.

Genesis 8:17

Ndai la tsi bet daltsꞌiꞌ-i khuna-i ꞌusjiz-i tsꞌiyawh tenaninle, dutꞌai cha ꞌinkꞌez khuna-i ꞌinkꞌez yun nulhꞌas-i cha, ꞌet si ndi yun kꞌut lhai hooleꞌ.”

Genesis 9:19

Ndunne tane ꞌenne Nowe ooyeꞌke hinle, ꞌenne butsꞌu haidune. ꞋEnne bugha ndi yun kꞌut whudizbun.

Genesis 9:2

Ndi yun kꞌut khuna-i tsꞌiyai huye ntiljut, dutꞌai cha ndi yun nuhutnah-i ꞌinkꞌez lho cha tsꞌiyawh nohla kꞌez be huwantꞌai.

Genesis 9:7

ꞋInkꞌez nohni, lhane cho nohuzkeh ooleꞌ. Lhanꞌun cho ndi yun kꞌut whutꞌenne lhane cho nohhuzkeꞌ hooleꞌ.”