Genesis 8:21 - Yak'usda Ooghuni

²¹ ꞋEt Moodihti (Yahweh) ndi sooltsun-i yunahoolhtsun. ꞋInkꞌez Moodihti (Yahweh) didutchꞌoh dudzi yo ꞌutni, “ꞋAw ꞌon ꞌat ndi yun dune gha ꞌaw ookꞌehoosyih ꞌaitꞌoh. Dahintꞌoh la dune budzi ntsiꞌ hintsool whutsꞌun, ꞌet hoontsꞌi ꞌaw doo cha ꞌon ꞌat khuna-i ndi yun kꞌut gak hooselh ꞌaitꞌoh.

Genesis 8:21 Iomraidhean Croise

Genesis 3:17

ꞋEt Adam ꞌulhni, “Nꞌat oozalhtsꞌaiꞌ ꞌet huwa ꞌinkꞌez ndi duchun oomaiꞌ, ‘Onꞌalh junih,’ nyudusni, inꞌal ꞌet huwa, nyun mba ndi yun ꞌi ookehida, ꞌutꞌen be ootsꞌu huyukat-i tanꞌulh yun ka tandalh ndwhulyiz whe.

Genesis 4:12

Yun gha itanalh te, daltus la hukwꞌunꞌa mba ookꞌut ha lheꞌuntizye. Ndi yun kꞌut tandalh whutoh nunulꞌiꞌ-un ꞌinkꞌez yoh lhuhootꞌiꞌ-un tanleh.”

Genesis 5:29

ꞋInkꞌez, Nowe be yoozi ꞌinkꞌez ꞌutni, “Ndun ꞌen si kꞌunenunooꞌah neye ꞌutꞌen ha ꞌinkꞌez neba be oogha tsꞌana-i, yun Moodihti (Yahweh) ye kꞌehanya ꞌet huwa”.

Genesis 6:13

Yakꞌusda (Elohim) ꞌen Nowe ꞌuyulhni, “Njan tsꞌiyawh ndai la ꞌusjiz-i, ꞌawet sba whula toh suliꞌ. Dunene ꞌenne bulagha tsꞌe ndi yun kꞌut tsꞌiyawh be lhezudla-i be hodilhbun. ꞋEt whunilhꞌen, ndi yun ndulcho whe ndi khuna tsꞌiyawh yun kꞌut husjiz-i, tsꞌiyawh bulh gak whutiselh.

Genesis 6:17

ꞋEt whunilhꞌen ꞌet si ꞌutisnelh, yun kꞌut ndulhcho too ha tadutisbilh. Yat whutah ꞌet gak whutiselh. Tsꞌiyawh ndai ndi ꞌusjiz be tsꞌukhuna bulh ꞌuntꞌoh, ꞌi gak tileh. Ndi yun kꞌut ꞌet tsꞌiyai yatadlah.

Genesis 6:5

ꞋEt Moodihti (Yahweh) bunilhꞌen ndi yun kꞌut dune huye untsiꞌ tube ncha suliꞌ. Tsꞌiyawh ꞌahoolhyiz wheni ndune bubeni untsiꞌ, ꞌet whunilhꞌen.

Genesis 6:7

ꞋEt Moodihti (Yahweh) ꞌutni, “Mbene la dune ndi yun kꞌut wheni ꞌubuslane, soo tsꞌiyawh gak hubutiselh. Ndi dune ꞌinkꞌez khuna-i, yun kꞌut nulhꞌas-i ꞌinkꞌez ndo dutꞌai nudilh-i cha, ꞌi tsꞌiyawh. ꞋEt tube huwu sdzi unduda ꞌubusdla ꞌet huwa.”

Matthew 15:19

Dune budzi bez ha yúkat, be ne-eni untsiꞌ-i, dune hutuzilhghelh, ꞌuyoon dune ooꞌat kꞌus ꞌuyoon tsꞌeke ooki bulh nintaꞌantꞌen-un, ꞌinkꞌez ꞌaw lhghulhdiltsꞌine hoontsꞌi whuz unꞌa za neꞌhutꞌen. ꞋUndunutꞌih-un, ꞌuyoonne ba whutsꞌit-un, ꞌinkꞌez Yakꞌusda chꞌaz yalhduk-un cha.

John 3:6

Mbe la dune gha whuzdlí-un, ꞌen dune chꞌeꞌ ꞌuntꞌoh, ꞌinkꞌez mbe la Ndoni be whuzdlí-un, ꞌen Ndoni oochꞌeꞌ ꞌuntꞌoh.

Romans 1:21

Yakꞌusda tꞌehinínzun ꞌet hoontsꞌi ꞌaw lhehidílhtiꞌ ꞌinkꞌez ꞌaw musi lhuhidúsni. ꞋEt huwa ꞌantsꞌi iloh te nuni hunuzut ꞌinkꞌez tankꞌus ꞌuhuninzun, ꞌet huwa ꞌaw tsꞌihꞌun unꞌa kꞌus tankꞌus ꞌúhoontꞌoh-un tꞌehonúszun.

Romans 3:23

ꞋEt wheni tsꞌiyawh lubeshi ꞌutsꞌalhꞌen. ꞋEt huwa Yakꞌusda ye diztiꞌ-i ꞌet ndutsꞌóotꞌeꞌ ꞌaitꞌoh.

2 Corinthians 2:15

ꞋEt Christ ꞌen ba Yakꞌusda tsꞌun ooba sooltsun-i leꞌ tsꞌintꞌoh. ꞋInkꞌez mbe la dijizne ꞌinkꞌez mbe la kwuncho yo tsꞌu tidulhne, ꞌenne butoh whuz unꞌa ꞌutsꞌintꞌoh.

Ephesians 5:2

Be lhkꞌetsꞌusiꞌ-i, ꞌi be ndi yun kꞌut dúlhtsꞌi. Ntsꞌenꞌa Christ nékꞌensiꞌ whe neba butlꞌaꞌ dudilti, nohni cha whuz unꞌa za ꞌet ndóhneh. Neba daja whe Jesus whe khuna-un, ꞌet Yakꞌusda ba ꞌet whula ditni wheni neba. Christ neba daja la Yakꞌusda ooba hoonzoo wheꞌ hóontꞌiꞌ.

Philippians 4:18

ꞋAlhaꞌ tsꞌiyai lhai ꞌustꞌi. Epaphroditus ꞌen be ndi stso tlꞌahla-i, ꞌi tsꞌiyawh úschoot, ꞌinkꞌez ꞌunísdai. Sooltsun-i, ꞌi ndulcho whe oonawhultsun leꞌ ꞌúntꞌoh. ꞋI huwa tꞌaih-i ꞌuntꞌoh. ꞋEt huwa Yakꞌusda tube cho hoontꞌiꞌ.

1 John 5:19

Wheni Yakꞌusda bulh ꞌútsꞌintꞌoh tꞌetsꞌoninzun. ꞋInkꞌez ndi yun kꞌut whutꞌenne, ntsiꞌ-un tsꞌiyawh kꞌúneꞌ bulꞌen.