Genesis 7:7 - Yak'usda Ooghuni

⁷ ꞋEt Nowe ooyeꞌke ooꞌat cha, ꞌinkꞌez ooyeꞌke buꞌatke cha tsꞌiyawh ꞌi nyoo tsꞌi cho huye indil ꞌawet too ndo ꞌutinelh ꞌet huwa.

Genesis 7:7 Iomraidhean Croise

Genesis 6:18

ꞋEt hoontsꞌi nyun ntsꞌun sghuni ntlꞌa dutisꞌalh. ꞋInkꞌez ndi tsꞌi cho bez tonyaꞌ, nyun, nyeꞌke, nꞌat, ꞌinkꞌez nyeꞌkeh buꞌatke cha, ꞌen dulh ꞌúbolneh.

Genesis 7:1

ꞋEt whe Moodihti (Yahweh) ꞌen Nowe ꞌuyulhni, “Nyuzkeh cha, nyunchꞌoh cha, mbene la nyoh whutꞌine tsꞌiyawh ndi tsꞌi cho behdilh, daintꞌoh la tsꞌihꞌun dune inli, ndi ꞌandit dune toh ndoh whuya hoozulh dune toh daintꞌoh la tsꞌihꞌun dune inli-un ꞌet whunusꞌen.

Matthew 24:38

Soo cho whunulhꞌen, yun ka too beꞌ whutanelh, whutsodaꞌ tsꞌiyanne ꞌaꞌalh ꞌinkꞌez ꞌuhutnai. Dune ꞌinkꞌez tsꞌekoo bulh lhgho dilhtsꞌi, Noah tsꞌi cho be tiyalh ꞌet whutsꞌun.

Luke 17:27

ꞋEt tsꞌiyanne ꞌuhaꞌalh zaꞌ hutꞌen, ꞌinkꞌez tahunutnai. Dunene cha ꞌinkꞌez tsꞌekoo cha lhgho dilhtsꞌi. ꞋOh daꞌ Noah tsꞌi cho be ínya ꞌinkꞌez ꞌet too dudiltꞌo ꞌinkꞌez tsꞌiyanne too hubanghan.

Hebrews 11:7

Noah ꞌen cha Yakꞌusda ooba ꞌalhaꞌ yintꞌoh. ꞋI be ꞌawhuz lhuhoos̱ꞌen-un Yakꞌusda yúlhni, “Huwonleꞌ ꞌawet whuz de hóoltsꞌulh.” Whe nuljut ꞌinka tsꞌi cho ꞌuyínla. ꞋEt huwa Noah hiyoh dilhtsꞌine, ꞌenne tsꞌiyawh ubúlhyih. Ndi tsꞌi cho ꞌuyínla-i, ꞌi gha ndi yun kꞌut dúlcho whe dunene buba nahisda. ꞋInkꞌez be ꞌalha ꞌuhoontꞌoh-i be tsꞌihꞌun unꞌa ꞌuntꞌohne tsinli, Noah ꞌen cha whuz unꞌa Yakꞌusda ooba ꞌalhaꞌ yintꞌoh-un suliꞌ, ꞌi be tsꞌihꞌun dune inleꞌ.

Hebrews 6:18

Yakꞌusda ꞌaw hootsꞌit ꞌaitꞌoh. ꞋEt huwa ndet la howu yalhduk-un ꞌinkꞌez butsꞌu náhizya-un, ꞌet náwhultꞌoh ꞌaw ꞌatsꞌun unꞌa naꞌhotneh ꞌaitꞌoh. ꞋEt huwa tꞌetsꞌoninzun Yakꞌusda ꞌaw nela dootnih ꞌaitꞌoh. Wheni cha ndet la hukwa tse tsꞌúhooli-un, ꞌet tsꞌohótun hubaꞌ hoontꞌoh. ꞋI gha nedzi do náꞌutꞌi.

1 Peter 3:20

Ndunne ꞌoh daꞌ ꞌaw hikꞌú nulheꞌitꞌel inleꞌ. ꞋEt ꞌoh daꞌ Noah tsꞌi cho ꞌuyuleh whe Yakꞌusda ubulh dzoh nuzut, ꞌinkꞌez bubailhꞌeꞌ. ꞋAlhgoh lhkꞌudine, (8) ꞌaw ꞌenne za, too butighan whuchꞌaz hudujih.

2 Peter 2:5

ꞋInkꞌez yoo niz de haóodanzut daꞌ, ꞌudaꞌ yun kꞌut whutꞌenne, mbene la Yakꞌusda ghu nuni lhnuszutne ꞌinkꞌez ꞌaw lhahidilhtiꞌne, ꞌenne cha ꞌaw buba whula lhdítnel. ꞋEnne bugha ndi yun kꞌut ndulcho whe too didilhtꞌo ꞌinkꞌez too ꞌubanghan. ꞋOh daꞌ lhkꞌudine (8) ꞌaw ꞌenne za ꞌet whuchꞌa Yakꞌusda bubulhyih. Too didutálhtꞌo whutso Noah, ꞌen Yakꞌusda ye tsꞌihꞌun unꞌa ꞌuntꞌoh-i, ꞌi be dune ubulh yailhduk, ꞌen bubulh ꞌilhoghun ꞌuntꞌoh.