Genesis 7:1 - Yak'usda Ooghuni

¹ ꞋEt whe Moodihti (Yahweh) ꞌen Nowe ꞌuyulhni, “Nyuzkeh cha, nyunchꞌoh cha, mbene la nyoh whutꞌine tsꞌiyawh ndi tsꞌi cho behdilh, daintꞌoh la tsꞌihꞌun dune inli, ndi ꞌandit dune toh ndoh whuya hoozulh dune toh daintꞌoh la tsꞌihꞌun dune inli-un ꞌet whunusꞌen.

Genesis 7:1 Iomraidhean Croise

Genesis 6:18

ꞋEt hoontsꞌi nyun ntsꞌun sghuni ntlꞌa dutisꞌalh. ꞋInkꞌez ndi tsꞌi cho bez tonyaꞌ, nyun, nyeꞌke, nꞌat, ꞌinkꞌez nyeꞌkeh buꞌatke cha, ꞌen dulh ꞌúbolneh.

Genesis 6:9

Nowe tsꞌu haindene hukwꞌeguz ꞌet ꞌuhoontꞌoh. Nowe ꞌen tsꞌihꞌun dune unli, khuna daꞌ whe ꞌaw ookꞌeholtsꞌit hooloh. Nowe ꞌen Yakꞌusda (Elohim) bulh nuya inleꞌ.

Genesis 7:13

Soo ꞌet dzin za Nowe ooyeꞌke cha, Shem, Ham ꞌinkꞌez Japheth, ꞌinkꞌez Nowe ooꞌat, ꞌinkꞌez ooyasꞌatke cha tsꞌiyawh ndi tsꞌi cho huye indil.

Genesis 7:7

ꞋEt Nowe ooyeꞌke ooꞌat cha, ꞌinkꞌez ooyeꞌke buꞌatke cha tsꞌiyawh ꞌi nyoo tsꞌi cho huye indil ꞌawet too ndo ꞌutinelh ꞌet huwa.

Luke 1:6

ꞋEt nahultꞌoh Yakꞌusda nalh tsꞌihꞌun dune hinli. Yakꞌusda ooghuni buba yutulhúhizyeꞌ-i ꞌinkꞌez ndet butsꞌu hukwaꞌ ninzun hikꞌuneꞌ titꞌen ha, ꞌet tsꞌiyawh hukwꞌú neꞌhutꞌen. ꞋAw hoonli whe bukꞌeholtsꞌit ꞌaítꞌoh.

Luke 17:26

ꞋEt Noah oodzin whudizulh daꞌ, dahoontꞌoh inleꞌ la, ꞌet whuz unꞌa za Yinka Dune Yeꞌ oodzin ꞌet nduwhútatꞌelh.

Acts 2:39

Mbene la Yakꞌusda neMoodihti bukaꞌ dutinelhne, ꞌilhone ꞌahli whe Ndoni nohtsꞌú yoozi inleꞌ, nohuzkeh cha ꞌinkꞌez nilhzaꞌ yun kꞌut whutꞌenne, ꞌenne hoontsꞌi.”

Hebrews 11:7

Noah ꞌen cha Yakꞌusda ooba ꞌalhaꞌ yintꞌoh. ꞋI be ꞌawhuz lhuhoos̱ꞌen-un Yakꞌusda yúlhni, “Huwonleꞌ ꞌawet whuz de hóoltsꞌulh.” Whe nuljut ꞌinka tsꞌi cho ꞌuyínla. ꞋEt huwa Noah hiyoh dilhtsꞌine, ꞌenne tsꞌiyawh ubúlhyih. Ndi tsꞌi cho ꞌuyínla-i, ꞌi gha ndi yun kꞌut dúlcho whe dunene buba nahisda. ꞋInkꞌez be ꞌalha ꞌuhoontꞌoh-i be tsꞌihꞌun unꞌa ꞌuntꞌohne tsinli, Noah ꞌen cha whuz unꞌa Yakꞌusda ooba ꞌalhaꞌ yintꞌoh-un suliꞌ, ꞌi be tsꞌihꞌun dune inleꞌ.

1 Peter 3:20

Ndunne ꞌoh daꞌ ꞌaw hikꞌú nulheꞌitꞌel inleꞌ. ꞋEt ꞌoh daꞌ Noah tsꞌi cho ꞌuyuleh whe Yakꞌusda ubulh dzoh nuzut, ꞌinkꞌez bubailhꞌeꞌ. ꞋAlhgoh lhkꞌudine, (8) ꞌaw ꞌenne za, too butighan whuchꞌaz hudujih.